Azərbaycan İlahiyyat İnstitutunda yəhudilik və xristianlıqla bağlı ixtisasların açılması planlaşdırılır
Tarix: 12.07.2018 | Saat: 17:24:00 | E-mail | Çapa göndər


İyulun 11-də Azərbaycan İlahiyyat İnstitutunda “Azərbaycanda yəhudilərin həyat tərzi” mövzusunda növbəti seminar keçirilib.
İnstitutdan bildirilib ki, tədbirdə bu qurumun rektoru Ceyhun Məmmədov Azərbaycanda dini icmalara böyük qayğı göstərildiyini diqqətə çatdırıb. Vurğulanıb ki, əsası ümummilli lider Heydər Əliyev tərəfindən qoyulan bu siyasəti bu gün Prezident İlham Əliyev uğurla davam etdirir. Belə ki, ölkəmizdə bir çox dini ibadət ocaqları təmir və ya bərpa olunur, yeni dini təhsil müəssisələri yaradılır, dövlət tərəfindən dini qurumlara mütəmadi maliyyə vəsaiti ayrılır. Azərbaycan Respublikasının Birinci vitse-prezidenti Mehriban xanım Əliyevanın da bu sahəyə xüsusi diqqəti danılmazdır.
Rektor bildirib ki, maarifləndirmə məqsədilə Azərbaycan İlahiyyat İnstitutu tərəfindən müxtəlif seminar, “dəyirmi masa” və konfransların təşkili nəzərdə tutulub. Həmçinin institutda İslamla yanaşı, Azərbaycanda yaşayan digər dinlərin nümayəndələrinin mədəniyyəti ilə bağlı araşdırmaların aparılması, gələcəkdə yəhudilik və xristianlıqla bağlı ixtisasların açılması planlaşdırılır.
Azərbaycan İlahiyyat İnstitutunun yaradılmasından məmnunluğunu ifadə edən Bakı Dağ Yəhudiləri Dini İcmasının sədri Milix Yevdayev bu sahədə hazırlanacaq ixtisaslı kadrlara ciddi ehtiyac olduğunu diqqətə çatdırıb. Qeyd edilib ki, Dağ Yəhudiləri Dini İcması bu institutla əməkdaşlığa böyük maraq göstərir.
M.Yevdayev yəhudiliyin Azərbaycandakı tarixinin 2000 ildən çox olduğunu, təmsil etdiyi dağ yəhudilərinin Avropa yəhudilərinə nisbətən daha çox şərq xalqlarına bənzədiklərini vurğulayıb. Dağ yəhudilərinin təqribən 300 ilə yaxın Qubada məskunlaşdıqlarını bildirən M.Yevdayev “Qırmızı qəsəbənin” onların kompakt şəkildə yaşadıqları ən böyük yaşayış məskəni olduğunu deyib. O, ölkə yəhudilərinin Azərbaycan xalqı ilə əsrlərboyu dostluq və qardaşlıq şəraitində yaşadıqlarını və heç vaxt diskriminasiyaya məruz qalmadıqlarını vurğulayıb. Diqqətə çatdırılıb ki, Azərbaycan antisemitizmin mövcud olmadığı nadir ölkələrdəndir. Dövlət tərəfindən yəhudi icmalarına xüsusi qayğı göstərilir, eləcə də maliyyə yardımı ayrılır, sinaqoqlar bərpa və təmir edilir.
Sonda mövzu ətrafında müzakirələr aparılıb.
Tural




 
Bölməyə aid digər xəbərlər
19.02.2019
Şəkidə və Mingəçevirdə “Fəlakət“ komediyasının təqdimatı keçirilib
18.02.2019
Təhsil müəssisələrində Nəsimiyə həsr olunan ədəbi-bədii gecələr və müsabiqələr keçiriləcək
18.02.2019
Milli Dram Teatrının kollektivi Masallıda qastrol səfərində
18.02.2019
Fuad Cəfərlinin şeirlər kitabı işıq üzü görüb
18.02.2019
Heydər Əliyev Mərkəzində rus avanqard rəssamlarının nadir əsərlərindən ibarət sərgi açılıb

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10602

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Vzqlyad.ru”: “Nazarbayev və Əliyev türk-islam dünyasının lideri roluna ən aktiv iddiaçılardır”
4 “Əsas oxucu kütləsi sayılan gənclər bu gün internet mediaya daha çox üstünlük verirlər”
5 Qabaqcıl texnologiyalar dövründə ənənəvi və internet medianın inkişafı


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info