Moskvada Qara Qarayevin 100 illiyinə həsr olunan sərginin açılışı olub
Tarix: 28.06.2018 | Saat: 19:19:00 | E-mail | Çapa göndər


Rusiya Milli Muzeyində Azərbaycanın görkəmli bəstəkarı Qara Qarayevin 100 illik yubileyinə həsr olunan sərginin açılışı olub.
"Əsrə bərabər olmaq" (“Bıt s vekom naravne") adlı sərgi Rusiya və Azərbaycan mədəniyyət nazirliklərinin və Heydər Əliyev Fondunun dəstəyi ilə təşkil olunub
Sərginin açılış mərasimində çıxış edən Rusiya Milli Muzeyinin direktoru Mixail Brızqalov sərginin keçirilməsi ideyasının yaranmasından, nümayiş olunan eksponatların müxtəlif fondlardan, Azərbaycan və Rusiya muzeylərindən toplanmasından danışıb.
Sərginin ən görkəmli eksponatı görkəmli rəssam Tahir Salahovun 1962-ci ildən bu günə kimi Tretyakov Qalereyasında sərgilənən "Qara Qarayevin portreti" əsəri olub.
Tədbirdə çıxış edən Azərbaycanın Rusiyadakı səfiri Polad Bülbüloğlu dahi bəstəkar Qara Qarayevlə bağlı xatirələrindən danışıb: "Bu gün mən sərgidə iki rolda çıxış edirəm. Həm səfir rolunda, həm də Qara Qarayevin tələbəsi rolunda. Qarayevin sinfində biz təkcə bəstəkarlıq sənətinin ustalıqlarını deyil, həyatın əsasını dərk etməyi öyrənirdik. O, qeyri-adi erudisiyaya və ensiklopedik biliyə malik insan idi".
Azərbaycan Mədəniyyət Nazirliyinin Rusiyadakı nümayəndəsi Nigar Axundova mədəniyyət naziri Əbülfəz Qarayevin Rusiya Milli Muzeyinin rəhbərinə və kollektivini ünvanlanmış məktubunu oxuyub, Qara Qarayevin yaradıcılığına və şəxsiyyətinə göstərdikləri diqqətə görə təşəkkürünü bildirib.
Tədbirdə görkəmli Azərbaycan rəssamı, Qara Qarayevin əfsanəvi portretinin müəllifi Tahir Salahov da çıxış edib. O, portretin yaranması tarixindən və Qara Qarayevlə münasibətlərindən danışıb.
Azərbaycan Dövlət Musiqi İncəsənəti Muzeyinin direktoru Alla Bayramova çıxışında Rusiya Milli Muzeyinə çoxillik əməkdaşlığına və Azərbaycan incəsənətinə və musiqisinə xüsusi diqqət ayırdıqlarına görə təşəkkürünü bildirib.
Sərgiyə baxışdan sonra Qara Qareyvin əsərlərindən ibarət konsert proqramı təşkil olunub. Beynəlxalq musiqi müsabiqələrinin laureatı pianoçu Riad Məmmədov, P.İ. Çaykovski adına Moskva Dövlət Konservatoriyasının tələbəsi Nazxanım Dadaşova və digərlərinin ifasında görkəmli bəstəkarın əsərləri səslənib.
Qeyd edək ki, Qara Qarayevin 100 illiyinə həsr olunan "Əsrə bərabər olmaq" sərgisi avqustun 26-dək davam edəcək.
Tural




 
Bölməyə aid digər xəbərlər
18.03.2019
TWESCO Nəsiminin 650, Naxçıvan Müqaviləsinin 10 illiyini qeyd edir
16.03.2019
Litvada Azərbaycan muğam triosunun konserti olacaq
16.03.2019
Bakıda “Nikah müqaviləsi” tamaşasının nümayişi olub
16.03.2019
Fransız heykəltəraş Mauro Kordanın sərgisi
15.03.2019
Britaniyalı məşhur müğənni Formula 1 Azərbaycan Qran-Prisi ilə əlaqədar Bakıya gələcək

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10697

1 Akademik Ramiz Mehdiyev tariximizin xanlıqlar dövrünə sənədlər işığında nəzər salır
2 Təhsilə qoyulan sərmayə gələcəkdə yüksək potensiala malik savadlı gənclərin yetişməsini təmin edəcək
3 Xaricdəki və yerli ictimai birliklərin növbəti virtual görüşü olub
4 “Kaspersky Password Manager” proqramının yeni versiyası şifrənin təhlükəsizliyini yoxlayır
5 “Sondakika.com”: “Apreldən TANAP-ın Avropaya təbii qaz göndərəcək hissəsində sınaqlara başlanacaq”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info