ASK ilə Peşə Təhsili üzrə Dövlət Agentliyi əməkdaşlıq edəcək
Tarix: 19.07.2018 | Saat: 00:53:00 | E-mail | Çapa göndər


İşəgötürənlərin sifarişləri əsasında ilk peşə-ixtisas təhsili müəssisələrində və iş yerlərində əlavə təhsil kursları da təşkil edilə bilər

Təhsil Nazirliyi yanında Peşə Təhsili üzrə Dövlət Agentliyində Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının heyəti ilə görüş keçirilib. Görüşün əsas məqsədi 2016-cı ildə qəbul olunmuş strateji yol xəritələrində peşə təhsilinin rolu və bu sahənin inkişafında işəgötürənlərlə birgə əməkdaşlıq, şagirdlərdə sahibkarlıq təfəkkürünün inkişafı, məktəb yaşlarından şagirdlərdə “gələcəyin sahibkarı” ideyasının formalaşması, gələcək layihələrdə birgə əməkdaşlıq və s. məsələlərlə bağlı olub.
Görüş zamanı bildirilib ki, ilk peşə-ixtisas təhsili müəssisələrində peşə hazırlığının səmərəliliyini artırmaq məqsədilə işəgötürənlərlə birgə dövlət-biznes əməkdaşlığı çərçivəsində proqramlar hazırlanmalı və həyata keçirilməlidir. İstehsalat bazalarının müasirləşdirilməsi və inkişafı üçün sahibkarlar da bu işə yaxından cəlb edilməlidirlər. Təhsil Nazirliyi yanında Peşə Təhsili üzrə Dövlət Agentliyi ilə Azərbaycan Sahibkarlar Konfederasiyası bu istiqamətdə birgə əməkdaşlıq edə bilər. Belə ki, işəgötürənlərin sifarişləri əsasında ilk peşə-ixtisas təhsili müəssisələrində və iş yerlərində əlavə təhsil kursları da təşkil edilə bilər. Gələcəkdə əmək bazarının tələblərinə müvafiq olaraq, ilk peşə-ixtisas təhsili üzrə ixtisaslar formalaşan zaman işəgötürənlərin təklifləri dəyərləndirilərsə, məzunların iş tapmaq problemləri aradan qalxar.
Peşə Təhsili üzrə Dövlət Agentliyinin rəsmiləri bildiriblər ki, təhsil alanların bilik və bacarıqlarının inkişafı istiqamətində əməkdaşlığa hazırdırlar. Daha sonra peşə təhsilində mövcud problemlər və bu istiqamətdə aparılan islahatlar haqqında geniş məlumat verilib, peşə təhsilinin inkişafı üçün zəruri addımlar müzakirə olunub. Görüş zamanı işəgötürənlərin buraxılış imtahanlarına cəlbi, kadrların bazarın tələblərinə uyğun hazırlanması zamanı lazımi addımlar müzakirə edilib. Bildirilib ki, birgə əməkdaşlıq dövlət-biznes tərəfdaşlığına təkan verəcək.
ASK-nın vitse-prezidenti Vüqar Zeynalov əmək bazarının tələblərinə cavab verən ixtisaslı kadrların hazırlanmasında və işlək peşə təhsili modelinin qurulmasında işəgötürənlərlə birgə əməkdaşlığın gələcəkdə bu sahənin inkişafında əhəmiyyətli rol oynayacağına əmin olduğunu bildirib. Daha sonra Vüqar Zeynalov Azərbaycan Sahibkarlar Konfederasiyası tərəfindən həyata keçirilən “Cənubi Qafqazda məşğulluq səviyyəsinin yüksəldilməsi və sahibkarların peşə təhsilinə verə biləcəyi dəstək” adlı layihə haqqında ətraflı məlumat verib. Bildirib ki, gənclər arasında məşğuliyyətin artırılması istiqamətində, Almaniya İqtisadi Əməkdaşlıq və İnkişaf Nazirliyi (BMZ) tərəfindən Almaniya İqtisadi İnkişaf Fondu və BildungswerkderWirtschaftgGmbH vasitəsilə maliyyələşdirilən layihə 3 ildir ki, Azərbaycan Sahibkarlar Təşkilatları Milli Konfederasiyası tərəfindən icra olunur. Layihənin əsas və ən ali məqsədi, yuxarıda qeyd olunduğu kimi, Azərbaycan Respublikasında gənclər arasında məşğuliyyət perspektivlərinin artırılması və işəgötürən birliklər və özəl sektor şirkətlərinin peşə təlimində mütəmadi iştirakından ibarətdir. Qeyd olunub ki, hədəflərinə çatmaq üçün layihədə dörd istiqamət həyata keçirilib. Bunlar əmək bazarında ehtiyac duyulan sahələrin araşdırılması və təhlili, “İş yerləri təlim ocağı kimi”, sahibkarlıq təfəkkürünün artırılması, “Məktəblər təlim ocağı kimi” konseptinin praktik qavranılmasının təşviq metodları əsasında hazırlanması və sınaqdan keçirilməsi, işəgötürənlər birlikləri və sənaye qurumları arasındakı peşə təlim sahəsi üzrə əməkdaşlıqdır. Görüşün sonunda peşə təhsili sahəsində tərəfdaşlıq mexanizmi, dərsliklərin hazırlanması və mütəxəssislərin təhsil sisteminə cəlbi istiqamətində birgə əməkdaşlığa dair razılığa gəlinib.
Cavidan




 
Bölməyə aid digər xəbərlər
24.04.2019
Həssas kateqoriyalardan olan daha bir qrup şəxs üçün özünüməşğulluq proqramı üzrə təlimə başlanıb
23.04.2019
Azərbaycanda Çernobıl əlilləri dövlətin qayğısı ilə əhatə olunublar
23.04.2019
Real TV-yə ümumrespublika televiziya yayımı üçün müddətsiz lisenziya verilib
23.04.2019
Frankofoniya həftələrinin yekun konserti “Bakcell”in dəstəyilə keçirilib
23.04.2019
Formula 1 yarışları ilə əlaqədar fasiləsiz elektrik enerjisi təchizatı tam təmin olunacaq

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10758

1 Tarixin ibrət dərsləri...
2 Ramiz Mehdiyevin sərəncamı ilə tədbirlər planı təsdiqləndi
3 Ermənistanda daha 400-ə yaxın məmur işdən qovulacaq
4 “Azərbaycan dilinin Orfoqrafiya Normaları” təsdiq edilib
5 Gülnar Səmanın kitabının təqdimatı keçiriləcək


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info