ABŞ-da azərbaycanlı ailə haqqında film çəkilib
Tarix: 29.06.2018 | Saat: 18:32:00 | E-mail | Çapa göndər


ABŞ-ın “UnionDocs” kinostudiyası Azərbaycan-Amerika Qadınlar Cəmiyyətinin və Nyu-York Azərbaycan Evinin rəhbəri Minəvvər Vahabovanın ailəsi haqqında sənədli film çəkib. Bu haqda Minəvvər Vahabova özü məlumat verib.
“Nərminin doğum günü" adlı filmin hazırlığı 6 ay çəkib və ərsəyə gələn film 25 dəqiqəlik olub. Film bir ailədə olan üç nəslin həyat hekayəsidir.
Minəvvər Vahabovanın sözlərinə görə, bu filmin çəkilişi “UnionDocs” tərəfindən təklif olunub: “2018-ci ilin yanvar ayında “UnionDocs”da çalışan Cenni Qroza Nyu-York Azərbaycan Evinə gəldi və Azərbaycan mövzusunda sənədli film çəkmək istədiyini söylədi. Biz onunla xeyli söhbət etdik. Məlum oldu ki, Cenni iki il könüllü olaraq Azərbaycanda yaşayıb və yerli əhaliyə ingilis dilindən dərs deyib. Cenni Azərbaycan haqqında xoş xatirələrini bizimlə bölüşdü. Söhbətin sonunda qərara gəldi ki, film bizim ailə haqqında olsun. Beləliklə, 6 ay bizim ailənin həyatını bütün aspektlərdən çəkilişə başladılar. Cenni Qroza, Lidiya Kornett və Anş Ranvir Vohra bütün bu altı ayda, demək olar ki, bizimlə oldular və çoxlu material topladılar”.
Minəvvər Vahabova bildirdi ki, bu sənədli filmin mövzusu onun ailəsində olan və bir-birindən fərqlənən üç nəsil haqqındadır: “Anam İsmət xanım 82 yaşlı azərbaycanlı qadın, mən-orta nəslin nümayəndəsi, həm tam azərbaycanlı, həm də Amerika həyatına lazımınca inteqrasiya etmiş qadın və qızım 16 yaşlı Nərmin - demək olar ki, tamamilə amerikalı gənc qız. Mövzu çox maraqlıdır, film də maraqlı, rəngarəng alınıb. Ümid edirik ki, film müxtəlif kino festivallarında lazımi mükafatları qazanacaq”.
Xatırladaq ki, bu günlərdə “Nərminin doğum günü" və daha 7 filmin təqdimat mərasimi olub. Təqdimat mərasimində “UnionDock” təşkilatının rəhbərləri, nümayiş etdirilən 8 filmin yaradıcı heyəti, filmlərin qəhrəmanları və digər qonaqlar iştirak ediblər. Hər bir film ayrı-ayrılıqda tamaşaçılarda xüsusi maraq yaratdı. Tamaşaçılar filmin yaradıcılarına və qəhrəmanlarına onları maraqlandıran sualları ünvanlayıblar və bu suallara cavab alıblar. Təqdimat mərasimində “Nərminin doğum günü" filmində azərbaycanlı ailədə nənənin fikirləri, 16 yaşlı Nərminin mülahizələri, Nyu-York kimi meqapolisdə yaşayan azərbaycanlı ailəsinin həyat tərzi, bayramlarımız, Nərminin doğum günü partisi, ailənin adi günləri və s. tamaşaçıların marağına səbəb olub.
Qeyd edək ki, ABŞ-ın Nyu-York şəhərində fəaliyyət göstərən “UnionDocs” sənədli filmlərin çəkilişi ilə məşğul olur. Hər il onlarla sənədli film çəkilərək ictimaiyyətə təqdim olunur və mötəbər kino festivallarına göndərilir. “UnionDocs”un əsas məqsədi Nyu-Yorkda və digər ştatlarda yaşayan və müxtəlif xalqları təmsil edən insanların həyatı, yaşayışı, mədəniyyəti, müxtəlif problemləri və immiqrant həyatlarında olan nüansları ictimai və sosial müstəviyə çıxararaq multikulturalizmi təbliğ etməkdir.

Fuad Hüseynzadə




 
Bölməyə aid digər xəbərlər
18.03.2019
TWESCO Nəsiminin 650, Naxçıvan Müqaviləsinin 10 illiyini qeyd edir
16.03.2019
Litvada Azərbaycan muğam triosunun konserti olacaq
16.03.2019
Bakıda “Nikah müqaviləsi” tamaşasının nümayişi olub
16.03.2019
Fransız heykəltəraş Mauro Kordanın sərgisi
15.03.2019
Britaniyalı məşhur müğənni Formula 1 Azərbaycan Qran-Prisi ilə əlaqədar Bakıya gələcək

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10697

1 Akademik Ramiz Mehdiyev tariximizin xanlıqlar dövrünə sənədlər işığında nəzər salır
2 Təhsilə qoyulan sərmayə gələcəkdə yüksək potensiala malik savadlı gənclərin yetişməsini təmin edəcək
3 Xaricdəki və yerli ictimai birliklərin növbəti virtual görüşü olub
4 “Kaspersky Password Manager” proqramının yeni versiyası şifrənin təhlükəsizliyini yoxlayır
5 “Sondakika.com”: “Apreldən TANAP-ın Avropaya təbii qaz göndərəcək hissəsində sınaqlara başlanacaq”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info