“Seçkilər gənclərimiz üçün həmrəylik prosesidir”
Tarix: 06.04.2018 | Saat: 00:40:00 | E-mail | Çapa göndər


Azərbaycanda keçirilən seçkilərdə gənclər sektorundakı QHT-lər də aktivlik nümayiş etdirirlər. Xüsusən, seçki ərəfəsində vətəndaş cəmiyyəti nümayəndələri gənclər arasında maarifləndirici tədbirlər keçirirlər. Gənclərin Həmrəyliyi İctimai Birliyi də bu baxımdan aktiv QHT-lərdəndir. Gənclərin Həmrəyliyi İctimai Birliyinin sədr müavini Zülfiyyə Nuriyeva qəzetimizə müsahibəsində gənclərin seçki fəallığı haqqında danışdı. Xatırladaq ki, Gənclərin Həmrəyliyi İctimai Birliyi tərəfindən Prezident yanında QHT-lərə Dövlət Dəstəyi Şurası, həmçinin Prezident yanında Gənclər Fondunun dəstəyi ilə gənclərin seçkilərdə aktivliyi mövzusunda layihələr həyata keçirilib.
-Gənclərin demokratik düşüncəsinin inkişafında seçkilərin nə kimi rolu var?
-Azərbaycan gəncliyi bu gün demokratik, müstəqil bir cəmiyyətdə, azad fikirli və seçib-seçilmək hüququna malik olduğunu bilir. Gənclər bu hüquqdan cəmiyyətin və ölkəmizin, şəxsən öz gələcək həyat fəaliyyətlərinin təminatı naminə yararlanırlar. Azərbaycan gəncləri ölkəmizdə seçkiyə qatılmaq, seçki dönəmində daha aktiv olmaq, dövlətimizin uğuru üçün öz səslərinin əhəmiyyətini dərk edərək, seçkidə aktiv iştirak etməyin mütləq olduğunu bilirlər.
-Ölkəmizdə keçirilən seçkilər zamanı gənclər nə kimi həmrəylik göstərməlidirlər?
-Ölkəmiz üçün çox böyük əhəmiyyət kəsb edən seçki, xüsusilə prezident seçkiləri gənclərimiz üçün həm də bir həmrəylik prosesidir. Gənclər üçün Azərbaycanda və Azərbaycan sərhədlərindən kənarda yaradılan şərait, bu gün ölkəmizin gənclərinə hər zaman dövlət tərəfindən göstərilən qayğının təzahürüdür. Bu günün gəncliyi seçki hüququndan aktiv şəkildə istifadə etməli və bu kampaniyada bütün gənclərə qarşı həmrəylik göstərməlidirlər. Prezident seçkilərinin nəticələri Azərbaycanın gələcəyinin təminatı deməkdir. Gənclik cəmiyyətin fəal ictimai qüvvəsidir.
-Gənclər seçkiöncəsi nə dərəcədə fəallıq göstərirlər?
- Ulu öndər Heydər Əliyevin başlatdığı gənclər siyasəti bu gün uğurla davam etdirilir. Hazırda Azərbaycan gəncliyinə yaradılan imkan və qayğının nəticəsidir ki, seçki ərəfəsində gənclərimiz çox böyük aktivlik nümayiş etdirirlər. Bu seçki gənclər və Azərbaycan üçün çox böyük əhəmiyyət kəsb edir. Gənclərimiz bu gün çox aktivdirlər. Bu isə Azərbaycan gəncinin öz seçki hüququndan daha aktiv istifadə edəcəyinə sübutdur.
-Siz QHT olaraq gənclər arasında prezident seçkiləri ilə bağlı hansı işlər görürsünüz?
-Bizim bu istiqamətdə bir neçə layihəmiz olub. Bu gün də gənclər təşkilatı olaraq, təbii ki, gənclər arasında maarifləndirici təbliğatımız davam edir. Xüsusən, sosial şəbəkələrdə bu işi daha aktiv edirik. Azərbaycanın müstəqillik əldə etdiyi gündən bu günə qədər imza atdığı bütün uğurlar haqqında məlumat veririk. Bu uğurların gənclərin gələcək həyatlarını daha yüksək standartlarda yaşaması, təhsil və inkişaf etmələri üçün olduğunu bildiririk. Azərbaycan dövlətinin güvəndiyi bu günün, sabahın gəncliyidir. Azərbaycan gəncliyi hər zaman öz dövlətinə inanıb.
Fuad Hüseynzadə




 
Bölməyə aid digər xəbərlər
15.01.2019
Ukraynada oxucuların rəğbətini qazanan azərbaycanlı yazıçı
15.01.2019
Azərbaycan Sənaye Korporasiyasının fəaliyyətinin əsas məqsədi istehsal potensialının gücləndirilməsinə nail olmaqdır
15.01.2019
İran regionda təhlükəsizlik və sabitliyin daha da artması üçün Dağlıq Qarabağ münaqişəsinin həllinə töhfə verməyə hazırdır
14.01.2019
“Azərbaycan Ermənistanı regionda təcrid vəziyyətə salıb”
12.01.2019
Avropa parlamentləri Ermənistanın “konyak diplomatiyası“nda adı keçən siyasətçilərin fəaliyyətlərini ifşa edən araşdırmalar aparmalıdırlar

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10562

1 Xocalı tarixi və mədəniyyəti
2 Ukraynada oxucuların rəğbətini qazanan azərbaycanlı yazıçı
3 Struktur dəyişiklikləri dövlət idarəçiliyinin təkmilləşdirilməsini nəzərdə tutur
4 Azərbaycanın qonşu ölkələrlə əlaqələri yüksək səviyyədədir
5 Çingiz Bayramov: “Azərbaycan bölgənin inkişaf etmiş ölkəsinə çevrilib”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info