Yeni nüvə bombası Türkiyədə yerləşdiriləcək
Tarix: 03.07.2018 | Saat: 01:21:00 | E-mail | Çapa göndər


ABŞ-ın Energetika Nazirliyinin nəzdində fəaliyyət göstərən Milli Nüvə Təhlükəsizliyi İdarəsi və ölkənin Hərbi Hava Qüvvələri B61-12 idarəolunan nüvə bombasının sınağını keçirib. TASS xəbər verir ki, sınaqlardan 2-si iyunun 9-da Nevada ştatında yerləşən “Tonopa” poliqonunda baş tutub. Sınaq zamanı nüvə başlığı olmayan bomba B-2 “Spirit” bombardmançı təyyarəsindən atılıb. “Uçuş sınaqları B61-12 bombasının dizaynının sistem tələblərinə cavab verdiyini və onun milli təhlükəsizlik tələblərinə uyğun gəldiyini nümayiş etdirib”, - deyə Milli Nüvə Təhlükəsizliyi İdarəsinin nümayəndəsi general Maykl Lutton bildirib. B61-12 idarəolunan bombanın istifadəsi ABŞ-ın nüvə arsenalındakı B61 bombasının mövcud variantlarını əvəzləməyə imkan verəcək. Bu bombaların 2020-ci ildə istehsal olunacağı bildirilir. Həmin bombaların Almaniya, Türkiyə, İtaliya ərazisində olan ABŞ bazalarında yerləşdirilməsi nəzərdə tutulur. Bu isə ABŞ-la Rusiya arasında yeni narazılıq dalğası yarada bilər. Bəzi ekspertlər hesab edirlər ki, bu məsələnin indi ortaya çıxması bu ay keçiriləcək Tramp-Putin görüşü ilə bağlıdır. ABŞ və Rusiya dövlət başçılarının bu ay görüşəcəyinin açıqlanmasından bir neçə gün sonra idarəolunan nüvə bombasının sınaqdan keçirilməsi və onların Avropadakı bazalarda yerləşdiriləcəyinin elan olması Tramp-Putin görüşü ilə bağlı problemlər yaratmağa hesablanıb. Bu arada Rusiya prezidentinin mətbuat katibi Dmitri Peskov dünən bildirib ki, Rusiya-ABŞ münasibətlərinin istiləşməsindən danışmaq tezdir. Peskov ABŞ senatorlarının Rusiyaya səfəri zamanı prezident Putinin onlarla görüşməyi planlaşdırıb-planlaşdırmadığı ilə bağlı suala cavabında deyib: "Gəlin, münasibətlərdə istiləşmədən danışanda, tələsməyək. Sözsüz ki, təmasların intensivləşməsi məmnunedici faktdır. Lakin istiləşmədən danışmaq hələ tezdir”. Qeyd edək ki, iyulun 16-da Finlandiyanın paytaxtı Helsinki şəhərində ABŞ və Rusiya prezidentləri Donald Tramp və Vladimir Putin arasında görüş keçiriləcək. Görüşdə iki ölkə arasındakı münasibətlərin inkişafı perspektivləri və beynəlxalq gündəmdə olan aktual məsələlər müzakirə olunacaq.

Anar




 
Bölməyə aid digər xəbərlər
25.09.2018
Yaponiya hökuməti dövlət qulluqçularının çoxunun evlərində işləməsinə çalışır
25.09.2018
Roma Papası Latviyada səfərdədir
25.09.2018
Mərkəzi Asiyada ilk beynəlxalq turizm universiteti Astanada açılacaq
25.09.2018
PKK başçısının yaxın silahdaşı həbs olunub
24.09.2018
Moldova Konstitusiya Məhkəməsi Dodonun səlahiyyətlərini müvəqqəti dayandırlb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10144

1 Yalnızlıq qorxusu
2 “Vətən uzaqda deyil” telelayihəsi dünya azərbaycanlılarının sevincinə səbəb olub
3 “Azərbaycanda xalq yaradıcılığına maraq artıb”
4 Cəfər Cəfərov: “Hər bir ölkənin gələcəyi yüksək səviyyəli kadrlardan asılıdır”
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info