İş adamları Ermənistandan qaçırlar
Tarix: 27.04.2018 | Saat: 00:55:00 | E-mail | Çapa göndər


"Qraparak": “Müxtəlif iş adamları öz biznes və sərmayələrini ölkədən çıxarmağa başlayıblar”

“Mən bunun belə bir sonluqla bitəcəyinə inanırdım. 2008-ci ildən bəri dövlət rəhbərliyinin şüurlu olaraq həyata keçirdiyi miqrasiya ilə etirazçı kütlənin Ermənistanı tərk etdiyini düşünürdülər. Lakin son proseslər göstərir ki, miqrasiyanın böyük miqyasına baxmayaraq, Ermənistanda sosial problemlərə görə hakimiyyətə qarşı mübarizə aparmaq üçün kifayət qədər kütlə varmış”. Bu fikirləri “1in.am” saytına İnsan hüquqları müdafiəçisi Vardan Harutyunyan Serj Sarkisyanın istefasını şərh edərkən deyib. Hüquq müdafiəçisi, bu qədər insanın meydana çıxacağını təsəvvür etmədiyini bildirsə də, Nikol Paşinyanın bu istiqamətdəki fəaliyyətini alqışladığını bildirib. Saytın “etirazların ilk günlərində Serj Sarkisyanın zorakı qərarlar qəbul etməsinə nə mane oldu” sualını cavablandıran hüquq müdafiəçisi bunları bildirib: “Bu hakimiyyətin hər zaman yalnız bir seçimi var idi. Onlar hakimiyyətdə olduqları on il ərzində hər şeyin yalnız güc yolu ilə həllini seçiblər. Onların düşüncəsinə görə, cəmiyyət həmişə təzyiq altında olmalı idi. Lakin ölkədə baş alıb gedən narazılıq, agır sosial-iqtisadi vəziyyət insanlar hakimiyyətə qarşı qaldırdı. Baş verənlər Sarkisyan hakimiyyətinin planlarına daxil deyildi”. Hüquq müdafiəçisinin sözlərinə görə, baş verən proseslər Ermənistan iqtisadiyyatına da təsirsiz ötüşməyəcək. "Qraparak" nəşri də Ermənistanda yaşananların ölkə iqtisadiyyatı üçün fəlakətlə nəticələnə biləcəyini yazır. Nəşrin yazdığına görə, müxtəlif iş adamları öz biznes və sərmayələrini ölkədən çıxarmağa başlayıblar. "Qraparak" nəşri yazır ki, bu siyahıya təkcə yerli iş adamları deyil, ölkəyə investisiya yatırmaq istəyən xarici iş adamlarını da daxil etmək lazımdır. Xarici biznes nümayəndələri ölkəni tərk etməyə başlayıb: “Onlar bu qeyri-sabit vəziyyətin uzun müddət davam edə biləcəyindən, yeni hakimiyyətin onları əmlaklarından məhrum edə biləcəyindən ehtiyat edirlər. Məsələn, bizim məlumatımıza görə, Rusiyada yaşayan və “Avilon” şirkətinin prezidenti olan Kamo Avaqumyan “Artfood” zavodunun 75 faizini əldə etmək üçün danışıqlar aparırdı. Lakin son olaylardan sonra danışıqlar dayandırılıb”.
Ağasəf Babayev




 
Bölməyə aid digər xəbərlər
23.01.2019
Ermənistanda hər gün cinayətkarlıq artır
23.01.2019
Türkiyə Prezidenti Rusiyada səfərdədir
23.01.2019
Qazaxıstan Respublikasının adı dəyişir
22.01.2019
Paşinyanın inqilabdan sonra Qərbdən maliyyənin sel kimi axacağı xəyalı puç oldu
22.01.2019
Ermənistanda bir ildə korrupsiya ilə bağlı 8 mindən çox fakt qeydə alınıb

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10566

1 “Mənim güc mənbəyim Bakıdadır”
2 Mehman Hüseynov Prezident İlham Əliyevə müraciət ünvanlayıb
3 “Yenisafak.com”: “Star” NEZ “Ən yaxşı maliyyə layihəsi idarəçiliyi” mükafatına layiq görülüb”
4 Əli Abdalov Mehman Hüseynovla barışıb
5 Sədərək uğrunda gedən qeyri-bərabər döyüşdə yurd sevgisi qalib gəldi


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info