Ermənistanın sabiq müdafiə naziri haqqında həbs qərarı verilib
Tarix: 04.07.2018 | Saat: 05:42:00 | E-mail | Çapa göndər




Ermənistanın sabiq müdafiə naziri, Silahlı Qüvvələrin keçmiş Baş Qərargah rəisi, general-polkovnik Mikael Arutunyan Konstitusiya quruluşunu zorakılıqla devirməkdə ittiham olunur.
APA-nın “news.am” saytına istinadən verdiyi xəbərə görə, Xüsusi İstintaq Qrupunun rəhbərinin qərarına əsasən 2008-ci il fevralın 23-dən martın 2-nə qədər vəzifədə olmuş müdafiə naziri və digər rəsmilərə qarşı cinayət işi qaldırılıb. Bu cinayət işi 2008-ci il 1-2 mart hadisələri üzrə cinayət iş ilə birləşdirilib. İş üzrə M. Arutunyanı təqsirləndirilən şəxs qismində cəlb etməyə qərar verilib.
İstintaqın məlumatına görə, 2008-ci il prezident seçkiləri ərəfəsində Konstitusiyada əksini tapmış azad seçki prinsipi pozulub, nəticədə xalq öz hakimiyyətini azad seçki yolu ilə həyata keçirmək imkanından məhrum olub: “Fəaliyyətdə olan prezident Robert Köçəryan və baş nazir, prezidentliyə namizəd Serj Sarkisyanın tərəfdarlarının törətdiyi çoxsaylı qanun pozuntuları əhalinin qəzəbinə səbəb olub və fevralın 20-dən başlayaraq Yerevandakı Azadlıq meydanında dinc və kütləvi etiraz aksiyaları başlayıb. Əhalinin geniş təbəqələrinin narazılığı və dinc mitinqlərə kütləvi qatılması hakimiyyətin ciddi narahatlığına səbəb olub. Bir sıra vəzifəli şəxslər, o cümlədən müdafiə naziri M. Arutunyan Konstitusiya quruluşunun zorakılıqla devrilməsinə yönəlmiş fəaliyyətlərə yol veriblər. Nazir və digər vəzifəli şəxslər ordunun siyasi proseslərə qarışmaması və neytrallığını qorumasına dair Konstitusiya müddəasını pozublar. Prezidentin yalnız Ermənistana silahlı hücum, birbaşa təhdid və ya müharibə elan olunması halında fövqəladə vəziyyət elan edərək ordudan istifadə etmək hüququna malik olması barədə Konstitusiya maddəsi də pozulub”.
Xüsusi İstintaq Qrupunun məlumatında deyilir ki, M. Arutunyan 2008-ci il fevralın 23-də “Ali Baş Komandan tərəfindən qoyulmuş tapşırıqların yerinə yetirilməsi haqqında” gizli və qanunsuz əmr imzalayıb: “Əmrdə dinc etirazçılar seçkilərin nəticələrini qəbul etməyən, sabitliyi pozan qüvvələr kimi xarakterizə olunaraq ordunun şəxsi heyətinin kazarma vəziyyətinə keçirilməsi əksini tapıb. Başqa bir əmrlə bir sıra ordu bölmələri daimi dislokasiya yerlərindən çıxarılaraq paytaxta və yaxın yerlərə göndərilib. Martın 1-də Müdafiə Nazirliyinin bölmələri hərbi texnika ilə Yerevanın Respublika meydanına və ətraf küçələrə çıxıb. Həmin gün, gecə vaxtı ordu və polis bölmələri silah, xüsusi vasitələr və partlayıcı qurğuların köməyi ilə silahsız nümayişçiləri meydandan çıxarmağa başlayıb. Nəticədə yüzlərlə şəxs müxtəlif bədən xəsarətləri alıb, 8 mülki şəxs və 2 polis ölüb, Mitinq dağıdılıb. Ölkənin beynəlxalq nüfuzuna ciddi zərbə dəyib”.
M. Arutunyan haqqında axtarış elan olunub və qəti imkan tədbiri kimi onun həbsi barədə qərar qəbul olunub. İstintaq davam edir.
Xatırladaq ki, 2008-ci ilin prezident seçkiləri zamanı hazırkı baş nazir Nikol Paşinyan müxalifətin prezidentliyə namizədi Levon Ter-Petrosyanın seçki qərargahının rəhbərlərindən biri olub. Hadisələrdən sonra o, gizlənib və 1 il sonra polisə təslim olub. Məhkəmənin qərarı ilə 7 il müddətinə azadlıqdan məhrum olunan N. Paşinyan qısa müddət sonra amnistiya aktı ilə azadlığa çıxıb.




 
Bölməyə aid digər xəbərlər
19.03.2019
Birləşmiş Ərəb Əmirlikləri dünyada ən təhlükəsiz ölkədir
18.03.2019
Senator Kirsten Cillibrand 2020-ci ildə ABŞ prezidenti vəzifəsinə namizədliyini irəli sürəcək
18.03.2019
Malidә hәrbi bazaya hücum edilib
18.03.2019
ABŞ-a mәxsus PUA yerә çırpılıb
18.03.2019
Çində İkinci Dünya müharibəsindən qalan artilleriya mərmisi tapılıb

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10697

1 Akademik Ramiz Mehdiyev tariximizin xanlıqlar dövrünə sənədlər işığında nəzər salır
2 Təhsilə qoyulan sərmayə gələcəkdə yüksək potensiala malik savadlı gənclərin yetişməsini təmin edəcək
3 Xaricdəki və yerli ictimai birliklərin növbəti virtual görüşü olub
4 “Kaspersky Password Manager” proqramının yeni versiyası şifrənin təhlükəsizliyini yoxlayır
5 “Sondakika.com”: “Apreldən TANAP-ın Avropaya təbii qaz göndərəcək hissəsində sınaqlara başlanacaq”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info