“Dünyada güc balansı dəyişir”
Tarix: 22.05.2018 | Saat: 20:10:00 | E-mail | Çapa göndər


“Müstəqil xarici siyasət kursu həyata keçirən dövlətlərin sayı artır. Birləşmiş Ştatlar və müttəfiqləri yeni güc mərkəzlərinə qarşı müxtəlif təzyiq alətlərindən istifadə edirlər”

“Birləşmiş Ştatlar və müttəfiqləri dünyanın yeni güc mərkəzlərinə hərbi-siyasi, iqtisadi və informasiya təzyiqləri həyata keçirir.” Bunu Şanxay Əməkdaşlıq Təşkilatına üzv dövlətlərin Təhlükəsizlik Şurası katiblərinin toplantısında Rusiya təmsilçisi Nikolay Patruşev səsləndirib. Rusiya Təhlükəsizlik Şurasının katibi toplantıda çıxışı zamanı bildirib ki, Birləşmiş Ştatlar və müttəfiqləri yeni güc mərkəzlərinə qarşı müxtəlif təzyiq alətlərindən istifadə edirlər. Bunun üçün həmin mərkəzlərə qarşı təbliğat kampaniyası təşkil edilir, konfrontasiya yaratmaq siyasəti, sanksiya və təxribatlardan istifadə edilir. Patruşev toplantı iştirakçılarının diqqətinə çatdırıb ki, dünyada güc balansı dəyişir və yeni çoxqütblü dünya düzəni modeli formalaşır: “Müstəqil xarici siyasət kursu həyata keçirən dövlətlərin sayı artır. Ona görə də Şanxay Əməkdaşlıq təşkilatının dünyanın siyasi səhnəsində strateji rolu artmaqdadır”. Patruşev çıxışında qeyd edib ki, ŞƏT üzvü olan ölkələr üçün terrorizm və ekstremizm təhlükəsi, ilk növbədə Əfqanıstandan gəlir. Əfqanıstandakı münaqişəli vəziyyəti təktərəfli nizamla cəhdləri yolverilməzdir: “Əfqanıstanda yaranmış vəziyyəti beynəlxalq hüquq normalarından yan keçərək silahlı yolla birtərəfli şəkildə həll etmək cəhdləri situasiyanı daha da ağırlaşdırır. Belə siyasət əlavə təhlükəsizlik riskləri yaradır. Rusiya ŞƏT üzvü olan digər dövlətlərlə birlikdə Əfqanıstanda sülhü və sabitliyi ancaq dinc yolla və əfqanların rəhbərliyi ilə yarıdılmasını dəstəkləyir”. Patruşev qeyd edib ki, Əfqanıstan məsələsində istənilən təşəbbüs maksimum şəkildə region ölkələrinin maraqlarını nəzərə almaqla reallaşdırıla bilər: “Digər ssenarilər qəbuledilməzdir. Ona görə də Çin tərəfinin təklif etdiyi Pekində təmas qrupunun ikinci toplantısının keçirilməsi ideyasını dəstəkləyirik”. Patruşev bildirib ki, iyunun 9-10 tarixlərində Çində ŞƏT üzvü ölkələrin dövlət başçılarının toplantısı keçiriləcək. Həmin toplantıda 2019-2021-ci illər üçün terrorizmə, separatizm və ekstremizmə qarşı mübarizə ilə bağlı proqramı təsdiqlənəcək. Şanxay Əməkdaşlıq Təşkilatı dövlət başçıları şurası həmin toplantıda gənclərin terror təşkilatlarına cəlb olunmasına qarşı mübarizə ilə bağlı da proqram qəbul edəcək. Çinin ictimai təhlükəsizlik naziri, Dövlət Şurasının üzvü Çjao Keçji dünən keçirilən tədbirlə bağlı bildirib ki, Təhlükəsiz Şurası katibləri təhlükəsizlik sahəsində informasiya mübadiləsi, beynəlxalq layihələr, o cümlədən “Bir kəmər, bir yol” layihəsinin təhlükəsizliyinin təmin olunması sahəsində koordinasiyanı möhkəmləndirmək barədə razılığa gəliblər: “Biz təhlükəsizlik sahəsində əməkdaşlığa prioritet istiqamət kimi baxırıq. Toplantı iştirakçıları informasiya mübadiləsini artırmaq, birgə əməliyyatlar keçirmək, koordinasiya və döyüş hazırlığı səviyyəsini artırmaq, “Bir kəmər, bir yol” layihəsi və digər transmilli, strateji layihələr, beynəlxalq tədbirlərin təhlükəsizliyinin ən yüksək səviyyədə təmin etmək üçün sıx əlaqədə işləmək barədə razılığa gəliblər”.

Anar Miriyev




 
Bölməyə aid digər xəbərlər
21.08.2018
“Zəncir vurmaq, özünə xətər yetirmək sonradan meydana çıxan, uydurulmuş hərəkətlərdir”
21.08.2018
Türkiyə ilə İran arasındakı əməkdaşlıq bundan sonra da davam edəcək
20.08.2018
“Azərbaycanla münasibətlərin möhkəmlənməsi üçün lazım olan hər şeyi edəcəyik”
20.08.2018
“Xəzərin statusu haqqında Konvensiyanın imzalanması tarixi hadisədir”
19.08.2018
Qonşu ölkələrlə əlaqələrimiz qardaşlıq və mehriban qonşuluq prinsipinə söykənir

Şərh əlavə olunmayıb



    ,    
Namiq Əliyev
Tural Tağıyev
Ülviyyə Həsənzadə
İsa Həbibbəyli
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 9918

1 “İrəvanın Moskvaya olan borclarını Koçaryanla Sarkisyan qaytarmalıdır”
2 Azərbaycan Xarkov və Odessada ticarət evləri açacaq
3 Prezident İlham Əliyev Rəcəb Tayyib Ərdoğanı təbrik edib
4 “Jeopoliturk.com”: “Azərbaycanın sabitlik, rifah və müstəqilliyi Türkiyə və Qərbi Asiyada sabitlik və təhlükəsizlik üçün həyati əhəmiyyətlidir”
5 Kürşad Zorlu: ”Xəzərin statusuna dair razılaşma Türkiyə üçün də böyük əhəmiyyət daşıyır”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info