Yaponiyada Azərbaycanın biznes mühiti ilə bağlı seminar keçiriləcək
Tarix: 11.06.2018 | Saat: 12:46:00 | E-mail | Çapa göndər


Yaponiyada Azərbaycana, onun insanlarına, mədəniyyətinə, biznes mühitinə olan maraq günü-gündən artmaqdadır. Bu işdə heç şübhəsiz ki, hər iki ölkə arasında artan insan mübadilələrinin çox böyük əhəmiyyəti vardır. Son illər hər iki ölkə rəsmilərinin qarşılıqlı səfərləri, hər iki ölkədə fəaliyyət göstərən səfirliklərin fəallığı, iş adamları arasında müntəzəm həyata keçirilən tədbirlər və s mühüm rol oynayır.
Yaponiyada fəaliyyət göstərən, özündə təxminən 200 nəfər yaponiyalı biznesmeni cəmləşdirən Yaponiya Azərbaycan Əməkdaşlıq Assosiasiyasının sədri, diaspor fəalı, son 6 ildə Yaponiya hökuməti təqaüdçüsü, bu ölkənin Hokkaydo Universitetində magistr və doktor səviyyələrində təhsil almış, konfliktoloq Əlibəy Məmmədovun xidmətləri də təqdirəlayiqdir.
İyun ayının 7-9-da Əlibəy Məmmədov və Yaponiyanın “Sərhədləri Aşanlar” adlı özündə təxminən 2000 nəfər yaponiyalı biznesmeni cəmləşdirən qrupun rəhbəri İşida Kazuyasu, eyni zamanda bir neçə digər biznesmenlə birlikdə Yaponiyanın cənubunda yerləşən, Kaqoşima prefekturasına aid Amami adalarına səyahət etmişlər. Adalar qrupunun ümumi sahəsi 789 km2-dir. Əhalisi 61.291 nəfərdir. Paytaxt Tokiodan təyyarə ilə təxminən 3 saatlıq məsafədə yerləşir.
Ada özünəməxsus, hələ insan əli dəyməmiş flora və faunası, cəngəllikləri, vəhşi təbiəti ilə məşhurdur. Ada öz toxuma mədəniyyətinə görə də dünyada kifayət qədər tanınır. Hazırda bu adanın təbiətinin YUNESKO-nun irsinə qeyd olunması istiqamətində danışıqlar aparılır. Hətta bir çox iddialara görə hələ dinazavorlar dövrünə aid edilən və dinazavorların yemi olmuş bir neçə meyvə ağacları hələ də bu adada qalmaqdadır.
Qara şəkərdən hazırlanan xüsusi yapon araqları (kokuto shochu) da məhz burada hazırlanır. Yaponiya ərazisində digər regionlarda bu araq növünü hazırlamaq hüquqi qaydalarla qadağan edilmişdir.
Adada balıqçılıq və kənd təsərrüfatı sahələri inkişaf etmişdir. İnsanlarının istifadə etdiyi yerli dil də rəsmi yapon dilindən çox fərqlidir. Yaponların özləri belə yerli dili anlamaqda çətinlik çəkirlər.
Məhz bu adada İyun ayının 30-dan İyul ayının 2-dək 100-ə yaxın yaponiyalı biznesmenin, eyni zamanda bir çox xarici qonağın iştirakı ilə, “Sərhədləri Aşanlar” qrupunun 5 illik yubileyi keçiriləcək. Bu dəfə ki, səfər yubileyə hazırlıq xarakteri daşıyırdı. Yerli insanların əməkdaşlığını rəsmi şəkildə əldə etmək baxımından çox vacib idi.
Yubiley zamanı yaponiyalı biznesmenlər və xarici qonaqlar tərəfindən ayrı-ayrılıqda çıxışlar və müzakirələr təşkil olunacaq.
Ölkəmizi bu tədbirdə Əlibəy Məmmədov təmsil edəcək. Qeyd edək ki, bu tədbir çox böyük əhəmiyyətə malikdir. Həmyerlimiz hələ ötən il 4 illik yubiley zamanı təşkilat komitəsinin sədri vəzifəsində çalışarkən, Azərbaycanla bağlı çıxış etmişdir. Bunun nəticəsində, ötən ilin Oktyabr ayında Bakıda təşkil edilmiş Japan EXPO-da iştirak edən yaponiyalı biznesmenlərin sayı kifayət qədər artmış (ümumi 100 şirkət) və hər iki ölkə arasında insan mübadiləsi, idxal və ixrac məsələlərində gözəçarpacaq inkişaf qeydə alınmışdır.
Bu ilki tədbirin əsas mövzuları “Amami adaları və Yaponiya” “Amami adaları və Dünya” “Yaponiya və Azərbaycan”-dır. Bu ilki tədbirlər nəticəsində Azərbaycan və Yaponiya arasında biznes əlaqələrinin daha da inkişaf edəcəyinə böyük ümidlər bəslənilir.
Qeyd edək ki, həmyerlimiz və yaponiyalı biznesmenlərin səfəri Amami adasında böyük maraqla qarşılanmış və yerli radio və qəzetlər tərəfindən işıqlandırılmışdır.

Fuad Hüseynzadə




 
Bölməyə aid digər xəbərlər
21.08.2018
Dövlət qulluğuna qəbul üçün növbəti imtahan keçiriləcək
21.08.2018
Dünya turizm bazarı: Türkiyə “50 milyon turist, 50 milyard dollar gəlir“ hədəfləyib
21.08.2018
Qurban bayramı münasibətilə ƏƏSMN-də tədbir keçirilib
21.08.2018
“İcra hakimiyyətləri ilə birgə aparılan işlər nəticəsində problemlərin bir qismi aradan qaldırılıb”
21.08.2018
Azərbaycanlı Rusiyada məşhur şirkətdə rəhbər vəzifəyə təyin edildi

Şərh əlavə olunmayıb



    ,    
Namiq Əliyev
Tural Tağıyev
Ülviyyə Həsənzadə
İsa Həbibbəyli
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 9918

1 “İrəvanın Moskvaya olan borclarını Koçaryanla Sarkisyan qaytarmalıdır”
2 Azərbaycan Xarkov və Odessada ticarət evləri açacaq
3 Prezident İlham Əliyev Rəcəb Tayyib Ərdoğanı təbrik edib
4 “Jeopoliturk.com”: “Azərbaycanın sabitlik, rifah və müstəqilliyi Türkiyə və Qərbi Asiyada sabitlik və təhlükəsizlik üçün həyati əhəmiyyətlidir”
5 Kürşad Zorlu: ”Xəzərin statusuna dair razılaşma Türkiyə üçün də böyük əhəmiyyət daşıyır”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info