Səbuhi Əliyev mükafata layiq görülüb
Tarix: 23.05.2018 | Saat: 12:52:00 | E-mail | Çapa göndər


“AtaBank” ASC-nin İdarə Heyətinin sədr müavini, hüquq üzrə fəlsəfə doktoru Səbuhi Əliyev, ölkənin aparıcı təşkilatlarından biri olan “İslahatçı Gənclər” İctimai Birliyi tərəfindən “GƏNCLƏRİN DOSTU” milli mükafatına layiq görülüb.
Təltifetmə mərasimində  “İslahatçı Gənclər” İctimai Birliyinin (İGİB) sədri Fərid Şahbazlı və Azərbaycan Demokratiya və İnsan Haqları İnstitutunun rəhbəri, ölkənin tanınmış hüquq müdafiəçisi Əhməd Şahidov iştirak edib.
Birliyin sədri F.Şahbazlı çıxış edərək bildirdi ki, Birliyin əsas məqsədi ölkəmizdə Cənab Prezident İlham Əliyevin rəhbərliyi altında reallaşdırılan islahatları dəstəkləmək, gənclərin bu islahatlar prosesinə öz töhvəsini verməsinə yardımçı olmaqdır. İGİB fəaliyyətə başladığı vaxtdan ölkədə və xaricdə beynəlxalq əhəmiyyətli tədbirlər keçirib, öz ətrafında aparıcı Universitetlər də daxil olmaqla, çoxsaylı fəal, müxtəlif sahələrdə nümunəvi fəaliyyəti ilə seçilən peşəkar gəncləri birləşdiribdir. Birlik Gənclər və İdman Nazirliyi, Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının,  Azərbaycan Respublikasının Prezidenti yanında Gənclər Fondunun dəstəyi ilə ölkə miqyaslı mühüm layihələrin icrasını həyata keçirib.
F.Şahbazlı qeyd etdi ki, bu gün Azərbaycanda əsası Ulu Öndər Heydər Əliyev tərəfindən qoyulan və Cənab Prezident İlham Əliyev tərəfindən olduqca uğurla davam etdirilən dövlət gənclər siyasəti həyata keçirilir: “İslahatçı Gənclər” İctimai Birliyi hər il ənənəvi olaraq gənclərlə iş sahəsində müstəsna xidmətləri olan, gənclərin təklif və təşəbbüslərini dəstəkləyən şəxs və qurumları “Gənclərin Dostu” Milli Mükafatı ilə təltif edir. İndiyədək Birlik tərəfindən belə mükafat Azərbaycan Respublikasının birinci vitse-prezidenti, Heydər Əliyev Fondunun prezidenti, Mehriban Əliyevaya, Müdafiə naziri cənab Zakir Həsənova, Respublika Ağsaqqallar Şurasının sədri, millət vəkili cənab Fəttah Heydərova və digər ictimai-siyasi xadimlərə təqdim edilmişdir. Birliyin İdarə Heyətinin qərarına əsasən, “AtaBank” ASC-nin İdarə Heyətinin sədr müavini, hüquq üzrə fəlsəfə doktoru Səbuhi Əliyev 2018-ci il üzrə “İslahatçı Gənclər” İctimai Birliyi tərəfindən “GƏNCLƏRİN DOSTU” milli mükafatına layiq görülmüşdür. Bu qərarı qəbul edərkən Birliyin İdarə Heyəti, Səbuhi Əliyevin ilk növbədə, vaxtilə respublikanın ən gənc hüquqşünas alimlərindən biri olmasını və hazırda hüquqşünas ekspert kimi cəmiyyətdə xidmətlərini, gənclərin hüquq-maariflənməsində rolunu, elmi, ictimai, siyasi baxımdan müsbət fəaliyyətini əsas götürmüşdür.
Sonra çıxış edən Azərbaycan Demokratiya və İnsan Haqları İnstitutunun rəhbəri, ölkənin tanınmış hüquq müdafiəçisi Əhməd Şahidov bildirdi ki, Səbuhi Əliyev peşəkar hüquqşünas kimi daim sevilir, onun yazdığı əsərlər, toxunduğu problemlər cəmiyyətdə maraqla qarşılanır. İnanıram ki, S.Əliyev hüquqşünas alim kimi gələcəkdə hüquq elminə öz xidmətləri ilə yeni dəyərlər gətirəcəkdir. 
Sonda çıxış edən Səbuhi Əliyev belə bir qərar qəbul etdiyi üçün “İslahatçı Gənclər” İctimai Birliyinin İdarə Heyətinə öz dərin minnətdarlığını bildirdi və qeyd etdi ki, bu təltif onun gənclərlə bağlı işində məsuliyyətini daha da artıracaqdır.
S.Əliyev bildirdi ki, İGİB ölkənin ən aparıcı və fəal gənclər təşkilatıdır. Təşkilat ölkədə aparılan islahatları təbliğ etməklə, gənclərin bu proseslərə cəlb edilməsini həyata keçirir ki, bu olduqca aktual və vacib məsələdir. Gələcəkdə söz sahiblərinin indiki gənclərin olacağını nəzərə alsaq, Sizin bu istiqamətdə gənclərlə bağlı gördüyünüz işlər olduqca əhəmiyyətlidir. 
S.Əliyev eyni zamanda bu tədbirdə iştirakına görə hüquq müdafiəçisi Əhməd Şahidova öz minnətdarlığını bildirərək, ona xarici ölkələrdə, beynəlxalq təşkilatlarda Azərbaycanın haqq səsini qaldırdığına və bu yolda dönmədən çalışdığına görə, onunla hər kəsin qürur duyduğunu bildirdi.
Tural




 
Bölməyə aid digər xəbərlər
21.06.2018
700 bal toplayan abituriyent: “Seçimim BANM oldu”
21.06.2018
Diaqnostik qiymətləndirmədən keçən müəllimlərin maaşı açıqlandı
21.06.2018
Nazir: “Ali məktəblərə qəbulda iki dəyişiklik nəzərdə tutulub“
21.06.2018
Dini Qurumlarla İş üzrə Dövlət Komitəsinin yaradılmasının 17-ci ili tamam olur
20.06.2018
On beşinci əsrdə tərtib olunmuş lüğət Azərbaycana gətirilib

Şərh əlavə olunmayıb



    ,    
İsa Həbibbəyli
Cavanşir Feyziyev
Hüseyn Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 9435

1 Ötən il SOCAR-ın xalis mənfəəti 6 dəfə artıb
2 Futbol üzrə Dünya Çempionatı başladı
3 Regional geosiyasi vəziyyət müzakirə edilib
4 Putin Paşinyanı alçaldıb
5 Лукашенко продал «Полонезы» Алиеву. В пику Еревану и Москве?


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info