Milli Qurtuluş Günü Azərbaycanın indiki reallıqlarının və xoşbəxt gələcəyinin rəhnidir
Tarix: 14.06.2018 | Saat: 01:10:00 | E-mail | Çapa göndər


“Ulu öndər Heydər Əliyevin xalqın çağırışı ilə ikinci dəfə Bakıya qayıdaraq Azərbaycan parlamentinin sədri seçildiyi gün – iyunun 15-i tariximizə Milli Qurtuluş Günü kimi daxil olub. 1993-cü il iyunun 15-i Azərbaycan tarixinə qızıl hərflərlə yazılıb. Heydər Əliyevin ikinci dəfə hakimiyyətə qayıdışı Azərbaycan dövlətini, müstəqilliyini, tarixini, bu gününü özünə qaytardı.” Bu fikirlər Yeni Azərbaycan Partiyasının Şəmkir rayon təşkilatında 15 İyun - Milli Qurtuluş Günü münasibətilə keçirilən tədbirdə səsləndirilib. Tədbirdə YAP Şəmkir rayon təşkilatının sədri Fəxrəddin Vəliyev Azərbaycan tarixinə Milli Qurtuluş Günü kimi daxil olan 1993-cü il 15 iyunun əhəmiyyətindən danışıb. Qeyd edib ki, Milli Qurtuluş Günü Azərbaycanın indiki reallıqlarının və xoşbəxt gələcəyinin rəhnidir. Milli Qurtuluş Gününün mahiyyətindən, onun müstəqil Azərbaycan dövlətinin formalaşmasında və inkişafındakı rolundan bəhs edən YAP Şəmkir rayon təşkilatı sədrinin müavini Məcid Şıxlıniski böyük qayıdışı doğuran səbəbləri, həmin vaxt cərəyan edən hadisələrin siyasi mahiyyətini açıqlayıb. O deyib: “Ulu öndər öz liderlik keyfiyyətləri ilə dünyanın siyasi elitasının ən uca zirvəsində dayanan nəhəng şəxsiyyətlərdəndir. Bu zirvədən bütöv bir xalqın - Azərbaycan xalqının dünəni, bu günü və sabahı görünür”. YAP Şəmkir rayon təşkilatı Gənclər Birliyinin sədri Emin İsmayılov 1993-cü ildə Heydər Əliyevin yenidən hakimiyyətə qayıdışından sonra Azərbaycanda əldə olunan uğurlardan, xalqın rifahının yaxşılaşdırılmasından, dövlətimizin dünyada yerinin və rolunun möhkəmləndirilməsindən danışaraq, bu gün Azərbaycanın dünyada söz və nüfuz sahibi olduğunu vurğulayıb. Partiyanın rayon təşkilatı sədrinin müavini Azad Şərifov xalqın təkidli tələbi ilə ikinci dəfə hakimiyyətə qayıdan ulu öndər Heydər Əliyevin böyük risklərə baxmayaraq, xalqın qurtuluş missiyasını cəsarətlə öz üzərinə götürdüyünü, bununla da ölkədə uzun illər davam edən gərginlik və qarşıdurmanın səngidiyini, iqtisadi inkişafa, siyasi sabitliyə nail olunduğunu bildirib. Çıxışlarda Prezident İlham Əliyevin müdrik, uzaqgörən siyasəti nəticəsində Azərbaycanın regionda və dünyada nüfuzunun daha da artdığı qeyd olunub.




 
Bölməyə aid digər xəbərlər
20.05.2019
Bu yazın ölüm ayı
20.05.2019
Masallı rayonu hesabat verdi
20.05.2019
Əsl insan, vətənpərvər incəsənət xadimi-Davud İmanov
19.05.2019
“Azərişıq” ölkənin qərbində gücləndirilmiş iş rejiminə keçib
19.05.2019
Tovuzda məktəb, muzey və “ASAN xidmət” mərkəzinin tikintisi davam edir

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10784

1 “İş yerlərində təhlükəsiz əmək şəraiti yaratmaq lazımdır”
2 “Ukraynanın ictimai-siyasi həyatında fəal iştirak edirik”
3 General-mayor Tərlan bəy Əliyarbəyovun nəvəsi: “Babam öz istedadını milli hərbi kadrların yetişməsinə sərf edib”
4 Üç müharibə iştirakçısı olan general-mayor
5 Şuranın dəstəyilə 13 saylı orta məktəbdə “Diaspor dərsi” keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info