“ZTE” smartfonlarının satışı dayandırılıb
Tarix: 11.05.2018 | Saat: 16:56:00 | E-mail | Çapa göndər


“ZTE” şirkəti ABŞ-ın tətbiq etdiyi sanksiyalara görə əsas əməliyyat fəaliyyətini dayandırıb. Şirkətin rəsmi internet mağazası bağlanıb və “Taobao” saytında elektronikanın satışı aparılmır.
“ICTnews” Elektron Xəbər Xidməti yazır ki, bundan əvvəl ABŞ qanunvericilik orqanları tərəfindən yerli şirkətlərə 2025-ci ilədək Çinə qurğuların komplekt hissələrinin ixracı qadağan edilib. Problem ondadır ki, Çin şirkətinin əsas tədarükçüləri məhz ABŞ-da fəaliyyət göstərir.
Məlumata görə, “ZTE” şirkəti yeni komplekt hissə tədarükçüləri tapacağı halda fəaliyyətini davam etdirəcək. “the Wall Street Journal” nəşri bildirir ki, bundan sonra smartfonlarda Tayvanın “MediaTek” istehsalçısının prosessorları quraşdırılacaq.
Bundan başqa, şirkət vacib smartfonlar bazarından məhrum ola bilər. “ZTE” brendi stabil olaraq ABŞ-da ən populyar qurğular beşliyinə daxildir. ABŞ hökuməti Çin smartfonlarının hərbi bazalar ərazisində satışına qadağa tətbiq edib. Daha əvvəl isə Federal Təhqiqatlar Bürosu (FTB) ölkə sakinlərini Çin smartfonlarından istifadənin təhlükəsi barədə xəbərdarlıq edib. Büronun məlumatına görə, bu qurğular fərdi məlumatları oğurlayaraq üçüncü şəxslərə ötürə bilərlər.
“Reuters” agentliyi analitiklər arasında sorğu keçirərək onların məsələyə münasibətini öyrənib. Onların qənaətinə görə, şirkəti iflas gözləyir. Qeyd edək ki, smartfonlar şirkətin yeganə məhsulu deyil. Belə ki, “ZTE” böyüklüyünə görə ikinci telekommunikasiya avadanlığı istehsalçısı hesab olunur.
Xatırladaq ki, ABŞ hökuməti “Huawei” və “ZTE” şirkətlərinə qarşı sanksiyaları başqa səbəbə görə tətbiq edib. Hökumət Çin istehsalçılarını İrana elektronika tədarükündə günahlandırır.

Mahmud




 
Bölməyə aid digər xəbərlər
21.09.2019
70 minlik saatı oğurlandı
20.09.2019
İlan onunla şou göstərən oğlanı sancdı
20.09.2019
Messi geyim brendini yaratdı
20.09.2019
“Facebook” televizor vasitəsilə videoçat üçün qurğu təqdim edib
20.09.2019
Brama, Orpinqton, Malin... Bu növ toyuqların Bakıda qiyməti 400 manata qədərdir

Şərh əlavə olunmayıb

    ,    
Namiq Əliyev
Ağasəf Babayev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10889

1 Müəllimlərin təkmilləşdirilməsi üçün təlimlər keçiriləcək
2 В Великобритании перешли на систему образования СССР
3 Vilayət Eyvazov sərəncamda olan rəisə vəzifə verdi
4 “Bəzi belarus tələbə qızlar artıq Azərbaycana gəlin köçməyə hazırlaşırlar”
5 “Siyasi partiyaların bir araya gəlməsi müsbət qiymətləndiriləsi hadisədir”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info