Naftalan yağı daha effektli müalicə vasitəsi kimi analoqu olmayan əhəmiyyətə malikdir
Tarix: 02.06.2018 | Saat: 11:31:00 | E-mail | Çapa göndər



Naftalan şəhərində “Naftalan-2018” multidisiplinar beynəlxalq elmi-praktiki konfrans keçirilib. Tədbir Azərbaycan Milli Elmlər Akademiyası (AMEA) və Naftalan Şəhər İcra Hakimiyyəti tərəfindən təşkil edilib.

AZƏRTAC xəbər verir ki, konfransda çıxış edən AMEA-nın Biologiya və Tibb Elmləri Bölməsinin akademik-katibi, akademik Əhliman Əmiraslanov Naftalan yağının əhəmiyyətli təsiri haqqında hələ XII əsrdə məlumatın olduğunu bildirib. O, Naftalan yağının müxtəlif xəstəliklərin müalicəsində dərman vasitəsi kimi tətbiqinin XIX əsrə təsadüf etdiyini, ölkəmizdə 1950-ci illərdən başlayaraq səhiyyə ocaqlarında istifadəsinin gücləndirildiyini, akademik Yusif Məmmədəliyevin rəhbərliyi ilə daha geniş tədqiqatlar aparıldığını söyləyib: “Naftalan yağının daha çox patologiyaların müalicəsində effektivliyinin aşkar edilməsi üçün biologiya və tibb sahəsinin alim və mütəxəssisləri bu istiqamətdə səylərini birləşdirməlidirlər”.
Naftalan Şəhər İcra Hakimiyyətinin başçısı Rövşən İbrahimov çıxışında müxtəlif ölkələrdən olan alim və mütəxəssislərin elmi əməkdaşlıq əlaqələrinin genişləndirilməsi məqsədilə Naftalan şəhərini seçmələrini təqdirəlayiq hal adlandırıb.
AMEA-nın Gəncə Bölməsinin akademik-katibi, akademik Fuad Əliyev isə Naftalan yağı əsasında dərman preparatlarının hazırlandığını söyləyib, gələcəkdə elmi laboratoriyaların yaradılmasının zəruriliyini diqqətə çatdırıb.
AMEA-nın Neft-Kimya Prosesləri İnstitutunun direktoru, akademik Vaqif Abbasov çıxışında müalicəvi Naftalan yağı əsasında yeni dərman preparatlarının yaradılması perspektivlərindən söz açıb. Qeyd edib ki, Naftalan yağı analgetik təsirlə yanaşı, daha effektli müalicə vasitəsi kimi analoqu olmayan əhəmiyyətə malikdir.
AMEA-nın Yüksək Texnologiyalar Parkının direktoru, aqrar elmləri üzrə fəlsəfə doktoru Vüqar Babayev beynəlxalq konfransın Naftalan yağının geniş tətbiqi ilə məşğul olan müalicə mərkəzlərinin gələcək fəaliyyətinə, əməkdaşlıq əlaqələrinin genişləndirilməsinə töhfə verəcəyini deyib.
Sonra Qazaxıstan Respublikası Milli Kurort Assosiasiyasının prezidenti, biologiya üzrə fəlsəfə doktoru Sayagül Aydarovna, Şərqi Avropa üzrə müalicə sanatoriyasının baş meneceri Teodor Ştofira çıxış edərək konfransın əhəmiyyətinə toxunublar.
Tədbirdə, həmçinin Qazaxıstan Respublikası Prezidentinin İşlər İdarəsinin Tibb Mərkəzi tərəfindən AMEA-nın vitse-prezidenti, Kimya Elmləri Bölməsinin akademik-katibi, akademik Dilqəm Tağıyevə ünvanlanmış məktub oxunub.
Konfrans öz işini plenar iclaslarla davam etdirib. Plenar iclaslarda AMEA-nın Fiziologiya İnstitutunun direktoru, biologiya üzrə elmlər doktoru Ulduz Həşimova, Çexiyanın “Olympic Palace” sanatoriyasının baş həkimi, tibb elmləri üzrə fəlsəfə doktoru Natalya Larina və başqaları məruzələrlə çıxış ediblər.




 
Bölməyə aid digər xəbərlər
22.06.2018
Bir fincan qəhvə insulin şpris-qələmini əvəz edə bilər
21.06.2018
Yayda qida rejimini gözləməklə bədən çəkisini azaltmaq olar
12.06.2018
Bu ucuz tərəvəz beyini də cavanlaşdırır
08.06.2018
Çuğundur şirəsini içmək üçün 10 səbəb
06.06.2018
Qızardılmış sarımsaq 24 saat ərzində orqanizmdə bunları edir

Şərh əlavə olunmayıb



    ,    
İsa Həbibbəyli
Cavanşir Feyziyev
Hüseyn Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 9443

1 “Yunanıstanda yerli gənclər təşkilatları ilə əməkdaşlıq edirik”
2 Лукашенко продал «Полонезы» Алиеву. В пику Еревану и Москве?
3 Putin Paşinyanı alçaldıb
4 “Naxçıvan İslam Mədəniyyətinin Paytaxtı-2018” in açılışı olub
5 Estoniyanın ali məktəblərinin qapıları azərbaycanlı tələbələrin üzünə açıqdır


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info