Erkən nikahlarla bağlı regionlarda tədbirlər keçirilir
Tarix: 20.06.2018 | Saat: 13:17:00 | E-mail | Çapa göndər


Azərbaycan Demokratik Tələbə Gənclər Təşkilatı (ADTGT) Azərbaycan Respublikasının Prezidenti yanında QHT-lərə Dövlət Dəstəyi Şurasının maliyyə dəstəyi ilə “Yeniyetmə və gənclər arasında erkən nikahlara dair monitorinq və sorğunun keçirilməsi, geniş ictimaiyyətin iştirakı ilə sosial aksiyaların təşkili, sosial çarxların hazırlanması və ictimai yayımının həyata keçirilməsi” layihəsinin icrasına başlamışdır. Maarifləndirmə, sosial aksiya, sosial reklam və PR fəaliyyətləri ilə həyata keçiriləcək layihə Beyləqan, Masallı, Şabran və Qobustan rayonlarını əhatə edir.

4 (dörd) ay davam edəcək fəaliyyətlərə ilk olaraq regionlarda erkən nikahların obyektiv mənzərəsinə aid sosioloji sorğuların və monitorinqin aparılması, bölgələrdə aidiyyətli yerli hakimiyyət strukturları təmsilçilərinin, təhsil, səhiyyə, gənclər, ədliyyə, hüquq-mühafizə orqanları və fəal gənclər ictimaiyyəti nümayəndələrinin, ailə, ağsaqqal, din institutu üzvlərinin, KİV və ictimai fəalların iştirakı ilə məlumatlandırıcı, təbliğati seminarın təşkili, sosial şəbəkələrdə, KİV və sosial mediada PR kampaniyalarının aparılması və virtual ictimai debatların təşkili daxildir. Layihə çərçivəsində zəngin bilgi və hüquqi informasiyaların əks olacağı “Erkən nikahlar: maarifləndirmə və ictimai qınaq” adlı kitabçanın nəşri və yayıımı və 2 formatda sosial çarxların çəkilməsi da nəzərdə tutulur.

Layihənin məqsədi regionlarda yeniyetmə və gənc qızlar və oğlanlar arasında erkən nikahların yayılmasına “YOX” demək, onların özlərini və valideynlərini bu cür zərərli addımlardan çəkindirmək, bölgələrdə müxtəlif strukturların iştirakı ilə ictimai qınaq, maarifləndirmə kampaniyasına və digər sosial aksiyalara başlamaqdır. Layihənin digər məqsədlərindən biri də bölgələrdə yeniyetmə qız və oğlanlar arasında təhsilə və peşə vərdişlərinə maraq və motivasiya yaratmaqdır.

Növbəti regional maarifləndirici seminar 40-a yaxın rayon ictimaiyyətinin, fəal gənclərin və aidiyyətli qurumların təmsilçilərinin iştirakı ilə “Masallı” Otelin zalında keçirildi. Seminarı açıq elan edən layihənin rəhbəri – ADTGT sədri Asif Əsgərli layihənin məqsədini, fəaliyyət istiqamətini və region gənclərinə yönələcək maarifləndirici təsirini və bu işin davamlılığını qeyd etdi və layihəyə dəstəyə görə AR Prezidenti yanında QHT-lərə Dövlət Dəstəyi Şurasına öz minnətdarlığını bildirdi.
Seminarın açılışında Masallı rayon İcra Hakimiyyətinin ictimai-siyasi və humanitar məsələlər şöbəsinin baş məsləhətçisi Qəşəm Hadıyev, rayon İH yeniyetmələrlə iş üzrə komissiyanın katibi Vafiq Xəlilov, rayon Gənclər və İdman İdarəsinin rəisi Camal Manafov və rayon polis şöbəsinin azyaşlılarla iş üzrə baş inspektoru Miryəhya Bədirov iştirak edib, tədbirin əhəmiyyətini yüksək qiymətləndirdilər.
Seminarda iştirak edən Masallı rayon təhsil, səhiyyə və digər strukturların əməkdaşları da mövzu ətrafında öz fikir və rəylərini bildirdilər. Seminar tədbir iştirakçılarının interaktiv müzakirələri davam etdi və sonda iştirakçılara çap olunan kitabça və digər materiallar da təqdim olundu.

Fuad




 
Bölməyə aid digər xəbərlər
16.07.2018
Gənc heydərçilər yay istirahət düşərgəsinə yola salınıblar
16.07.2018
Tələbələr üçün arxeoloji düşərgə təşkil edilib
16.07.2018
Məişət Tullantılarının Yandırılması Zavodu böyük şəhəri elektrik enerjisi ilə təmin edə bilər 
14.07.2018
Bu il Şəmkirdə 100 hektara yaxın yeni istixana tikiləcək
14.07.2018
“Pensiya təyinatı sahəsində ciddi qanunsuzluqlar aşkarlanıb“

Şərh əlavə olunmayıb



    ,    
Vüsalə Ağabəyli
Şahin Sərdarlı
İsa Həbibbəyli
Cavanşir Feyziyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 9626

1 Ərəstü Həbibbəyli Baş nazirin Katibliyinin rəisi təyin edilib
2 “Azərbaycan dövlətinin dəstəyi Rumıniyada mənə əlavə motivasiya verib”
3 Azərbaycan Diasporuna Dəstək Fondu diaspor təşkilatlarının güvəndiyi mənbə olacaq
4 “Təxribatçıların çağırışlarına inanmayın”
5 Rəcəb Tayyib Ərdoğan Azərbaycana gəlib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info