Bilik Fondu Tbilisidə beynəlxalq konfrans keçirdi
Tarix: 26.04.2018 | Saat: 20:49:00 | E-mail | Çapa göndər
“Beynəlxalq elmi konfransın Azərbaycan Xalq Cümhuriyyətinin 100 illiyi ərəfəsində Tbilisi şəhərində gerçəkləşməsi heç də təsadüfi deyil”

Prezidentinin “1918-ci il azərbaycanlıların soyqırımının 100 illiyi haqqında” imzaladığı sərəncama uyğun olaraq, Prezident yanında Bilik Fondu və Tbilisi şəhərindəki M.F.Axundzadə adına Azərbaycan Mədəniyyəti Muzeyinin birgə təşkilatçılığı, Azərbaycanın Gürcüstandakı səfirliyinin və Gürcüstan Milli Elmlər Akademiyasının dəstəyi ilə Tbilisidə “Soyqırımı hadisələri müasir elmi araşdırmalarda" mövzusunda beynəlxalq elmi konfrans keçirilib. Bilik Fondunun Mətbuat xidmətindən “Palitra”ya bildiriblər ki, Axundov adına Azərbaycan Mədəniyyəti Muzeyində keçirilən konfransda Azərbaycanın Gürcüstandakı səfiri Dursun Həsənov, Türkiyə Respublikasının Gürcüstandakı səfiri Fatma Ceren Yazgan, Gürcüstan Milli Elmlər Akademiyasının prezidenti akademik Georgi Kvasitadze, Çeçenistanın Yazıçılar İttifaqının sədri Kanta İbraqimov, hər iki ölkənin tanınmış tarixçi-alimləri, mütəxəssislər, media və yerli ictimaiyyət nümayəndələri iştirak ediblər.
Muzeyin direktoru Leyla Əliyeva iştirakçıları salamlayaraq, 1918-ci ilin mart-aprel aylarında və sonrakı dövrlərdə erməni millətçilərinin həyata keçirdikləri qanlı aksiyalar barədə məlumat verib. Soyqırımı qurbanlarının xatirəsi bir dəqiqəlik sükutla yad edilib. Daha sonra ölkəmizin Gürcüstandakı səfiri Dursun Həsənov ölkə başçısının soyqırımla bağlı imzaladığı sərəncamı xatırladaraq, 100 il əvvəl – 1918-ci ilin mart-aprel aylarında Azərbaycan xalqının başına gətirilən dəhşətli faciə haqqında danışıb, səfir bildirib ki, Bakı şəhərində, Bakı quberniyasına daxil olan digər şəhər və qəzalarda on minlərlə dinc sakin məhz etnik və dini mənsubiyyətinə görə qətlə yetirilib, yaşayış məntəqələri dağıdılıb, mədəniyyət abidələri, məscid və qəbiristanlıqlar yerlə-yeksan edilib. Erməni millətçiləri Qarabağ, Zəngəzur, Naxçıvan, Şirvan, İrəvan və digər bölgələrdə də kütləvi qətllər, talanlar törədiblər. Konfransda tarixçi alimlərin səsləndirdikləri fikirlərin gələcək obyektiv araşdırmalara təkan olacağını vurğulayıb. Bilik Fondunun sektor müdiri Xatirə Hüseynova icraçı direktor Oktay Səmədovun konfrans iştirakçılarına ünvanlandığı məktubu səsləndirib.
Məktubda deyilir ki, beynəlxalq elmi konfransın Azərbaycan Xalq Cümhuriyyətinin 100 illiyi ərəfəsində Tbilisi şəhərində gerçəkləşməsi heç də təsadüfi deyil. 1918-ci il mayın 26-da Zaqafqaziya Seyminin sonuncu iclasından sonra gürcü nümayəndələri Seymdən çıxıb öz müstəqilliklərini elan etdilər. İki gün sonra, mayın 28-də Tbilisi şəhərində fəaliyyət göstərən Qafqaz canişininin binasında Azərbaycan Xalq Cümhuriyyətinin qurulması haqqında Bəyannamə qəbul olundu. Bu tarixi hadisələr hər iki xalqın dövlətçilik yolunda mühüm mərhələ kimi ölkələrimizin müasir inkişaf səviyyəsinin təkanverici qüvvəsinə çevrildi. Türkiyə Respublikasının Gürcüstandakı səfiri Fatma Ceren çıxışında 20-ci əsrin əvvəllərində azərbaycanlılara qarşı həyata keçirilən soyqırımı hadisələri tarixinin dərindən öyrənilməsinə, indiki və gələcək nəslin nümayəndələrinə daha dolğun və ətraflı çatdırılmasına ehtiyac olduğunu deyib, bu istiqamətdə üç ölkə alimlərinin, siyasətçilərinin birgə fəaliyyət göstərməsinin əhəmiyyətini vurğulayıb. Gürcüstan Milli Elmlər Akademiyasının Prezidenti akademik Georgi Kvasitadze azərbaycanlı alimləri Gürcüstanda salamlamaqdan məmnun olduğunu deyib. Akademik tarixi həqiqətlərin tanıdılmasına xidmət edən konfransın real nəticələr verəcəyini bildirib. Çeçenistanın Yazıçılar İttifaqının sədri Kanta İbraqimov azərbaycanlıların sülhpərvər xalq olduğunu qeyd edərək, tolerant topluma qarşı onun qonşuları tərəfindən aqressivlik nümayiş etdirilməsinin yolverilməz olduğunu və haqqın qalib gələcəyinə inandığını vurğulayıb.
Sonra Gürcüstanın Milli Müdafiə Akademiyasının Baş Qərargahının baş instruktoru, tarix elmləri doktoru, akademik Şadiman Bidzadze "Soyqırım hadisələri - 1918-1920-ci il", Bakı Dövlət Universiteti Tarix fakültəsinin dekanı, dosent Azad Rzayev "1918-ci ildə azərbaycanlıların soyqırımnın səbəbləri", Tarixçi alim, yazıçı, professor Badri Qoquadze "Azərbaycanlıların soyqırımının 100-cü ildönümü", Azərbaycan Milli Elmlər Akademiyasının A.Bakıxanov adına Tarix İnstitutunun böyük elmi işçisi, tarix üzrə fəlsəfə doktoru Vaqif Abışov "Bakı və Gəncə quberniyalarında azərbaycanlıların soyqırımı", Azərbaycan Respublikasının Gürcüstandakı Səfirliyinin birinci katibi Fəxri Hacıyev "Azərbaycanlıların soyqırımı gürcü mənbələrində", Gürcüstan-Azərbaycan Dostluq Fondunun icraçı direktoru Simon Kopadze "1918-ci il azərbaycanlıların soyqırım", Bakı Dövlət Universiteti Jurnalistika fakültəsinin dosenti Sevinc Əliyeva, "Soyqırım hadisələri mətbuatda", "Art Paralel" Televiziya şirkətinin sədri Tenqiz Txilava "Soyqırımın 100-cü ildönümü" Gürcüstan Respublikası Sadaxlı kənd orta məktəbinin direktoru Adil Şərifov "Gürcüstan azərbaycanlıları 1918-ci il soyqırımının kədərini bölüşürlər", Gürcüstan Müharibə Veteranları Cəmiyyətinin sədri Qəhrəman Musayev "Azərbaycanlıların soyqırımı etnik müstəvidə", Bilik Fondunun sektor müdiri Hacı Abdulla "Azərbaycan Xalq Cümhuriyyətinin Tiflis dövrü fəaliyyəti" mövzularında soyqırım dəhşətlərini açıqlayan faktlarla zəngin məruzələrlə çıxış ediblər.
Müzakirələrdən sonra Axundov adına Azərbaycan Mədəniyyəti Muzeyinə və konfransın qonaqlarına soyqırım həqiqətlərini, Azərbaycanın tarixini, mədəniyyətini özündə əks etdirən elmi-kütləvi ədəbiyyat nümunələri hədiyyə edilib.

