Söyüşcül dəstə indi də media nümayəndəsini hədəfə alıb təhqir etdi
Tarix: 06.06.2018 | Saat: 20:18:00 | E-mail | Çapa göndər


Sosial şəbəkələrin imkanlarından istifadə edən bəzi antimilli qüvvələr, xaricdə formalaşan bir qrup müxalif gənclər son bir ildə ölkəmiz, hakimiyyət əleyhinə iyrənc kampaniyalar apardı. Bunun effektiv olmadığını görən bu dəstə indi də ayrı-ayrı şəxslərin, hətta media nümayəndələrini hədəfə almağa başlayıb. Buna misal olaraq bu gün “Big.az” saytının redaktoruna qarşı olan kampaniyanı göstərmək olar. Belə ki, redaktor sosial şəbəkələrdə xalqı təhqir edən "söyüşcül qrup”un qurbanına çevrildiyini bəyan edib. 
Məlumata görə, "Facebook" sosial şəbəkəsində milləti aşağılayan söyüş söz işlədən mühacirətdə olan "söyüş çətəsi"nin nümayəndəsi redaktora qarşı təxribat kampaniyasına başlayıb. Belə ki, “Big.az” saytının redaktoru Rövşən Əsədov sözügedən təhqir dolu paylaşımına fikrini bildirdiyi üçün ona qarşı qarayaxma və çirkab kampaniya başladıblar. Onun şəkilləri montaj edilərək kürd olduğu, kürd olduğu üçün fəxr etməsi ilə bağlı saxta informasiyalar, telefon nömrələri müxtəlif irihəcmli qruplarda paylaşılıb.  Sözügedən paylaşımın həqiqətə uyğun olmadığından xəbərsiz olan sosial şəbəkə istifadəçiləri isə təxribata uyaraq onu təhqirlərə məruz qoyublar. 
Bununla bağlı sosial şəbəkə üzərindən paylaşım edərək status yazan Rövşən Əsədov deyib ki, bunun xarici ölkələrə sığınan, saxta adlarla ölkəmizə qarşı qarayaxma kampaniyası aparan satqınların işidir. O, həmçinin mətbuata verdiyi açıqlamada qeyd edib ki, sözügedən şəxs və şəxslər onun şəxsi hesabına hücum edərək şəhidləri, şəhid və əsgər analarını da küçə söyüşləri ilə təhqir ediblər: 
"Sosial şəbəkədə qrupların birində millətimizi "тварь" adlandıran bir şəxsin paylaşımına öz fikrimi bildirdim. Görünür fikrim onları sarsıdıb. Bu məqsədlə də mənə qarşı qarayaxma və təhqir kampaniyasına başladılar. Hətta, profilimə hücum təşkil edərək məni, mövcud hakimiyyəti, eləcə də şəhid və əsgər analarını söydülər. Bacardığım qədər həmin təhqirləri silsəm də, digər əlim çatmayan qruplar, səhifələr vasitəsilə barəmdə yalan və yalnış informasiya yayırlar, əlaqə nömrələrim yayılaraq məni məsələdən agah olmayan insanlara təhqir elətdirirlər. Bunun başında duran şəxs isə profil hesabına mühacir azlıqların yaratdığı "Oyan" təşkilatının fotoşəkillərini, eləcə də, Milli Şuranın üzvü Cəmil Həsənlinin fotoşəkillərini paylaşıb. Görünür ki, müxalifət düşərgəsinə, eləcə də xaricdə oturub ölkəmizə qarşı çirkin kampaniya aparan insanlara bağlı bir insandır. 
Onu da qeyd etmək istərdim ki, bu barədə hüquq mühafizə orqanlarına məlumat vermişəm. Həmin şəxsin yaxud şəxslərin tapılaraq qanunla cəzalandırılmasına nail olmağa çalışacam".
Qeyd edək ki, bu cür metod söyüşcül dəstənin ilk gündən tətbiq etdiyi bir iyrənc əməldir. Onlar kimisə gözən salmaq, ictimai fikri çaşdırmaq istəyirlərsə, yalandna həmin adam haqqında status yazıb, onun fikrini konteksdən çıxarıb, şəkillərini kollaj edib paylaşımlar edirlər. Həmçinin belə paylaşımlarda daha çox dini, milli məsələləri qabardırlar ki, insanlarda daha çox qıcıq oyada bilsinlər. Redaktorun guya kürdlüyü ilə fəxr eləməsi haqqında heç bir fakta əsaslanmayan fotokollajı da bu qəbildən oldu...
Tural Tağıyev




 
Bölməyə aid digər xəbərlər
19.09.2018
Liberman Azərbaycanın İsrail üçün strateji əhəmiyyətini və geosiyasi zəruriliyini etiraf edib
19.09.2018
Çin xarici işlər naziri: “Azərbaycan dünyada ciddi nüfuzu ilə seçilən dövlətə çevrilib”
19.09.2018
Omanın Dövlət Şurası sədrinin Azərbaycana səfəri başlayıb
19.09.2018
“Mübariz İbrahimov təkbaşına bir çox işğalçını məhv edərək şəhidlik zirvəsinə ucalıb”
19.09.2018
Nazirlər Kabinetinin rəsmi internet saytı yeni tərtibatda fəaliyyətə başlayıb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10122

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
4 Krivoy Roqdakı soydaşlarımız festivala hazırlaşırlar
5 Aqil Acalov: “İdmançılar qanvermə aksiyalarında aktiv iştirak edəcəklər”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info