ATƏT DTİHB-nin prezident seçkiləri ilə bağlı bəyanatı anti-Azərbaycan qüvvələrin maraqlarına söykənir
Tarix: 16.04.2018 | Saat: 03:23:00 | E-mail | Çapa göndər


ATƏT-in Demokratik Təsisatlar və İnsan Haqları Bürosunun (DTİHB) müşahidə missiyasının Azərbaycanda prezident seçkiləri ilə bağlı hesabatında səsləndirilən fikirlərin heç bir əsası yoxdur. Bunu Trend-ə açıqlamasında Vəhdət Partiyasının sədri, millət vəkili Tahir Kərimli deyib.
Partiya sədri bildirib ki, ATƏT DTİHB əsasən seçki prosesində rəqabət mühitinin olmamasını irad tutur:

"Seçki öncəsi həmin müşahidə missiyası bir çox partiya rəhbərləri ilə, o cümlədən bizim partiyada da görüş keçirdi. Bizimlə görüşdə seçki prosesinin tam normal olduğunu dedilər və biz də bu barədə müvafiq məlumatları verdik. Lakin hesabatlarında qeyd etdilər ki, budəfəki seçkidə rəqabət mühiti olmayıb və s. Əgər müxalifət seçkilərdə iştirak etmirsə, burada iqtidarın nə günahı var? Məgər onların seçkidə iştirak etməməsi iqtidarın təqsiridir? Əgər müxalifət seçki prosesinin müddətinin az olduğunu bəhanə edirsə, Avropa dövlətlərində də seçki müddəti bu qədərdir. Əgər müxalifət 5 il müddətində seçkiyə hazırlaşa bilmirsə, bir ay artırmaqla nə hazırlıq görəcəkdi? Radikal müxalifət seçkilərdə məğlub olacağını yaxşı bilirdi, ona görə də seçkilərə getmədilər. Başqa bəhanə gətirmək gülüncdür.
ATƏT DTİHB iddia edir ki, seçki dövründə Prezidenti daha çox təbliğ ediblər. Axı Prezident seçkilərdə namizəd kimi təbliğ olunmayıb. Təbii ki, onun dövlət başçısı kimi fəaliyyəti işıqlandırılmalıdır və bunun təbliğata heç bir aidiyyəti yoxdur. ATƏT DTİHB-nin bu iddiaları heç bir məntiqə sığmır. Bütün bunlar əsassız və subyektiv bir mülahizədir, hansısa radikal, anti-Azərbaycan qüvvələrin maraqlarına söykənir. ATƏT DTİHB-nin müşahidə missiyasının üzvlərindən soruşmaq istərdim ki, əgər belə hesabat yayacaqdılarsa, o zaman siyasi partiya sədrləri ilə görüşməkdə məqsədləri nə idi? Əgər görüşdükləri partiya sədrləri, QHT rəhbərləri, ictimaiyyət nümayəndələrinin fikirlərini nəzərə almayacaqdılarsa, niyə həmin şəxslərlə görüşüb fikirlərini öyrənirdilər?"
T.Kərimli bildirib ki, prezident seçkilərində Azərbaycan xalqı ölkənin sabitliyinə, iqtisadi inkişafına, millətin rifahına, təhlükəsizliyinə səs verdi:
"Xalq bilir ki, ölkəyə sabitlik, təhlükəsizlik lazımdır. Azərbaycan xalqı bilir ki, bu sabitlik, bu təhlükəsizlik, bu inkişaf Prezident İlham Əliyevin fəaliyyəti ilə bağlıdır. Ona görə xalq bu dəfə də Prezident İlham Əliyevə səs verdi ki, ölkədə sabitlik olsun. Azərbaycan xalqı dərk edir ki, ölkədə sabitliyi hər kəs təmin edə bilməz".




 
Bölməyə aid digər xəbərlər
20.11.2018
Yeni Azərbaycan Partiyası: iqtisadi və siyasi müstəqilliyi möhkəmləndirən ideyalar məktəbi
19.11.2018
“Qaçaqmalçılığa qarşı mübarizə sahəsində yüksək göstəricilər əldə olunub”
19.11.2018
Səfir: Azərbaycanla Pakistan arasında olan strateji tərəfdaşlıq münasibətləri bütün sahələrdə əməkdaşlığa öz töhfəsini verir
18.11.2018
Sanya meri: Azərbaycan qədim tarixə və özünəməxsus mədəniyyətə malik ölkədir
18.11.2018
Dünyanın heç bir ölkəsində qanunsuz, icazəsiz mitinq keçirməyə yol verilmir

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10507

1 Davamli dil siyasəti dövlətin əsas prioritet istiqaməti kimi
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
4 Almaniyada Naxçıvanla bağlı broşürlər paylanılıb
5 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info