İxracla məşğul olan sahibkarların işi asanlaşacaq
Tarix: 22.06.2018 | Saat: 00:37:00 | E-mail | Çapa göndər


Xarici biznes tərəfdaşlarla elektron müqavilələr real vaxt rejimində elektron imza ilə imzalanacaq

Nəqliyyat, Rabitə və Yüksək Texnologiyalar Nazirliyinin Məlumat Hesablama Mərkəzi Avropa İttifaqının “FutureTrust” layihəsinə assosiativ tərəfdaş seçilib. Məlumat Hesablama Mərkəzinin “FutureTrust” layihəsinə assosiativ tərəfdaş olmağı Azərbaycanla Avropa İttifaqı ölkələri arasında elektron imzaların qarşılıqlı tanınmasını asanlaşdıracaq. “FutureTrust” layihəsi əvvəlki tədqiqatlar və genişmiqyaslı pilot layihələr üzrə əldə edilən nəticələr əsasında qurulub. Əsasən, təkmil sertifikat, elektron imza və vaxt möhürü ilə əlaqəli olan etimadlı xidmətlər üçün proqram təminatının açıq mənbə kodunu təmin edəcək. “FutureTrust” layihəsi Avropa İttifaqının maliyyə dəstəyi ilə “Horizon 2020” elmi tədqiqat və innovasiya proqramı çərçivəsində 1 iyun 2016-cı il tarixindən fəaliyyət göstərir. Layihədə iştirak edən 10 ölkənin 16 tərəfdaş təşkilatı Almaniyanın Boxum şəhərinin Rur Universiteti tərəfindən əlaqələndirilir. "FutureTrust" layihəsinin əsas məqsədi elektron ticarətdə elektron identifikasiya (eID) və etibarlı xidmətlər üzrə eIDAS qanunvericiliyinin praktiki tətbiqini dəstəkləmək və etibarlı xidmətlərin Avropa İttifaqı və onun hüdudlarından kənarda yayılmasını asanlaşdırmaqdır. Xatırladaq ki, Prezidentin “Rəqəmsal Ticarət Qovşağı kimi Azərbaycan Respublikasının mövqeyinin gücləndirilməsi və xarici ticarət əməliyyatlarının genişləndirilməsi ilə bağlı əlavə tədbirlər haqqında” Fərmanında qeyri-neft sektorunun yüksək inkişaf tempinin qorunub saxlanması, habelə elektron ticarətin gücləndirilməsi və inkişaf etdirilməsi vurğulanır. Sözügedən layihəyə tərəfdaşlıq elektron imzaların qarşılıqlı tanınması işlərini sürətləndirməklə ölkəmizdə sahibkarlıq fəaliyyəti ilə məşğul olan vətəndaşlarla xarici biznes tərəfdaşları arasında sənədlərin, elektron müqavilələrin real vaxt rejimində elektron imza ilə imzalanması və transsərhəd elektron xidmətlərin həyata keçirilməsinə imkan yaradacaq.

Anar




 
Bölməyə aid digər xəbərlər
25.09.2018
Vyanada görkəmli yazıçı və ədəbiyyatşünas alim Mir Cəlal Paşayevin xatirəsi anılıb
24.09.2018
Mətin Kərimli “Caspian Energy Forum Baku – 2018”də iştirak edib
24.09.2018
Mastercard-la “Hepsiburada”-dan endirim
24.09.2018
“Öz vətənimdə dünya çempionu oldum”
24.09.2018
Azərbaycanda dövlət-din münasibətləri bütün dünyaya örnək olmalıdır

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10139

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Yalnızlıq qorxusu
4 Krivoy Roqdakı soydaşlarımız festivala hazırlaşırlar
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info