“Türk Hava Yolları”nın yüklənmə səviyyəsi rekord həddə çatıb
Tarix: 12.06.2018 | Saat: 21:38:00 | E-mail | Çapa göndər


Bu yaxınlarda may ayı üzrə sərnişin və yük daşımalarının nəticələrini elan etmiş “Türk Hava Yolları” aviaşirkəti tarixində ilin ilk beş ayı ərzində rekord yüklənmə səviyyəsinə çatıb – 80,7%. Türkiyənin milli aviadaşıyıcısı son vaxtlar əldə edilmiş rekord yüklənmə səviyyəsi göstəriciləri ilə qlobal aviasiya arenasında öz mövqeyini qoruyub saxlayır.

Bu ilin ilk dörd ayında daşınan sərnişinlər sayının ikirəqəmli artımı may ayında da davam edib. Bu göstərici 4% artaraq 6,1 milyona çatıb, may ayı üzrə yüklənmə səviyyəsi isə 78,6% təşkil edib.

Apreldə reyslərin yüklənmə səviyyəsi 1 faiz bəndi, kreslo-kilometrlərin sayı isə 3,6% artıb. Beynəlxalq aviareyslərdə yüklənmə səviyyəsi 1,7 faiz bəndi artaraq 78% təşkil edib, daxili aviareyslərdə isə yüklənmə səviyyəsi 83% təşkil edib.

İkirəqəmli artım tendensiyasını davam edərək ötən ilin analoji ayı ilə müqayisədə may ayında daşınan yüklərin/poçtun həcmi 22% artıb. Artım əsasən daxili reyslər (35%), Orta Şərq (31%), Şımalı Amerika (29%), Avropa (24%) və Afrikanın (22%) hesabına baş verib.

Şimali Amerika, Afrika və Uzaq Şərq üzrə göstəricilər müvafiq olaraq 5, 3 və 1 faiz bəndi artıb.

Cari ilin yanvar-may dövründə tələbat və sərnişinlərin ümumi sayı əvvəlki ilin analoji dövrü ilə müqayisədə müvafiq olaraq 17% və 19% artıb. Aviaşirkətin ümumi sərnişin axını 29,3 milyona çatıb.

Yanvar-may aylarında reyslərin ümumi yüklənmə səviyyəsi 5 faiz bəndi artaraq 80,7%-ə çatıb. Bununla belə, aviaşirkətin tarixində ilk beş ay ərzində rekord yüklənmə səviyyəsi nümayiş etdirilib. Beynəlxalq reyslər üzrə yüklənmə səviyyəsi 5 faiz bəndi artaraq 80%-ə, daxili reyslər üzrə yüklənmə səviyyəsi isə 2 faiz bəndi artaraq 85%-ə çatıb.

May ayında daşınan yüklərin və poçtun həcminin mühüm artımı sayəsində 2018-ci ilin yanvar-may aylarında bu göstərici 30% artaraq 545 min ton təşkil edib.

“Türk Hava Yolları” haqqında:
1933-ci ildə yaradılmış və həmin vaxt beş təyyarədən ibarət olan “Türk Hava Yolları” aviaşirkəti hazırda “Star Alliance” beynəlxalq alyansın üzvüdür və bütün dünyada 302 istiqamət üzrə uçuşlar yerinə yetirən (253 beynəlxalq və 49 daxili) və 326 (sərnişin və yük) avialaynerdən ibarət olan 4-ulduzlu aviaşirkətdir. “Türk Hava Yolları” aviaşirkəti barədə daha ətraflı məlumatla www.turkishairlines.com saytında, eləcə də “Facebook”, “Twitter”, “Youtube”, “Linkedin” və “Instagram” səhifələrində əldə edə bilərsiniz.
Tural




 
Bölməyə aid digər xəbərlər
12.12.2018
PAŞA Bank “The Banker” tərəfindən “İlin Bankı” adına layiq görüldü
11.12.2018
Bakı NATO-Rusiya formatında görüşün keçirilməsi üçün tam münasib məkandır
11.12.2018
Prezident Ləki-Qəbələ dəmir yolu xəttinin tikintisinə 30 milyon manat ayırıb
11.12.2018
İnanılmaz kampaniyanın bitməsinə 15 gün qaldı
11.12.2018
Şəhərsalma və Tikinti Məcəlləsinin tətbiqi məsələləri, Azərbaycanda İnzibati hüquq mövzusunda seminar-təlim keçirilib

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10526

1 “Macarıstandakı Azərbaycan icmasının böyük əksəriyyətini gənclər təşkil edir”
2 Prezident İlham Əliyev Putinin dəvəti ilə Rusiyaya işgüzar səfərə gedib- YENİLƏNİB
3 Çin şirkəti Gəncədə 5 metallurgiya zavodu tikəcək
4 “Xəzər hövzəsi və enerji təhlükəsizliyi” - Rufiz Qonaqov yeni kitabını təqdim etdi
5 ВЕЛИКИЕ В ИСТОРИИ. Гейдар Алиев – человек с большим сердцем. Воспоминания бывшего мэра Москвы Юрия Лужкова


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info