Fuad Muradov Parisdə Azərbaycan icmasının üzvləri ilə görüşüb
Tarix: 12.07.2018 | Saat: 13:40:00 | E-mail | Çapa göndər



Parisdə səfərdə olan Diasporla İş üzrə Dövlət Komitəsinin sədri Fuad Muradovun Fransa Milli Assambleyasında Fransa-Azərbaycan dostluq qrupunun üzvləri ilə görüşü olub.
AZƏRTAC xəbər verir ki, F.Muradov Fransa-Azərbaycan dostluq qrupunun sədri Pyer Alen Rafana görüş təşəbbüsü üçün təşəkkür edib. O, iki ölkənin parlamentlərarası dostluq qrupunun möhkəm təməl üzərində qurulduğunu qeyd edib. Birinci vitse-prezident Mehriban Əliyevanın parlamentlərarası dostluq qrupunun sədri olarkən ölkələrimizi və xalqlarımızı yaxınlaşdıran layihələrə önəm verdiyini diqqətə çatdırıb. Komitə sədri ölkələrimiz arasında siyasi əlaqələrin yüksək səviyyədə olduğunu qeyd edib.
Qrup üzvləri parlamentlərarası əlaqələrin genişləndirilməsi və daha da möhkəmləndirilməsi imkanlarını müzakirə ediblər.
Sonra komitə sədri Paris yaxınlığında Sən Klu məzarlığında dəfn olunmuş Paris Sülh Konfransında Azərbaycan nümayəndə heyətinin başçısı Əlimərdan bəy Topçubaşovun və Ceyhun Hacıbəylinin məzarlarını ziyarət edib.
Daha sonra komitə sədri Fransanın müxtəlif regionlarından olan Azərbaycan icmasının üzvləri ilə görüşüb. O, diaspor fəaliyyətinin daim ölkə rəhbərliyinin diqqətində olduğunu bildirib.
Görüşdə diaspor fəaliyyətinin yeni istiqamətləri ilə bağlı müzakirələr aparılıb. İcma üzvlərinin sual və təklifləri dinlənilib. Komitə sədri diaspor üzvlərini həmrəy olmağa səsləyib.
F.Muradov ölkəmizin işğal altındakı Kəlbəcər rayonunda Ermənistan silahlı qüvvələri tərəfindən girov götürülmüş Dilqəm Əsgərov və Şahbaz Quliyevin azad olmasına dair yaradılan #freedilqam və #freeshahbaz həştəq kampaniyasından da söz açıb.




 
Bölməyə aid digər xəbərlər
20.02.2019
Öz liderinə xəyanət edənləri tarix bağışlamır
20.02.2019
BŞİH Milli Şuranın 23 fevral mitinqinə icazə verməyib
20.02.2019
Zərif çiyinlərdə “ağır YÜK” -1-ci vitse-prezident Mehriban xanım Əliyevanın vəzifəsinin iki illiyinin tamamına
20.02.2019
Nazirlər Kabinetində keçirilən görüşdə Azərbaycan-Türkiyə münasibətlərinin inkişafından danışılıb
19.02.2019
Moskvada Azərbaycanın Rusiyadakı səfirinin Çeçenistanın məsul nümayəndələri ilə görüşü olub

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10608

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Əsas oxucu kütləsi sayılan gənclər bu gün internet mediaya daha çox üstünlük verirlər”
4 ABŞ-da atışma: xəsarət alanlar var
5 Yunanıstanda Azərbaycan milli musiqi alətlərinin təqdimatı keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info