Gəncədə salınacaq bulvar müasir tikililəri ilə şəhərin simasını dəyişəcək
Tarix: 23.04.2018 | Saat: 11:56:00 | E-mail | Çapa göndər
Gəncə çayının sol sahilində salınacaq yeni bulvar şəhərin bu hissəsinə xüsusi gözəllik bəxş edəcək. Bulvarın girişi, yəni Nizami prospektinin Gəncə çayı üzərindəki körpüdən şəhərin mərkəzinədək olan hissə genişləndiriləcək. Prospekt boyunca 7 ədəd 9 mərtəbəli yaşayış binası inşa ediləcək. Gəncə çayının sahilində salınan yeni bulvardakı tikililər isə qədim Gəncənin müasir simasını tamamilə dəyişərək buranı həm şəhər sakinlərinin, həm də yerli və xarici turistlərin sevimli istirahət məkanına çevirəcək.
AZƏRTAC-ın bölgə müxbiri xəbər verir ki, bu barədə Gəncə Şəhər İcra Hakimiyyətinin başçısı Elmar Vəliyev 2018-ci ilin birinci rübündə şəhərin sosial-iqtisadi inkişafının yekunları və qarşıda duran vəzifələrə həsr olunan hesabat yığıncağında məlumat verib.
Əvvəlcə, Gəncə çayının sol sahilində görüləcək işlərin ümumi planı ictimaiyyətə təqdim olunub.
Bildirilib ki, Gəncə çayı sahilində bulvarın salınması işlərinə ilk dəfə 4 il bundan qabaq başlanılıb. Layihəyə uyğun olaraq, görülən işlər çərçivəsində Gəncə çayının şəhər ərazisindən keçən hissəsində sahilbərkitmə işləri aparılıb. Çayın yatağı təmizlənib, məcrası isə yenidən qurularaq, hər iki tərəfdə ümumi uzunluğu 2,4 kilometr olan betondan istinad divarı çəkilib.
Çayın sağ sahilində ilkin olaraq 34 hektar ərazidə bulvar salınıb. İstirahət məkanında Bayraq meydanı, Mətbuat evi, Kitab evi, Uşaq Əyləncə və Ticarət Mərkəzi, “Əli və Nino” kompleksi, Saat qülləsi, kinoteatr, həmçinin müxtəlif restoran və kafelər istifadəyə verilib. Bulvarda fəvvarələr quraşdırılıb, sahil boyunca müxtəlif heykəllər qoyulub, ağaclar əkilib, çoxsaylı dekorativ çiçək və gül kollarından ibarət yaşıllıq salınıb. Vaxtilə Gəncə çayının sağ və sol hissəsini birləşdirən piyadalar üçün metal konstruksiyadan tikilmiş körpü yenidən qurularaq müasir vəziyyətə gətirilib.
Həmçinin çayın sol sahilində Uşaq Gənclər İdman Mərkəzi üçün yeni bina və Heydər Əliyev Fondunun dəstəyi ilə Məhsəti Mərkəzi tikilib. Mərkəzin qarşısında 12-ci əsr Azərbaycan poeziyasının görkəmli nümayəndəsi Məhsəti Gəncəvinin heykəli ucaldılıb, ətrafdakı park abadlaşdırılıb.
Qeyd edilib ki, layihənin ikinci mərhələsində Gəncə çayının sol sahilində bulvarın salınması planına uyğun olaraq subasarda məskunlaşmış ailələrin qarşılıqlı razılaşma əsasında köçürülməsinə başlanılıb. Bu vaxta qədər 130 ailə əvvəlki yaşayış yerlərinin ümumi həcmindən bəzi hallarda iki dəfə böyük yeni, hər bir şəraiti olan evlə təmin edilib. Layihəyə uyğun olaraq daha 26 ailənin köçürülməsi 1 ay müddətinə yekunlaşmalıdır.
Ailələrin köçürülməsi prosesi başa çatdıqdan sonra bulvar boyunca kommunikasiya xətlərinin çəkilməsi və torpaq-bərkitmə işlərinin aparılmasına başlanılacaq.
Layihəyə uyğun olaraq, bulvarda “Bayraq muzeyi”, yaşayış binası, tələbələr üçün yataqxana inşa ediləcək. Yeni salınan bulvar layihəsində qapalı və açıq stadionların tikintisi də öz əksini tapıb.
Müxtəlif təyinatlı binaların tikintisi üçün tenderin elan olunacağını qeyd edən Elmar Vəliyev bildirib ki, layihənin icrası sərmayədarların qoyduğu sərmayə hesabına həyata keçiriləcək. İş adamlarının təqdim edəcəyi layihələrə baxılacaq və şəhərin ümumi memarlıq prinsiplərinə uyğun, xüsusən bulvara yaraşıq verəcək layihələrin icrasına icazə veriləcək.

Mahmud




 
Bölməyə aid digər xəbərlər
23.05.2018
“Çempion” sənədli filminin təqdimatı olacaq
22.05.2018
Qüruru və əzəməti bir-birini tamamlayan “Mənim Naxçıvanım”
22.05.2018
Söz ömrünə calanan ömür
22.05.2018
Bakıda “Qədim el sənətləri” festivalı təşkil ediləcək
22.05.2018
“Cəfər Cabbarlı mükafatı” yeni laureatlarına təqdim olunub

Şərh əlavə olunmayıb



    ,    
Hüseyn Babayev
Fuad HÜSEYNZADƏ
Tural Tağıyev
Elşad QOCA
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 9299

1 “İsveçdə keçiriləcək parlament seçkilərində bir neçə azərbaycanlının namizədliyi irəli sürülüb”
2 Yaponiyada Azərbaycan məhsullarına böyük maraq var
3 Oqtay Əsədov: “Ermənistanın işğalçılıq siyasəti bölgədə sülh və sabitliyə mane olur”
4 “Ermənistan işğalçı tərəf olaraq Laçın rayonunda qeyri-qanuni əməllərini davam etdirir”
5 “Əlillik təyinatlarının həyata keçirilməsində mövcud vəziyyət qənaətbəxş deyil”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info