“Paşinyanın resursları tükənib”
Tarix: 10.05.2018 | Saat: 21:58:00 | E-mail | Çapa göndər


Levon Ter-Petrosyan: “Vəziyyətdən çıxmağın yeganə yolu, erkən parlament seçkilərinin keçirilməsidir”

“Bu gün Ermənistanda yaranmış təhlükəli vəziyyətdən çıxış yolu erkən parlament seçkiləri keçirməkdir. Hazırda ölkə parlamentində əksəriyyətə malik olan Respublika Partiyası bütün qanunvericilik təşəbbüslərini müvəqqəti də olsa, özündə saxlayır. Partiya nümayəndələri bunu son çıxışlarında gizlətmirlər”. Bu fikirləri “Ilur.am” saytına verdiyi müsahibədə Ermənistanın ilk prezidenti, Erməni Milli Konqresinin rəhbəri Levon Ter-Petrosyan bildirib. “Bu günlərdə çoxları parlamentlə hökumət arasındakı əlaqələrdə meydana gəlmiş qeyri-adi vəziyyətin siyasi təsvirini verməyə çalışırlar. Ölkə parlamentindəki çoxluq özünü müxalifət elan etdikdən sonra, hazırda icra hakimiyyəti azlıq hökuməti hesab edilir. Paşinyanın yeni hökumətinin bütün bunlara qarşı nə edə biləcəyi ilə bağlı sual yaranır. Doğrudur, deyək ki, dünənə qədər Paşinyanın fəaliyyəti beynəlxalq ictimaiyyət tərəfindən anlayışla qəbul edilirdi. Amma indi maraq doğuran odur ki, yeni baş nazir eyni üsulla ölkə parlamentinə təsir edə biləcəkmi?”- deyə Ter-Petrosyan bildirib. Sabiq erməni prezidenti hesab edir ki, Paşinyanın bütün resurslarının artıq tükənib: “Əlbəttə, xalq hərəkatının lideri olaraq ölkə parlamentində öz iradəsini tətbiq etməklə, baş nazir statusunda olaraq bunu həyata keçirmək başqa-başqa şeylərdir. Vəziyyətdən çıxmağın yeganə yolu, erkən parlament seçkilərinin keçirilməsidir”. Təbii ki, Paşinyan üçün o qədər də asan olmayacağını MDB ölkələri İnstitutunun İrəvan filialının direktoru Aleksandr Markarov da “Sputnik Armeniya” saytına verdiyi açıqlamada etiraf edib. Markarova görə, hazırkı ölkə parlamentində çoxluq təşkil edən respublikaçılar onunla incə bir oyun oynayaacqlar: “Hazırda ölkədə etirazçı seçiciləri səfərbər edə bilən siyasi bir qrup mövcuddur ki, bu da onun legitimliyini sübut edir. Lakin parlamentdəki azlıq özünü möhkəmləndirməyə çalışacaq. Məsələ bundadır ki, mövcud qanunvericiliyə uyğun olaraq, erkən parlament seçkiləri qanunlarda dəyişiklik edilmədən həyata keçirilə bilməz. Ona görə də mövcud əksəriyyət bu cür qanun layihələrini dəstəkləməyəcək”. Bu arada "Joxovurd" qəzetinə açıqlama verən parlamentin vitse-spikeri, Respublika Partiyası fraksiyasının üzvü Eduard Şarmazanov deyib ki, onlar Paşinyan hökumətinə daxil olmasalar da, sabotajla da məşğul olmayacaqlar: “Biz yeni hökumətin formalaşmasında iştirak etməyəcəyik və onun fəaliyyəti üçün də heç bir məsuliyyət daşımırıq. Lakin bizim partiyadaşlardan yeni hökumətə qoşulmaq istəyənlər meydana çıxarsa, bu halda, Respublika Partiyası öz mövqeyini ifadə edəcək. Bununla belə, yeni hökumətlə bağlı təxribatçı hərəkətlərə belə yol verməyəcəyik”.

Ağasəf Babayev




 
Bölməyə aid digər xəbərlər
21.09.2020
Ermənistanda koronavirusdan ölənlərin sayı 936-ya çatıb
21.09.2020
Rusiyada beşmərtəbəli binada partlayışı baş verib, yaralılar var
20.09.2020
Ermənistanda koronavirusa yoluxanların sayı 47 431 nəfərə çatıb
19.09.2020
Putin Federasiya Şurasını toplayır
19.09.2020
Döyüşə erməni axçiləri gedir...

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11601

1 Avropada nümayişçilər polis zorakılığına məruz qalır, amma bu məsələlər heç vaxt müzakirəyə çıxarılmır
2 Jurnalistlər üçün onlayn formatda üçüncü təlim keçirilib
3 Prezident İlham Əliyev: Biz daxili tələbatı nə qədər mümkünsə, yerli məhsullar hesabına təmin etməliyik
4 “Yanar dağ” qoruğu Dövlət Turizm Agentliyinin tabeliyinə verilib
5 “Xınalıq”, “Keşikçidağ”, “Atəşgah məbədi” Dövlət Turizm Agentliyinin tabeliyinə keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info