“SOYQIRIMI: 100 İL” sənədli filmi ictimaiyyətə təqdim olunub
Tarix: 06.07.2018 | Saat: 20:03:00 | E-mail | Çapa göndər


İyulun 6-da “Azərkitab” kitab təbliğat mərkəzinin konfrans salonunda Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə “Mədəniyyətin və Milli Ənənələrin Təbliği” İctimai Birliyinin həyata keçirdiyi “1918-ci ilin mart-aprel aylarında daşnakların azərbaycanlılara qarşı soyqırımı cinayəti törətməsinin 31 mart 2018-ci ildə 100-cü ildönümünə həsr edilmiş “SOYQIRIMI: 100 İL” sənədli filminin çəkilməsi” layihəsi çərçivəsində “SOYQIRIMI: 100 İL” sənədli filminin təqdimat mərasimi keçirilib.
Təqdimat mərasimini açıq elan edən layihənin rəhbəri, “Mədəniyyətin və Milli Ənənələrin Təbliği” İctimai Birliyinin sədri Büllur Məmmədova “SOYQIRIMI: 100 İL” sənədli filminin hazırlanmasına maliyyə dəstəyi göstərmiş Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasına, həmçinin filmin ssenarisinin hazırlanmasında yaradıcı heyəti faktoloji arxiv materialları ilə təmin edən Azərbaycan Respublikasının Milli Arxiv İdarəsinin rəhbərliyinə təşəkkürünü bildirib. O deyib ki, “SOYQIRIMI: 100 İL” sənədli filmi yalan üzərində qurulmuş erməni təbliğatına növbəti ağır zərbədir. Təşkilat sədrinin sözlərinə görə, növbəti mərhələdə sənədli filmin xarici dillərə dublyaj olunaraq xarici ölkələrə yayılması planlaşdırılır.
“SOYQIRIMI: 100 İL” sənədli filminə baxışdan sonra ssenari müəllifi və rejissoru Etibar Məmmədov vurğulayıb ki, təqdim olunan filmdə yalnız arxiv sənədlərdən, yəni Fövqəladə İstintaq Komissiyasına ifadələr vermiş 1918-ci ilin mart-aprel hadisələrinin canlı şahidlərinin sözlərindən istifadə olunub. Onun sözlərinə görə, bu məqam filmin hansısa subyektiv fikirlərə əsaslanması haqqında müxtəlif mülahizələr irəli sürülməsinin qarşısını qabaqcadan alır. “Sənədli filmdə səslənən faktları heç bir ölkə, beynəlxalq təşkilat və ya sosial qrup inkar edə bilməz. Bütün alimlərin, o cümlədən erməni tarixçilərinin, bu faktları qəbul etməkdən başqa çıxış yolu yoxdur, çünki bunları tarixi həqiqəti əks etdirən arxivlər söyləyir”.
Tədbir film ətrafında geniş müzakirələrin aparılması ilə davam edib. Təqdimat mərasimində Azərbaycan Respublikasının Mədəniyyət Nazirliyinin, Ailə, Qadın və Uşaq Problemləri üzrə Dövlət Komitəsinin, Dini Qurumlarla İş üzrə Dövlət Komitəsinin, Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının nümayəndələri, Qeyri-Hökumət Təşkilatlarının rəhbərləri, ictimai və elm xadimləri, ölkənin aparıcı KİV-lərinin nümayəndələri iştirak ediblər.

Fuad




 
Bölməyə aid digər xəbərlər
18.12.2018
Rusiyalı jurnalist ilk kitabını Azərbaycana həsr edib
18.12.2018
Azərbaycanlı istedad dünyaca məşhur piano müsabiqəsində qalib oldu
18.12.2018
Türk dünyası üçün 2019-cu il “İmadəddin Nəsimi ili” elan olunub
18.12.2018
Londonda Azərbaycan - Böyük Britaniya Mədəniyyət Mərkəzi təsis edilib
18.12.2018
Moskva Konservatoriyasında Azərbaycan musiqiçilərinin konserti olub

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10529

1 Anara Hacıbəyli Pirallahı rayonunda YAP ərazi təşkilatının sədri seçilib
2 “Tbilisi elə bir yerdir ki, burada zamanın necə keçdiyini hiss etmirsən”
3 Bill Klinton Heydər Əliyevlə görüntülərini paylaşdı
4 Gələn ildən işlə bağlı müraciətlər elektron qaydada aparılacaq
5 Azərbaycanlı gənc Misirdə fiziki qüsurlular üçün iki cihaz ixtira edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info