Kibercasusluq üçün istifadə edilən virus aşkarlanıb
Tarix: 20.06.2018 | Saat: 17:12:00 | E-mail | Çapa göndər


“ESET” antivirus şirkəti kibercasusluq üçün istifadə edilən “InvisiMole” adlı zərərli proqram aşkarlayıb. Zərərli proqram antivirus proqramlarından 2013-cü ildən uğurla yayınıb.
“ICTnews” Elektron Xəbər Xidməti yazır ki, şirkətin məlumatına görə, “InvisiMole” hücum edənlər üçün yoluxdurulmuş qurğuya məsafədən çıxış açır, qurbanın hərəkətlərini izləməyə və məxfi məlumatları ələ keçirməyə imkan verir. “ESET” telemetriyasının məlumatına görə, “InvisiMole” virusundan istifadə edən kiberqrup 2013-cü ildən fəaliyyət göstərir. Buna baxmayaraq zərərli proqram öyrənilməyib və Rusiya və Ukraynada yoluxdurulmuş kompüterlərdə “ESET” məhsulları tərəfindən aşkarlananadək müəyyənləşdirilməyib.
Analitiklərin fikrincə, “InvisiMole” virusu hakerlər tərəfindən yalnız yüksəksəviyyəli obyektlərə (onlarla qurğuya) qarşı məqsədli hücumlar üçün tətbiq edilib ki, bu da ona 5 il ərzində aşkarlanmaqdan yayınmağa imkan verib.
Şirkət mütəxəssisləri, həmçinin zərərli proqram təminatının quruluşu barədə məlumat veriblər. Onların qənaətinə görə, “InvisiMole” modullu arxitekturaya malikdir. Yoluxma modifikasiya edilmiş “DLL” (dynamic link library) dinamik qoşulma proqramlarından başladıqdan sonra qurban haqqında informasiya toplayan iki “RC2FM” və “RC2CL” modulu cəlb olunur. Məsələn, birinci modul məsafədən mikrofonu qoşa, səsi yaza, ekranın şəkillərini çəkə, quraşdırılmış və kənar disklərdə faylların siyahısını yarada, eləcə də yığılmış məlumatı öz operatorlarına ötürə bilir. İkinci modul sistem və şəbəkə informasiyasını, fərdi kompüterdə quraşdırılmış və istifadə edilən proqramların, yenicə açılan sənədlərin və digər diqqət cəlb edən faylların siyahısını toplayır və ötürür.
Hazırda hakerlər tərəfindən qurbanların kompüterlərinin virusa hansı üsulla yoluxdurulması müəyyənləşdirilməyib. “InvisiMole” virusunun hakerlər tərəfindən onları maraqlandıran kompüterə fiziki çıxış əldə etməklə əllə quraşdırılması ehtimal olunur.

Mahmud




 
Bölməyə aid digər xəbərlər
21.02.2019
Dünyada danışılan dillərin 43 faizi yox olur
21.02.2019
Maşın nömrələrində emotikonlar
21.02.2019
NASA komik astronavt axtarır
21.02.2019
Depressiya beyini 10 il tez qocaldır
21.02.2019
Avstraliyada mozaikquyruqlu siçovullar məhv olub

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10608

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Əsas oxucu kütləsi sayılan gənclər bu gün internet mediaya daha çox üstünlük verirlər”
4 ABŞ-da atışma: xəsarət alanlar var
5 Yunanıstanda Azərbaycan milli musiqi alətlərinin təqdimatı keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info