Xarici milli suvenirlərə böyük maraq göstərirlər
Tarix: 26.04.2018 | Saat: 12:17:00 | E-mail | Çapa göndər
Ağac üzərində oyma sənəti Qax rayonunda dekorativ sənətin ən qədim növlərindən biri sayılır. Tural Mənəfov bu işlə məşğul olan az sayda sənətkarlardandır. Uşaqlıqdan bu qədim xalq sənətinə böyük maraq göstərən Tural 7 ildir ki, ağac parçalarından, taxtadan milli suvenir əşyalar hazırlamaqla məşğuldur.
AZƏRTAC-ın bölgə müxbiri Tural Mənəfovla doğulub boya-başa çatdığı Qum kəndindəki emalatxanasında görüşüb, onun yaradıcılığı ilə maraqlanıb. Böyük Qafqaz sıra dağlarının ətəyində yerləşən, üç tərəfdən dağlarla əhatələnən Qum kəndi əsrarəngiz təbiəti, qədim tarixi abidələri ilə seçilir.
1988-ci ildə bu kənddə doğulan Tural uşaq yaşlarından rəssamlığa maraq göstərib. Orta məktəbi bitirdikdən sonra Qax Peşə Liseyində bənna, suvaqçı, rəngsaz ixtisası üzrə təhsil almasına baxmayaraq, rəssamlığa olan marağı onun gələcək fəaliyyət sahəsinin müəyyənləşdirilməsində böyük rol oynayıb. Liseydə oxuduğu müddətdə o, peşəkar rəssam və heykəltəraş Soltan Hacıyevdən fərdi şəkildə rəssamlıq sənətinin ilkin sirlərini öyrənib. Hərbi xidmətdən qayıtdıqdan sonra bir müddət tikinti sahəsində çalışan Tural yenidən uşaqlıq arzusunu reallaşdırmaq qərarına gəlib. Tural Mənəfov artıq neçə ildir ağac üzərində oyma sənəti ilə, milli suvenirlər hazırlamaqla məşğuldur. Onun ağac parçalarından, taxtadan hazırladığı müxtəlif fiqurlar, suvenir əşyalar hamı tərəfindən böyük maraqla qarşılanır.
Sənətkarın dediyinə görə, kənddə yaşadığı üçün uşaqlıqdan təbiət qoynunda gəzməyi çox xoşlayıb, daim ağacla, çay daşları ilə, bitkilərlə təmasda olub. Hər dəfə çay kənarında sel-sularının gətirdiyi rəngli çay daşlarını, qeyri-adi ağac köklərini görəndə düşünüb ki, ondan nə isə maraqlı bir əşya hazırlamaq olar. Bir dəfə tapdığı ağac kökünü evə gətirib, üzərində bir az işlədikdən sonra onun ətrafına meşədən yığdığı kiçik göbələkləri əlavə edib və maraqlı bir kompozisiya alınıb. Hazırladığı ilk əl işini dosta-tanışa göstərib. Suvenir əşyanın hamı tərəfindən bəyənildiyini görən Tural bu sənətlə müntəzəm məşğul olmaq qərarına gəlib.
Həmsöhbətimiz deyib: “Əvvəllər bu sahəyə bir hobbi kimi maraq göstərirdim. Hazırda isə bu iş ailə biznesimə çevrilib, artıq bu sənətdən gəlir də əldə edirəm. Yaşadığım Qax rayonu ölkəmizin yaxşı tanınan turizm bölgələrindəndir. İlin bütün fəsillərində buraya xeyli sayda yerli və xarici turist gəlir. Onlar milli suvenir əşyalarla çox maraqlanırlar. Əl işlərimi alanlar da elə həmin turistlərdir. Odur ki, bütün fəaliyyətimi bu istiqamətə yönəltmişəm. Əsasən kiçik ölçülü suvenirlər hazırlayıram. Çünki belə əl işlərini alıb aparmaq daha asandır. Qiymətlər də çox münasibdir, 5-15 manat arasında dəyişir. Hazırladığım əl işlərinə yerli turistlərlə yanaşı, xaricilər də böyük maraq göstərirlər. İndiyədək 30-dək xarici ölkənin turistləri əl işlərimi alaraq öz diyarlarına aparıblar”.
Tural ustanın suvenirlərin satışından heç bir narazılığı yoxdur. Xüsusilə, yay aylarında milli suvenirlərə tələbat xeyli çoxalır. Yerli və xarici turistlər daha çox buta, başmaq, nal, ürək, böcək formasında olan suvenirlərə, göz muncuqlarına, quş fiqurlarına maraq göstərir, bu işləri həvəslə alırlar.
Mahmud




 
Bölməyə aid digər xəbərlər
22.05.2018
Söz ömrünə calanan ömür
22.05.2018
Bakıda “Qədim el sənətləri” festivalı təşkil ediləcək
22.05.2018
“Cəfər Cabbarlı mükafatı” yeni laureatlarına təqdim olunub
22.05.2018
“Özbək şeir çələngi” kitabı nəşr edilib
21.05.2018
Mirzə Baxış Nadimin “Seçilmiş əsərləri” ictimaiyyətə təqdim olunub

Şərh əlavə olunmayıb



    ,    
Hüseyn Babayev
Fuad HÜSEYNZADƏ
Tural Tağıyev
Elşad QOCA
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 9295

1 “İsveçdə keçiriləcək parlament seçkilərində bir neçə azərbaycanlının namizədliyi irəli sürülüb”
2 Yaponiyada Azərbaycan məhsullarına böyük maraq var
3 Oqtay Əsədov: “Ermənistanın işğalçılıq siyasəti bölgədə sülh və sabitliyə mane olur”
4 “Ermənistan işğalçı tərəf olaraq Laçın rayonunda qeyri-qanuni əməllərini davam etdirir”
5 “Ermənistanın işğalçılıq siyasəti bu gün də davam edir”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info