Ermənilər: “Bizi alçaldırlar, bizsə gülümsəməkdə davam edirik”
Tarix: 24.06.2018 | Saat: 02:31:00 | E-mail | Çapa göndər


“Serj Sarkisyanın dövründə Ermənistanın Xarici İşlər Nazirliyinə 8 il iradəsiz rəhbərlik edən Edvard Nalbandyanın qeyri-müəyyən xarici siyasətini tənqid edirdik. Çünki Nalbandyanın dövründə İrəvan bütün güc mərkəzlərinin deyil, hətta kvazi dövlətlər miqyasında əhəmiyyətsiz olan dövlətlərin də Ermənistanın beynəlxalq arenadakı nüfuzunun yüksəlməsinə kömək edəcəyinə inanırdı. Ancaq bütün bunlara cavab olaraq biz hətta Kollektiv Təhlükəsizlik Müqaviləsi Təşkilatında və Avrasiya İqtisadi Birliyində bizə yaxın olan müttəfiqlərimizdən də nankorluq gördük”. Bu fikirlər ermənilərin “ArmenianReport” saytında yer alıb. Maraqlıdır, görən erməniləri yenidən haldan çıxaran, qıcıqlandıran nədir? Sən demə, Şərq Tərəfdaşlığı ölkələrinin xarici işlər nazirlərinin Minskdə keçirilən görüşündə erməni nazir Zöhrab Mnatsakanyan belaruslu həmkarı Vladimir Makeylə görüşdə “passivlik” nümayiş etdirib.
“Hesabata görə, belarusiyalı nazir İrəvanla-Minsk arasındakı münasibətlərin inkişaf və genişlənməsinin davam edəcəyinə ümidvar olduğunu bildirdi. Qarabağ münaqişəsinə toxunan nazir Mnatsakanyan da danışıqların effektivliyi üçün sülhə şərait yaratmış mühitin vacibliyini bildirib. Bu baxımdan o, müttəfiq ölkələrin bu atmosferə təhlükə yarada biləcək, regionda silahlanma yarışını təşviq etmək və razılaşdırılmış formatda müzakirələrin normal gedişinə mane ola biləcək addımlar atmamasının vacibliyini qeyd etdi “-deyə bildirən sayt daha sonra yazır: “Məsələn, Zöhrab Qraçeviç Tacikistanın və ya Qırğızıstanın xarici işlər nazirləri ilə görüşmüş olsaydı biz tərəfdən belə bir mənfi reaksiya nümayiş etdirilməyəcəkdi. Çünki Kollektiv Təhlükəsizlik Müqaviləsi Təşkilatı, Avrasiya İqtisadi Birliyi üzvü olan bu iki dövlət demək olar ki, Azərbaycanla heç bir təmasda olmur, onu silahlandırmırlar. Amma Belarus barədə bunları demək olmaz. Buna görə, gərək cənab Mnatsakanyan belarusiyalı həmkarı ilə görüşdən imtina edəydi. Lakin ictimaiyyət bunu nəzərə almasa da, Mnatsakanyan diplomatik qaydalara hörmətlə yanaşıb”.
Qəribədir ki, belə qabiliyyət sahibi olan nazirə “əhsən” düşsə də, bəzi ermənilər bunu qəbul etmirlər. Əgər etsəydilər daha çox ultimtum xarakteri daşıyan aşagıdakı sözləri yazmazdılar: “Erməni Xarici İşlər Nazirliyinin hörmətli cənabları! Siz əvvəlki sələflərinizdən fərqli olaraq nəsihət dinləməyə (?) son qoyun. Anlamaq lazımdır ki, belə bir siyasət Ermənistanın milli maraqlarına zərbə vurur. Üstəlik, biz həm azərbaycanlıların, həm də belarusların gözündə bir gülüş payı oluruq. Axı bizim üzümüzə tüpürsələr də, biz üzümüzü silib heç bir şey olmamış kimi onların üzünə gülümsəməkdə davam edirik. Əgər biz bu yolla davam etsək, Kollektiv Təhlükəsizlik Müqaviləsi Təşkilatında və Avrasiya İqtisadi Birliyindəki Belarus və Qazaxıstan kimi "müttəfiqlərimiz" Azərbaycanı açıq şəkildə dəstəkləyərək onu silahla təchiz edəcəklər. Ona görə də oyunun qaydalarını dəyişmək və hücum diplomatiyasına keçmək vaxtı çatıb. Yalnız bu halda, Lukaşenko və Nazarbayevə diş qıcıyacagımız halda onlar Ermənistanın xəyanəti bağışlamadığını başa düşəcəklər”.
Bərəkallah! Vallah utanmasan, oynamağa nə var. Ermənilərin bu iddiası lap araba kölgəsində yatan itin.. məsəlini xatırladır.
Ağasəf Babayev













 
Bölməyə aid digər xəbərlər
19.03.2019
Ermənistan Azərbaycanla azaraq sərhədi keçmiş vətəndaşların mübadiləsinə hazırdır
18.03.2019
Naxçıvanda Çanaqqala zəfərinin ildönümü qeyd olunub
18.03.2019
Ermənistan Rusiya ilə razılıq əldə edə bilmədi
14.03.2019
Ermənistan müdafiə nazirinin müavini və iki vitse-qubernator vəzifələrindən azad edilib
14.03.2019
Ermənistanda vergilər artırıldı

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10699

1 Akademik Ramiz Mehdiyev tariximizin xanlıqlar dövrünə sənədlər işığında nəzər salır
2 Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
3 Təhsilə qoyulan sərmayə gələcəkdə yüksək potensiala malik savadlı gənclərin yetişməsini təmin edəcək
4 “Kaspersky Password Manager” proqramının yeni versiyası şifrənin təhlükəsizliyini yoxlayır
5 Yuliya Naçalova vəfat edib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info