Anar





 
Bölməyə aid digər xəbərlər
23.05.2018
Belarusiyadan idxal edilən kərə yağlarının keyfiyyətinə zəmanət verilir
23.05.2018
Şəhidin ailəsinə “Şücaətə görə” medalı təqdim olunub
23.05.2018
“Sumqayıtı tanıyaq” devizi ilə maarifləndirici tur-aksiya keçirilib
23.05.2018
Ermənistan ordusu atəşkəs rejimini 92 dəfə pozub
23.05.2018
OPEK iyunda neft hasilatının həcmini artıra bilər

Şərh əlavə olunmayıb



    ,    
Hüseyn Babayev
Fuad HÜSEYNZADƏ
Tural Tağıyev
Elşad QOCA
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 9299

1 “İsveçdə keçiriləcək parlament seçkilərində bir neçə azərbaycanlının namizədliyi irəli sürülüb”
2 Yaponiyada Azərbaycan məhsullarına böyük maraq var
3 Oqtay Əsədov: “Ermənistanın işğalçılıq siyasəti bölgədə sülh və sabitliyə mane olur”
4 “Ermənistan işğalçı tərəf olaraq Laçın rayonunda qeyri-qanuni əməllərini davam etdirir”
5 “Əlillik təyinatlarının həyata keçirilməsində mövcud vəziyyət qənaətbəxş deyil”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info