“Azərbaycan Ordusu torpaqlarımızı azad etmək və ərazi bütövlüyümüzü bərpa etmək imkanındadır”
Tarix: 23.06.2018 | Saat: 00:33:00 | E-mail | Çapa göndər


“Cümhuriyyət dövründə səfərbərlik və hərbi çağırış (1918-1920)” kitabının təqdimatı olub

Səfərbərlik və Hərbi Xidmətə Çağırış üzrə Dövlət Xidməti Azərbaycan Milli Elmlər Akademiyasının Mərkəzi Elmi Kitabxanasında tədqiqatçı, tarix üzrə fəlsəfə doktoru, “Şərq” qəzetinin baş redaktoru Akif Aşırlının müəllifi olduğu “Cümhuriyyət dövründə səfərbərlik və hərbi çağırış (1918-1920)” kitabının təqdimatını keçirib. Tərxis Olunmuş Hərbçilərin Gəncləri Maarifləndirmə İctimai Birliyinin sədri, nəşrin ideya müəllifi Emin Həsənli tədbirdə çıxış edərək kitabın çapının Prezidentin Azərbaycan Xalq Cümhuriyyətinin 100 illiyi və 2018-ci ilin “Azərbaycan Xalq Cümhuriyyət İli” elan olunması ilə bağlı sərəncamlarına əsasən görülən işlərin tərkib hissəsi olduğunu deyib. Akif Aşırlı kitabın hazırlanmasında ona dəstək olan Səfərbərlik və Hərbi Xidmətə Çağırış üzrə Dövlət Xidmətinə və Müdafiə Nazirliyinə minnətdarlığını bildirib. Müəllif deyib ki, kitabın hazırlanması üçün hər iki qurumun arxivlərindən istifadə edib. AMEA-nın Qafqazşünaslıq İnstitutunun direktoru, Milli Məclisin deputatı, professor Musa Qasımlı yeni nəşrin Azərbaycanın hərb tarixi ilə bağlı mühüm araşdırma mənbəyi olduğu deyib. Alim tədbir iştirakçılarına Azərbaycan Ordusunun tarixi ilə bağlı məlumat verib. O qeyd edib ki, çarizm dövründə azərbaycanlılar orduya məqsədli şəkildə cəlb edilməsələr də, Xalq Cümhuriyyəti hökuməti nizami ordu yaratmağa nail oldu. M.Qasımlı səfərbərlik və hərbi xidmətə çağırış sahəsində qurumun məhz Xalq Cümhuriyyəti dövründə yaradılmasının o dövr üçün mühüm nailiyyət olduğunu bildirib. Prezident Administrasiyasının İctimai-siyasi məsələlər şöbəsinin müdir müavini Vüqar Əliyev bu kitabın Azərbaycan Xalq Cümhuriyyəti irsinin tədqiqi, həmin dövrdə ordu quruculuğu, səfərbərlik və hərbi çağırışla bağlı görülən işlər ilə yaxından tanış olmaq üçün nümunəvi elmi əsər olduğunu bildirib. Vüqar Əliyev vurğulayıb ki, dövlət başçısının Cümhuriyyətin 100 illiyi və 2018-ci ilin ölkəmizdə “Azərbaycan Xalq Cümhuriyyəti İli” elan olunması ilə bağlı sərəncamlar imzalaması dövlətçilik tariximizin dərindən öyrənilməsinə xidmət edir. Prezident Administrasiyasının rəsmisi qeyd edib ki, 1918-ci ildə Azərbaycanın İstiqlal Bəyannaməsinin qəbul olunması ilə milli dövlət quruculuğu prosesi geniş vüsət aldı. Həmin dövrdə Şərqdə ilk parlamentin yaradılması, hökumətin formalaşdırılması, dövlət aparatının təşkil edilməsi, ölkənin sərhədlərinin müəyyənləşdirilməsi, milli himnimizin, gerbimizin, bayrağımızın yaradılması, ana dilimizin tətbiq edilməsi, ordu quruculuğu və təhlükəsizliyin müəyyən olunması sahəsində mühüm tədbirlər həyata keçirilib. Cümhuriyyət dövründə milli ordu quruculuğu prosesi geniş vüsət alıb. Bu proses bu gün də uğurla davam etdirilir. 