FAO: “Azərbaycan pomidoru brend məhsuludur”
Tarix: 17.07.2018 | Saat: 15:15:00 | E-mail | Çapa göndər


Azərbaycan pomidoru brend məhsuludur və əsasən keçmiş SSRİ ölkələrində çox yaxşı tanınır. Bunu BMT-nin Ərzaq və Kənd Təsərrüfatı Təşkilatının (FAO) beynəlxalq məsləhətçisi Olqa - Lavrentyeva “Azərbaycanda fitosanitar nəzarətin və diaqnostik xidmətlərin gücləndirilməsi” layihəsi çərçivəsində keçirilən fitosanitar inspektorlar üçün pomidor ixracının sertifikatlaşdırılması üzrə seminarda deyib.
Qida Təhlükəsizliyi Agentliyinin Fitosanitar Nəzarəti şöbəsinin müdiri Xəyalə Dadaşova ölkəmizdə yetişdirilən pomidor məhsullarının çox keyfiyyətli olduğunu bildirib. Həmçinin qeyd olunub ki, bununla yanaşı, onun ixracı sahəsində fitosanitar tələblərin və orqanik məhsulların yetişdirilməsi istiqamətində müvafiq tədbirlər həyata keçirilməlidir.
Qusardan olan sahibkar Jalə Əmirbəyova ona məxsus torpaqlarda taxılla yanaşı, tərəvəz məhsullarının da yetişdirildiyini bildirərək, əsasən orqanik məhsullara üstünlük verildiyini söyləyib. Pomidorun böyük gəlir gətirdiyini nəzərə çatdıran sahibkar yaxın zamanlarda orqanik ferma yaradacağını və bu məqsədlə beynəlxalq təcrübəni öyrəndiyini deyib. Məqsəd həm də beynəlxalq sertifikatları almaqdır, deyə bəyan edib.
Kənd Təsərrüfatı Nazirliyinin nümayəndəsi Yaqub Cəfərov qeyd edib ki, pomidorun ixracı sahəsində Azərbaycan üçün ən böyük bazar Rusiyadır. Rusiyanın özündə hazırda pomidorun yetişdirilməsi üçün nəhəng istixanalar tikilir. Təkcə Krasnodar şəhərində Azərbaycan şirkəti 120 hektar sahədə istixana tikərək istifadəyə verib. Sözügedən sahəyə bu ölkədə hətta milyardlarla vəsait ayrılıb. Bununla belə, Rusiya fermerləri özləri də etiraf edirlər ki, Azərbaycanda günəşli günlər çox olduğundan pomidor keyfiyyətli və dadlıdır. “Ancaq təəssüflər olsun ki, Rusiyada Azərbaycan pomidorunun ixracı ilə bağlı bəzən süni problemlər yaradılır. Onun qarşısını almaq üçün beynəlxalq tələblərə uyğun məhsullar yetişdirilməli, fitosanitar nəzarət gücləndirilməlidir”, - deyə Y.Cəfərov bildirib.
Seminarda, həmçinin pomidor və tomat ixracının sertifikatlaşdırılması üzrə metodiki vəsaitin təqdimatı keçirilib və müzakirələr aparılıb.

Nigar




 
Bölməyə aid digər xəbərlər
17.08.2018
Dövlət qulluğuna qəbul üçün növbəti test imtahanı keçiriləcək
16.08.2018
Ali məktəblərə plan yerlərinin 11 faizi boş qalıb
16.08.2018
Baş Prokurorluq və DİM mətbuat xidmətlərinin birgə məlumatı
16.08.2018
Xoşbəxt Yusifzadə “Azərbaycan polisinin 100 illiyi” yubiley medalı ilə təltif olunub
16.08.2018
Sahil Babayev əlilliyi olan şəxslərə göstərilən xidmətlərlə tanış olub

Şərh əlavə olunmayıb



    ,    
Namiq Əliyev
Tural Tağıyev
Ülviyyə Həsənzadə
İsa Həbibbəyli
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 9889

1 DSX rəisi at çapan qızla görüşüb
2 “Beynəlxalq Gənclər Günü gənclərin beynəlxalq aləmə inteqrasiyasına təkan vermək məqsədilə qeyd olunur”
3 Azərbaycandan keçən tranzit yüklərin həcmi artacaq
4 Türkiyə mediası V Zirvə toplantısından yazır
5 Kürşad Zorlu: ”Xəzərin statusuna dair razılaşma Türkiyə üçün də böyük əhəmiyyət daşıyır”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info