İsa Həbibbəyli: “Türkiyə ilə ədəbi əlaqələrimiz güclənib”
Tarix: 25.04.2018 | Saat: 16:53:00 | E-mail | Çapa göndər
Azərbaycan Milli Elmlər Akademiyasının (AMEA) Nizami Gəncəvi adına Ədəbiyyat İnstitutunda “XX əsrin əvvəllərindən bu günə Azərbaycan-Türkiyə ədəbiyyat və maarif münasibətləri” mövzusunda panelin açılışı olub. Tədbir AMEA-nın Ədəbiyyat İnstitutu, Bakı Yunus Əmrə İnstitutu və Xaricdə Yaşayan Türklər və Qohum Cəmiyyətlər Birliyinin birgə təşkilatçılığı ilə keçirilib.
Tədbirdə AMEA-nın vitse-prezidenti, Ədəbiyyat İnstitutunun direktoru, akademik İsa Həbibbəyli Azərbaycan-Türkiyə qardaşlığının, dostluğunun dünya üçün nümunə olduğunu bildirib. İ.Həbibbəyli Azərbaycan və Türkiyə ədəbiyyatlarının ortaq köklərindən, müasir ədəbi əlaqələrin inkişafından danışıb. Qeyd olunub ki, tarixən Azərbaycan-Türkiyə ədəbiyyat və maarif münasibətləri müasir ədəbi əlaqələrin inkişafına zəmin yaradıb.
Ümummilli lider Heydər Əliyevin “Bir millət – iki dövlət” ifadəsini xatırladan alim hər iki ölkənin ortaq köklərə, dil, din birliyinə, oxşar mədəniyyət, adət və ənənələrə malik olduğunu deyib. O, panelin ədəbi və maarifçilik sahəsində ortaq dəyərlərin üzə çıxarılmasına və zənginləşdirilməsinə töhfə verəcəyini söyləyib.
Bakı Yunus Əmrə İnstitutunun müdiri Cihan Özdəmir bu il Azərbaycan Xalq Cümhuriyyətinin və Qafqaz İslam Ordusunun yaranmasının 100-cü ildönümünün tamam olduğunu və tədbirin bu çərçivədə keçirildiyini bildirib. O, XX əsrdə hər iki ölkənin ədiblərinin və maarifçi xadimlərinin müxtəlif cərəyanların təsirinə məruz qaldığını, lakin geniş dünyagörüşləri və yüksək təhsilləri sayəsində milli dövlət ətrafında birləşdiklərini qeyd edib. Bildirilib ki, tədbir Azərbaycan Xalq Cümhuriyyəti dövründə Türkiyədə təhsil almış, türk fikir və mədəniyyətini mənimsəmiş ədəbiyyatçı və maarifçi şəxslərin apardıqları mübarizələri yenidən gündəmə gətirmək, hər iki ölkənin alimləri arasında ünsiyyət körpüsü qurmaq məqsədi daşıyır.
Mədəniyyət Nazirliyinin Mədəniyyətşünaslıq üzrə Elmi-Metodiki Mərkəzinin direktoru Asif Usubəliyev panelin mövzusunun müasir dövr üçün aktual olduğunu deyib. Bu istiqamətdə zəruri tədqiqatların aparılmasına ehtiyac olduğunu söyləyən A.Usubəliyev tədbirin iki ölkə arasında ədəbi, elmi, mədəni əlaqələrin inkişafına töhfə verəcəyinə əminliyini bildirib.
Paneldə professor Yavuz Akpınar “Türkiyə-Azərbaycan əlaqələri baxımından “Cəlal Ünsi”, professor Ədalət Tahirzadə “Bakıdan İstanbula və İstanbuldan Bakıya gedən müəllimlər”, professor Ramiz Əsgər “Türkiyəyə gedən azərbaycanlı ədiblər”, filologiya elmləri doktoru Nikpur Cabbarlı “Son əsrdə Azərbaycan-Türkiyə maarif münasibətləri”, dosent İrfan Murad Yıldırım “Molla Nəsrəddin və Türkiyə”, dosent Yılmaz Özkaya “Türkiyə-Azərbaycan ədəbi əlaqələrində “Yeni Kafkasya” və Azeri-Türk” dərgiləri” və Ömer Özcan “Azərbaycan siyasi mühacirətinin bilinməyən ismi: Əfəndizadə Mehmet Şərif bəy” mövzularında məruzələrlə çıxış ediblər.

Nigar




 
Bölməyə aid digər xəbərlər
24.05.2018
“İstiqlal düşüncələri. Cümhuriyyətə aparan yollar“
24.05.2018
Şagirdlər üçün “Azərbaycan Xalq Cümhuriyyətinin tarixi” mövzusunda mühazirə
24.05.2018
“Mənim Azərbaycanım” Ümumrespublika Gənclər Festivalı
24.05.2018
“Həyatımın ən böyük arzusuna çatdım – BANM-in tələbəsi oldum”
24.05.2018
İsa Həbibbəyli: “Sertifikasiya təhsilin keyfiyyətini artırmaq üçün məqbul bir prosedurdur”

Şərh əlavə olunmayıb



    ,    
Hüseyn Babayev
Fuad HÜSEYNZADƏ
Tural Tağıyev
Elşad QOCA
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 9306

1 “İsveçdə keçiriləcək parlament seçkilərində bir neçə azərbaycanlının namizədliyi irəli sürülüb”
2 Yaponiyada Azərbaycan məhsullarına böyük maraq var
3 “Bəzən valideynlər övladlarının saatlarla cizgi filminə baxması ilə fərəhlənirlər”
4 Almaniyadakı soydaşlarımızdan AXC-nin 100 illiyilə bağlı təbrik mesajı
5 Monteneqrodakı soydaşlarımızdan AXC-nin 100 illiyi ilə bağlı təbrik mesajı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info