Xaçmaz məktəbliləri yararsız enerji batareyalarını niyə toplayır?
Tarix: 22.05.2018 | Saat: 15:44:00 | E-mail | Çapa göndər


Xaçmazın Qalağan kənd tam orta məktəbinin şagirdlərinin başladığı kampaniya maraqla qarşılanıb.
AZƏRTAC-ın bölgə müxbiri xəbər verir ki, məktəblilər bu ilin əvvəlindən başlayaraq məişətdə istifadə olunmuş yararsız enerji batareyalarını toplayırlar. Tullantıların ətraf mühitə və insan sağlamlığına mənfi təsirini azaltmaq məqsədi daşıyan aksiya çərçivəsində artıq 200-dən çox batareya yığılıb. Məktəblilər evlərindəki istifadə müddəti bitmiş, eləcə də küçədə gördükləri batareyaları toplayaraq məktəbin qarşısında qoyulmuş xüsusi qutuya atırlar.
Məktəbin direktoru, ixtisasca fizika müəllimi olan Cavanşir Rəsulov bildirib ki, tərkibi bir sıra kimyəvi maddələrdən təşkil olunan batareyalar təbiətə atıldıqda metal örtüyü dağılır, həmin maddələr qrunt sularına və torpağa qarışır. Nəticədə bitkilərə, heyvanlara ümumiyyətlə, bütün ekosistemə ziyan dəyir. Təcrübələr nəticəsində sübut edilib ki, içməli su hövzələrinə atılmış iki ədəd adi batareya 1000 litr suyu istifadə üçün yararsız hala salır.
“Əlbətdə bir məktəbin kiçik təşəbbüsü qlobal problemin aradan qaldırılmasında mühüm rol oynamır. Amma hər bir kəs yaşadığı ərazini elektron tullantılardan təmizləyərsə, böyük bir problemin həllində pay sahibi ola bilər”, - deyə Cavanşir Rəsulov vurğulayıb.
Məktəblilər topladığı batareyaları tullantıların utilizasiyası ilə məşğul olan xüsusi müəssisələrə təhvil vermək istəyirlər.
Mütəxəssislər hesab edirlər ki, batareyaların təbiətə atılması zəhərlənmələrlə yanaşı, onkoloji, böyrək və qaraciyər xəstəliklərinə də yol açır. Batareyaların tərkibindəki maddələrin bəzilərinin özüpartlama xüsusiyyətinə malik olması təhlükəni artıran amillərdəndir. Bir çox ölkələrdə belə tullantıların utilizasiyası ilə məşğul olan xüsusi müəssisələr fəaliyyət göstərir. Batareyaları təbiətlə təmasdan qorumağın ən yaxşı yolu onları toplayaraq təkrar istehsala cəlb etməkdir.
Mahmud




 
Bölməyə aid digər xəbərlər
21.01.2019
Dumanlı hava şəraiti ilə bağlı sürücü və piyadalara xəbərdarlıq
21.01.2019
“Milliön”dən gizli yolla 122 min manatdan çox vəsaiti talamış şəxs saxlanılıb
21.01.2019
Biləsuvarda 1176 yerlik yeni məktəb binası tikilir
21.01.2019
“AtaSığorta”: “Sığorta yığımları 8,7 milyon manat artıb”
21.01.2019
Ölkəyə narkotik vasitə keçirilməsinin qarşısı alınıb

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Ukraynada oxucuların rəğbətini qazanan azərbaycanlı yazıçı
2 Dərslər təxirə salındı
3 Nikola Sarkozi: “Bakıda böyük quruculuq işlərinin şahidi oldum”
4 Yalçın Topçu: “Türkiyə və Azərbaycan arasında ticarət daha da artacaq”
5 Mədəniyyət Nazirliyinin tabeliyindəki kitabxanalar ləğv edilib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info