Ermənistanda əks-inqilab qorxusu
Tarix: 25.06.2018 | Saat: 21:32:00 | E-mail | Çapa göndər


«Ermənistanda inqilabın qələbəsi hələ ki, sona çatmayıb. Qələbə yalnız Robert Koçaryan və Serj Sarkisyan cinayətkarlar kürsüsündə oturdulduqdan sonra olacaq». Bu fikirlər ermənilərin «ArmenianReport» saytında yer alıb.
« Ötən illərdə Ermənistanı talan edənləri məhkum etmək son dərəcə vacibdir. Hazırda Ermənistan vətəndaşları Nikol Paşinyanı təkcə baş nazir kimi deyil, həm də hər kəsin gözləntilərini yerinə yetirən –oğrulara, xainlərə qarşı mübariz bir şəxs kimi görürlər»-deyə sayt yazır. Sayt hazırda ölkədəki korrupsiyaya qarşı mübarizə araşdırmalarının inkişafından “qorxuya düşənlər” deyərkən, təbii ki, ilk növbədə Serj Sarkisyanı, Robert Koçaryanla onun ətrafındakıları nəzərdə tutur. Sayta görə, bu iki sabiq prezidentlər arasında, daha çox qorxu büruzə etdirən Robert Koçaryandır. Çünki Ermənistanın yaxın tarixində ən yüksək səviyyəli cinayətlərdə onun şəxsi iştirakına işarə edən bir çox faktlar var: «Əlbəttə, burada söhbət təkcə onun korrupsiya ilə bağlılığından getmir. Əks- təqdirdə, Robert Koçaryanın 3 milyard dollarlıq bir sərvət sahibi olması mümkün olmazdı. Söhbət, burada xalqın tələbindən gedir: oğru məhbəsdə oturmalıdır».
Ermənistandakı insanların 27 oktyabr, 1 mart hadisələrinin açıqlanmasını gözlədiklərini yazan sayt bunu ermənilər üçün üçün, xüsüsən də Paşinyan üçün şərəf məsələsi kimi qələmə verir: «Paşinyan artıq nəyəsə nail olub. O, buna Kremlin ölkəmizdəki ümidlərinə qarşı çıxmaqla (?), Moskvanın Ermənistanı «qan çanağına» döndərmək arzusunu ürəyində qoymaqla nail olub. Lakin Ermənistandakı inqilab hələ ki, sona çatmayıb. Bu qələbə Robert Koçaryan və Serj Sarqsyanın həbsindən sonra başa çata bilər. Bu, məxməri inqilabının ən gözəl finalı və Rusiyaya qarşı konkret bir mesaj olacaq: yəni bir daha öz qullarınızı Ermənistan hakimiyyətinə gətirməyə nə cəhd edin, nə də bu barədə düşünün».
Doğrudan da, Ermənistandakı son yaşantılar, bu ölkədə dərəbəylikdən xəbər verir. Belə ki, artıq sabiq hakimiyyət nümayəndələri də seçim qarşısında var-gəl etməkdədirlər. Məsələn, Erməni Milli Konqresinin sədr müavini Aram Manukyan ölkədə keçiriləcək parlament seçkilərini aprel ayına qədər təxirə salmamaq təhəbbüsü ilə çıxış edib. Maraqlıdır ki, ermənilərin «1in.am» saytı Manukyanı bu məsələdə əsasən haqlı sayır: «Manukyan bu məsələdə əsasən haqlıdır, ən qısa müddətdə seçkilər keçirmək və inqilabın zəfərini qazanmaq lazımdır». Maraqlıdır ki, sayt vasitəsilə əks-inqilabçı qüvvələrin «təxribatından» qorxu nümayiş etdirən hazırkı hakimiyyət nümayəndəlri, siyasi cəhətdən yıxıldığı bildirilən Respublika Partiyasının birləşib, hər hansı bir uğur qazana bilməyəcəyini bildirirlər. Onlara görə, əks-inqilab nə hüquqi, nə də ictimai platformalarda heç bir qələbə qazana bilməz. Hazırkı hakimiyyətin ehtiyat etdiyi məsələ sabiq hakimiyyət nümayəndələrinin terror aktından yararlanmaq şansı ilə bağlıdır. Onlar əsas kimi, Ermənistan tarixində 1999-cu il parlament seçkilərində Robert Koçaryanın şəxsində rus müdaxiləsini göstərirlər. Məhz bütün bunlara görə, «vassalının itirilməsi ilə barışmayan Rusiyadan erməni əks-inqilabının küləyi əsməkdədir».
Ağasəf Babayev




 
Bölməyə aid digər xəbərlər
15.02.2019
Yerevanda “Rusiyada necə inqilab etməli?” kursları keçirilib
15.02.2019
«Ermənilər xarici yardım hesabına yaşamağa alışıblar»
15.02.2019
Yerevanda avtobus sürücüləri tətil edirlər
15.02.2019
İslamabadda “İpək yolunun dostları” təşəbbüsünə start verilib
15.02.2019
ABŞ Rusiya ilə Almaniya arasında “Berlin divarı” çəkə biləcəkmi?

Şərh əlavə olunmayıb

    ,    
Namiq Əliyev
Fuad HÜSEYNZADƏ
Tural Tağıyev
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10598

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 “Vzqlyad.ru”: “Nazarbayev və Əliyev türk-islam dünyasının lideri roluna ən aktiv iddiaçılardır”
3 Prezident İlham Əliyevin Real televiziyasına müsahibəsi (Yenilənib)
4 Qabaqcıl texnologiyalar dövründə ənənəvi və internet medianın inkişafı
5 Bakıda yeni otel istifadəyə verilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info