1993-cü ildə ümummilli lider Heydər Əliyevin hakimiyyətə qayıtması ilə bütün sahələrdə olduğu kimi, Azərbaycanda milli ordu quruculuğu sahəsində də mühüm proseslər baş verdi. 1994-cü ildə atəşkəsin elan olunması ordu quruculuğu ilə bağlı geniş tədbirlərin həyata keçirilməsi üçün vaxt qazandırdı. Azərbaycan mühüm beynəlxalq tərəfdaşlıq platformalarına inteqrasiya etdi. Ulu öndərin ordu quruculuğu sahəsində gördüyü işlər bu gün Prezident İlham Əliyev tərəfindən uğurla davam etdirilir. Güclü iqtisadiyyata, sürətli inkişafa qadir ölkəmizdə müasir və qüdrətli milli ordu formalaşır. Azərbaycan Prezidenti, Silahlı Qüvvələrin Ali Baş Komandanı İlham Əliyevin diqqət və qayğısı sayəsində həyata keçirilən hərbi islahatlar, aparılan ordu quruculuğu ölkənin müdafiə qüdrətinin artırılmasına xidmət edir. Aprel döyüşlərində bir daha sübut olundu ki, Silahlı Qüvvələrimiz qarşıya qoyulan bütün hərbi tapşırıqları həyata keçirmək gücünə malikdir. Azərbaycan Ordusu torpaqlarımızı azad etmək və ərazi bütövlüyümüzü bərpa etmək imkanındadır. Səfərbərlik və Hərbi Xidmətə Çağırış üzrə Dövlət Xidmətinin rəisi general-leytenant Arzu Rəhimov çıxışında Cümhuriyyət tarixinə dövlət səviyyəsində yüksək əhəmiyyət verildiyini bildirib. Dövlətçilik tariximizdə Xalq Cümhuriyyətinin şərəfli yer tutduğunu vurğulayan A.Rəhimov həmin dövrdə ordu quruculuğu prosesinin tərkib hissəsi olan səfərbərlik və hərbi xidmətə çağırış sahəsində də mühüm işlərin görüldüyünü qeyd edib. O bildirib ki, əsası məhz Xalq Cümhuriyyəti dövründə qoyulan hərbi çağırış və səfərbərlik sistemi də ötən 100 ildə şərəfli yol keçərək bu günümüzə gəlib çatıb. Tədbirdə “Cümhuriyyət dövründə səfərbərlik və hərbi çağırış (1918-1920)” kitabının müəllifi Akif Aşırlı, Ordunun Dostları Mətbuat Klubunun icraçı direktoru Seyfəddin Hüseynli Səfərbərlik və Hərbi Xidmətə Çağırış üzrə Dövlət Xidmətinin xüsusi diplomu ilə təltif ediliblər.

Anar





 
Bölməyə aid digər xəbərlər
19.02.2019
YAP Pirallahı rayon təşkilatı sədrinin 2018-ci ilin yekunlarına və qarşıda duran vəzifələrə dair hesabatı
19.02.2019
İqtidarın qazandığı hər bir uğur müxalifətin siyasi iflasını sürətləndirir
19.02.2019
Fərid Şəfiyev Beynəlxalq Münasibətlərin Təhlili Mərkəzinin sədri təyin edildi - səfir vəzifəsindən geri çağırıldı
18.02.2019
İbrahim Öztek: “Xocalı soyqırımı nankor bir cəmiyyətin xəyanətkar hücumunun son halqasıdır”
18.02.2019
Rusiyanın azərbaycanlı icması soydaşlarımızı və çeçenləri təxribata uymamağa çağırıb

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10602

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Vzqlyad.ru”: “Nazarbayev və Əliyev türk-islam dünyasının lideri roluna ən aktiv iddiaçılardır”
4 “Əsas oxucu kütləsi sayılan gənclər bu gün internet mediaya daha çox üstünlük verirlər”
5 Qabaqcıl texnologiyalar dövründə ənənəvi və internet medianın inkişafı


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info