Mirzə Baxış Nadimin “Seçilmiş əsərləri” ictimaiyyətə təqdim olunub
Tarix: 21.05.2018 | Saat: 20:55:00 | E-mail | Çapa göndər


Mayın 21-də Azərbaycan Milli Elmlər Akademiyasının (AMEA) Məhəmməd Füzuli adına Əlyazmalar İnstitutunda XIX əsrin görkəmli şairi Mirzə Baxış Nadimin “Seçilmiş əsərləri” kitabının təqdimat mərasimi keçirilib.
İnstitutdan AZƏRTAC-a bildirilib ki, tədbirdə AMEA-nın əməkdaşları ilə yanaşı, şairin həmyerliləri - Hacıqabul rayonunun ictimaiyyət nümayəndələri iştirak ediblər.
Tədbirdə Əlyazmalar İnstitutu direktorunun elmi işlər üzrə müavini, kitabın tərtibçilərindən biri, filologiya elmləri doktoru Paşa Kərimov şair haqqında indiyədək aparılmış tədqiqatlar, onun əsərlərinin axtarışı, hazırkı kitabın ərsəyə gəlməsi və s. barədə məlumat verib. Vurğulanıb ki, M.Nadimin “Seçilmiş əsərləri” Hacıqabul rayonunun Nəvahi kəndində əldə edilmiş 354 vərəqlik əlyazma əsasında ərsəyə gəlib. Əvvəlki dövrlərdə M.Nadimin cəmi yeddi-səkkiz satirik şeirinin bəlli olduğunu deyən P.Kərimov bu kitab əsasında nadimşünaslığın formalaşacağına, şairin həyat və yaradıcılığı barədə dissertasiyalar yazılacağına əminliyini bildirib.
Əlyazmalar İnstitutunun aparıcı elmi işçisi, kitabın digər tərtibçisi, filologiya elmləri doktoru Raqub Kərimov şairin irsinin axtarışı üçün ötən ilin isti yay günlərində xeyli əziyyət çəkdiklərini, bütün Hacıqabulu dolaşdıqlarını diqqətə çatdırıb. Şairin qəbrinin hələ də aşkarlanmadığını deyən R.Kərimov bunun üçün xüsusi komissiya yaradılmasının zəruriliyini vurğulayıb.
AMEA-nın Ədəbiyyat İnstitutunun əməkdaşı, kitabın redaktoru, filologiya elmləri doktoru Zaman Əsgərli şairin irsinin toplanmasını və nəşrini xeyirxah bir əməl kimi dəyərləndirib. Kitabın ədəbiyyat tariximizin öyrənilməsində böyük rolu olacağını əminliyini bildirən alim M.Nadimin həyat və yaradıcılığının araşdırılması istiqamətində axtarışların davam etdirilməsinin vacibliyini vurğulayıb.
Hacıqabul rayonunun ictimaiyyət nümayəndələri adından ədəbiyyat və sənət vurğunu Mübariz Xəlilov şairin həyat və yaradıcılığı, dövrü və mühiti haqqında müfəssəl məlumat verib. O, həmçinin tədbir iştirakçılarını şairin nəvə-nəticələri və digər yaxın qohumları ilə tanış edib.
Hacıqabul Tarix və Diyarşünaslıq Muzeyinin direktoru Məhəmməd İsayev, şair Əmrah Şirvanlı, Hacıqabul Mədəniyyət Mərkəzinin əməkdaşı Səadət Həsənova və başqaları M.Nadim irsinin toplanması, nəşri və tədbirin təşkilinə görə minnətdarlıqlarını bildiriblər.
Tədbir bədii hissə ilə davam etdirilib.


Mahmud




 
Bölməyə aid digər xəbərlər
20.02.2019
Sinqapurda gənc azərbaycanlı rəssamların sərgisi açılıb
19.02.2019
Şəkidə və Mingəçevirdə “Fəlakət“ komediyasının təqdimatı keçirilib
18.02.2019
Təhsil müəssisələrində Nəsimiyə həsr olunan ədəbi-bədii gecələr və müsabiqələr keçiriləcək
18.02.2019
Milli Dram Teatrının kollektivi Masallıda qastrol səfərində
18.02.2019
Fuad Cəfərlinin şeirlər kitabı işıq üzü görüb

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10605

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Əsas oxucu kütləsi sayılan gənclər bu gün internet mediaya daha çox üstünlük verirlər”
4 Qabaqcıl texnologiyalar dövründə ənənəvi və internet medianın inkişafı
5 ABŞ-da atışma: xəsarət alanlar var


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info