Düşmən dəyirmanına su tökənlər...
Tarix: 11.07.2018 | Saat: 12:34:00 | E-mail | Çapa göndər


Yeni əsr Şərq ölkələri üçün düşərli olmadı. İraq, Liviya, Suriya,Yəmən “Cəhənnəm adaları”na çevrildilər. 2016-cı ilin elə bu ayında qardaş Türkiyənin başına oxşar oyunu açmaq istədilər , amma türk xalqının Vətən uğrunda canından keçmək əzmi xain oyunu pozdu. Şərqdəki təlatümlər fonunda Azərbaycana “Sabitlik adası” desək, yəqin ki, yanılmarıq. Lakin hadisələrin gedişi göstərir ki, ölkəmizdəki bu sabitliyi xalqın əlindən almağa çalışan qüvvələr yatmayıblar...
Dünyada gedən pərdəarxası qlobal mübarizələrin mahiyyətini dərindən bilən dahi siyasətçi Heydər Əliyev deyirdi: “Təsadüfi heç nə yoxdur”. Bu nəzər nöqtəsindən yanaşsaq, tam əminliklə demək mümkündür ki, Gəncədə baş vermiş son kriminal olaylar heç də təsadüfi xarakter daşımır. Arxasında, hələlik bizə dəqiq bəlli olmayan hansısa qüvvənin, xüsusi təşkilatın durduğu bu hadisə əvvəlcədən planlaşdırılmış fəaliyyətin nəticəsidir. Bəs ölkədə sabitliyin, asayişin pozulmasına hesablanmış bu terror aksiyasının arxasında kimlər dura bilər? Ümumiləşdirilmiş şəkildə bu sualın cavabı belədir:- Müstəqil, suveren bir dövlət olan Azərbaycanın mövcudluğunu istəməyən qruplar bu terror əməlinin arxasında dayanıblar.

•Təsadüfi deyil ki, Gəncə hadisələri haqqında ilk xəbərləri sevinclə yayanlar ermənilərə məxsus radio,televiziya və saytlar oldu...

Hadisələrin mahiyyətini daha dərindən anlamaq üçün Azərbaycanda son dövrdə baş verənləri xatırlatmaq lazım gəlir. Bir neçə ay əvvəl olduqca sakit şəraitdə prezident seçkiləri keçirildi və həm daxildəki, həm də xaricdəki qüvvələr nə qədər cəhd etsələr də ölkədəki sabitliyi poza bilmədilər. Ardınca, əsrin ən böyük təbii qaz ixracı layihəsi olan Cənub Qaz Dəhlizi və onun tərkib hissəsi olan TANAP-ın möhtəşəm açılışı gerçəkləşdi. Daha sonra isə Naxçıvanda on bir min hektar ərazi düşmənin işğalından azad edildi və bu hadisənin şahidi olan bayraq Bakıdakı hərbi paradda nümayiş etdirildi. Eyni zamanda parad göstərdi ki, yaxın gələcəkdə qələbə rəmzinə çevrilən belə bayraqların sayı çoxalacaq.
Bəs torpaqlarımızı işğal edən və sadaladığımız uğurlardan xofa düşən Ermənistanda nə baş verir? Dövlət çevirilişi, daxili çəkişmə, siyasi və geosiyasi oriyentirlərin itirilməsi, iqtisadi tənəzzül, qonşuluqdakı qlobal layihələrdən təcrid olma, fasiləsiz miqrasiya, tutatutlar və s. Sizcə, belə vəziyyətdə olan düşmən ölkənin başbilənləri Azərbaycanın uğurlarından xoşlanarlarmı? Əlbəttə ki, yox! Deməli, Azərbaycanda sabitliyin pozulması, qarşudurmalar və xaosun yaranmasından birinci ermənilər sevinəcək. Bu baxımdan, Gəncədə baş verən terror hadisəsi düşmənin xeyirinə olan aksiyadır. Təsadüfi deyil ki, Gəncə hadisələri haqqında ilk xəbərləri sevinclə yayanlar ermənilərə məxsus radio,televiziya və saytlar oldu...
Bu hadisə Azərbaycanın dövlətçiliyi, milli maraqları, təhlükəsizliyi, asayişi, sabitliyi, rifahı, bu günü və gələcəyinə vurulan zərbədir.Amma Azərbaycan xalqı ayıqdır və Gəncədə iğtişaşa çağırışların arxasındakı mahiyyəti başa düşdüyündən aksiyaya dəstək vermədi.Gəncə polisi isə iki şəhid verməsinə baxmayaraq, mətinliklə vəzifəsinin öhdəsindən gəldi və qısa vaxt ərzində asayişi bərpa etdi.
Hadisəni törədənlərin arxasındakı qaranlıq güclər informasiya meydanını da boş buraxmamışdılar.Onların tapşırığı ilə hərəkət edənlər sosial şəbəkələrdə qanlı cinayət hadisəsinə dini və sosial don geyindirməyə çalışırdılar. İnformasiya məkanındakı bu saxta, pərdələnmiş mübarizə terrorun özündən də təhlükəlidir.Odur ki, vətəndaşlarımız baş vermiş hadisənin görünən tərəfinə deyil, onun mahiyyətinə, kimlərə sərf etməsi tərəfinə diqqətlərini yönəltməlidirlər. Çalışmalıyıq ki, “düşmən dəyirmanına su tökənlərdən” olmayaq...
Namiq Əliyev
“Palitra” qəzetinin baş redaktoru, tarix üzrə fəlsəfə doktoru





 
Bölməyə aid digər xəbərlər
19.07.2018
“İtaliyanın 99,4 faiz idxalı Azərbaycan neftinin hesabına həyata keçirilir”
19.07.2018
“TAP üzrə işlər nəzərdə tutulan vaxtda başa çatacaq”
19.07.2018
“Milli mətbuatın yaranması milli oyanış və tərəqqiyə doğru atılan addımdır”
18.07.2018
İtaliya ilə iqtisadi əlaqələr genişlənir
18.07.2018
“İtaliya ATƏT-ə sədrlik çərçivəsində Qarabağ problemi ilə bağlı öz dəstəyini göstərəcək”

Şərh əlavə olunmayıb



    ,    
Namiq Əliyev
Vüsalə Ağabəyli
Şahin Sərdarlı
İsa Həbibbəyli
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 9664

1 “Babamızın şeirlərinə sahib çıxanlar var”
2 “Azərbaycanda sabitliyi pozmağa cəhd edənlərin cəzası ağır olacaq”
3 Elektrik enerjisi və qaz təchizatı sahəsində nəzarət qaydası təsdiqləndi
4 “Cavan”-dan hər kəs üçün qeyr-adi festival
5 “Mətbuat göstərilən qayğıya adekvat olaraq milli maraqların keşiyində dayanmalıdır”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info