“Gunes.com”: “TANAP yeni biznes imkanları yaratdı”
Tarix: 20.06.2018 | Saat: 19:56:00 | E-mail | Çapa göndər


“Enerjihaber.com”:
“TANAP ilk qazını 30 iyunda təslim edəcək”

Trans-Anadolu (TANAP) Təbii qaz Boru Kəmərinin istifadəyə verilməsi münasibətilə Türkiyənin Eskişehir şəhərində təşkil olunan təntənəli açılış mərasimi qonşu ölkənin KİV-lərində geniş işıqlandırılır. Türkiyənin müxtəlif mediasında yer alan məqalələrdə, əsasən, TANAP-ın tarixi, açılışı, əhəmiyyəti ilə bağlı fikirlər öz əksini tapıb. Bu istiqamətdə yazılar hazırda da davam edir.
Belə yazılardan biri “Enerjihaber.com” saytında “TANAP ilk qazını 30 iyunda təslim edəcək” başlığı ilə dərc edilib. TANAP-ın baş direktoru Saltuk Düzyol layihənin torpaq hissəsinin, demək olar ki, tamamlandığını və Avropaya gedəcək “Faza-1”-in 80,7 faiz ilə tamamlandığını bildirib: “30 iyun tarixində ticari qaz nəqlinə başlamağı planlaşdırırıq".
S.Düzyol layihənin dəyərinin ilk olaraq 11,7 milyard dollar səviyyəsində qiymətləndirildiyini deyib. Layihə tərəfdaşlarının beynəlxalq maliyyə qurumlarından 3,75 milyard dollar kredit aldıqlarını və Avropa Birliyinin 10,2 milyon dollar bağışladığını da qeyd edib.
TANAP-ın baş direktoru layihədə istifadə edilən boruların altı türk istehsalçı tərəfindən təmin edildiyini bildirib. O qeyd edib ki, layihədə istifadə edilən boru kəmərlərinin 80 faizi türk təchizatçılarından alınıb, 20 faizi isə Çindən idxal edilib.
“Gunes.com” saytında isə “TANAP marşrut boyunca bölgə əhalisinə dəstək olacaq” məqaləsində nəhəng layihənin əhəmiyyətindən bəhs edilib. Burada qeyd edilir ki, Türkiyənin təbii qaz təhlükəsizliyinin artırılması ilə yanaşı, bölgənin enerji təhlükəsizliyi və sabitliyini təmin edəcək TANAP, həmçinin ərazi boyunca xalqın da inkişafına təkan verəcək. Azərbaycanın “Şahdəniz-2” təbii qaz sahəsində istehsal edilən qazı Türkiyəyə və sonra Avropaya daşımaq məqsədi ilə inşa edilən və Cənub Qaz Dəhlizinin ən əhəmiyyətli hissəsini təşkil edən TANAP, bir çox layihəyə dəstək verərək bölgədəki əhaliyə kömək olur. “Enerjinin İpək Yolu” kimi tanınan TANAP, son 20 ildə təxminən 13 min adamın məşğulluq imkanını təmin edib. Çox sayda sənaye və kommersiya müəssisəsinə, ilk növbədə kiçik və orta müəssisələrə yeni biznes imkanları təmin edib. Layihə çərçivəsində 28 min hissə ərazi sənədləşdirilib.
Bu baxımdan, birbaşa yatırımlar üçün ümumilikdə 13.5 milyon TL büdcə vəsaiti ayrılıb. 430 layihəyə 70 milyon TL-dən çox maliyyə dəstəyi verilib. Bir çox investisiya, ətraf mühit və infrastruktur layihəsinə təxminən 55 milyon TL dəstək verilir. Marşrut boyunca aparılan ətraflı sahə işləri əsnasında 154 yeni arxeoloji qazıntı sahəsi təsbit edilib, həssas növlərin və yaşayış sahələrinin təsirə məruz qalmaması üçün tədbirlər alınıb.

Ətraf mühitə hörmət

Ətraf mühit və sosial sahəyə təsirin qiymətləndirilməsi (ƏMSSTQ) hesabatı çərçivəsində ekoloji tədqiqatlarda boru kəməri marşrutunda, torpaq və suda yaşayan heyvan və bitki növləri müəyyənləşdirilərək beynəlxalq meyarlara uyğun təsnifatlandırılıb.
Eləcə də TANAP-ın dənizdəki tikinti işlərinin yol aça biləcəyi mənfi təsirləri aradan qaldırmaq üçün "Balıqçılıq gəlir itkisinin qarşısının alınması planı" qəbul edilib. Kiçikmiqyaslı sahil balıqçılığı ilə məşğul olan qayıqlara mazut dəstəyi verilib.
Nigar Abdullayeva




 
Bölməyə aid digər xəbərlər
16.07.2018
Muzdla çalışan işçilərin sayı artıb
15.07.2018
Yanvar-may aylarında 667,5 milyon dollarlıq qeyri-neft məhsulları ixrac edilib
14.07.2018
Altı ayda dövlət büdcəsinin gəlirləri 9821,6 milyon manat, xərcləri 9524,3 milyon manat olub
14.07.2018
Azərbaycanda avtomobil istehsalı 6,2 dəfə artıb
14.07.2018
Neft bahalaşıb

Şərh əlavə olunmayıb



    ,    
Vüsalə Ağabəyli
Şahin Sərdarlı
İsa Həbibbəyli
Cavanşir Feyziyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 9626

1 Ərəstü Həbibbəyli Baş nazirin Katibliyinin rəisi təyin edilib
2 “Azərbaycan dövlətinin dəstəyi Rumıniyada mənə əlavə motivasiya verib”
3 Azərbaycan Diasporuna Dəstək Fondu diaspor təşkilatlarının güvəndiyi mənbə olacaq
4 “Təxribatçıların çağırışlarına inanmayın”
5 Rəcəb Tayyib Ərdoğan Azərbaycana gəlib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info