Qalatasaray“ liderliyini qoruyub
Tarix: 07.05.2018 | Saat: 03:23:00 | E-mail | Çapa göndər


Mayın 6-da futbol üzrə Türkiyə Superliqasının XXXII turunda çempionluq uğrunda mübarizə aparan “Fənərbağça” komandası “Bursaspor” kollektivini qəbul edib.
AZƏRTAC xəbər verir ki, görüş turnir cədvəlinin üçüncü pilləsində qərarlaşan İstanbul təmsilçisinin 2:1 hesablı qələbəsi ilə başa çatıb.
Oyunda hesabı ikinci hissənin 69-cu dəqiqəsində Furkan Soyalpın vurduğu qolla qonaqlar açıblar. Lakin meydan sahibləri əzmkarlıq göstərərək rəqiblərini məğlub etməyi bacarıblar. Əvvəlcə 71-ci dəqiqədə “Fənərbağça”nın sabiq futbolçusu Musa Sou topu öz qapısından keçirib. Oyunun sonlarında isə Fernandao komandasının qələbə topunu vurub.
Bu görüşdən sonra “Fənərbağça” komandası xallarının sayını 66-ya çatdıraraq turnir cədvəlində “Başakşehir” kollektivini qabaqlayıb və ikinci sıraya yüksəlib.
Gərginliyi ilə yadda qalan matçda baş hakim Fırat Aydınus “Bursaspor”un iki futbolçusuna və baş məşqçisinə qırmızı vərəqə göstərib.
Turun maraqla gözlənilən digər qarşılaşmasında lider “Qalatasaray” səfərdə “Akhisarspor”la qarşılaşıb. Rəqibini 2:1 hesabı ilə məğlubiyyətə uğradan “Qalatasaray” çempionluğa doğru daha bir addım atıb.
Görüşdə hesab oyunun əvvəllərində açılıb. Matçın 15-ci və 18-ci dəqiqələrində “Cim-bom”un futbolçusu Qery Rodriqes dubla imza atıb. Otuz üçüncü dəqiqədə meydan sahiblərinin futbolçusu Soner Aydoğdu qonaqların qapısına təyin olunan 11 metrlik cərimə zərbəsindən istifadə edə bilməyib. Lakin 51-ci dəqiqədə “Akhisarspor” hesab arasındakı fərqi azaldıb. “Qalatasaray”lı Serdar Əziz avtoqola imza atıb. Oyunun sonlarında isə “Qalatasaray”ın hücumçusu Bafetimbi Qomis rəqib qapısına təyin olunan penaltini dəqiq yerinə yetirə bilməyib.
Beləliklə, bu oyundakı qələbə sayəsində “Qalatasaray” xallarının sayını 69-ya çatdırıb və Superliqadakı liderliyini qoruyub. Hesablarında 66 xal olan “Fənərbağça” və “Başakşehir” turnir cədvəlində ikinci və üçüncü yerləri bölüşürlər. Bu komandalardan üç xal geridə olan “Beşiktaş” dördüncü sırada qərarlaşıb. “Trabzonspor” 49 xalla beşincidir.
Qeyd edək ki, tur çərçivəsində keçirilmiş digər oyunlarda çempionluq uğrunda yarışan komandalardan "Başakşehir" komandası öz meydanında “Sivasspor”la heçə-heçə edərək çempionluq yolunda vacib xallar itirib.
Tura mayın 7-də keçiriləcək “Beşiktaş” – “Kayserispor” və “Göztəpə” – “Yeni Malatyaspor” oyunları ilə yekun vurulacaq.




 
Bölməyə aid digər xəbərlər
26.11.2020
“Bavariya” və “Mançester Siti” Çempionlar Liqasının 1/8 finalına yüksəlib
25.11.2020
Pele: “Maradona ilə göylərdə yenidən futbol oynayacağıq”
25.11.2020
FİFA “İlin futbolçusu” mükafatına namizədləri açıqlayıb
25.11.2020
İlin ən yaxşı məşqçisi kim olacaq? - Namizədlər
25.11.2020
“Barcelona“ və “Yuventus“ Çempionlar Liqasının pley-off mərhələsinə yüksəldi

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11910

1 “İncəsənət videomühazirələri” adlı yeni layihəyə başlanılıb
2 Что делали в Карабахе переселенцы из Ливана и Сирии?
3 “Qreçka“, yoxsa düyü – Hansını çox yeməlisiz?
4 Öküz ili bürclərə nə vəd edir?
5 Kinorejissor Rasim Ocaqovun xatirəsi anılıb


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info