PRM-nin məzunu Türkiyədə peşə reabilitasiyası dərnəyində öz peşəsini öyrədir
Tarix: 19.07.2018 | Saat: 16:14:00 | E-mail | Çapa göndər


Mərkəzin daha bir məzunu isə bu ilin oktyabrından Antalyadakı peşə dərnəyində ağac üzərində oyma sənətini öyrədəcək

Azərbaycan Respublikası Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun 1 saylı Sağlamlıq İmkanları Məhdud Gənclərin Peşə Reabilitasiya Mərkəzinin məzunlarından biri Çinarə Rəhimova Türkiyənin Ankara şəhərində peşə reabilitasiyası dərnəyində müxtəlif ölkələrdən gəlmiş sağlamlıq imkanları məhdud gənclərə toxuculuq peşəsini öyrədir.
Naftalan şəhərindən gələrək Peşə Reabilitasiya Mərkəzində üç aylıq kurs müddətində toxuculuq peşəsinə yiyələnən Ç.Rəhimova Mərkəzdəki digər bir sıra gənclərlə bərabər “Azərbaycandan və Türkiyədən olan sağlamlıq imkanları məhdud gənclərin mübadilə Proqramı” çərçivəsində 15 gün müddətinə qardaş ölkədəki peşə reabilitasiyası dərnəyində təcrübə kursunda olub. Toxuculuq sahəsində bacarığı ilə diqqəti cəlb etdiyindən ona Avropa İttifaqının Avropa Könüllülük Proqramının “Əngəlsiz Gülümsə” layihəsi üzrə Ankara şəhərində təşkil olunan dərnəkdə könüllü əsasla öz peşəsini öyrətməsi təklif olunub.
Təklifi qəbul edən Ç.Rəhimova hazırda həmin dərnəkdə ayrı-ayrı ölkələrdən gəlmiş sağlamlıq imkanları məhdud gənclərə toxuculuq peşəsini öyrədir. Layihənin dəstəyi ilə o, bir il ərzində Türkiyədə bu istiqamətdə fəaliyyətini davam etdirəcək.
Peşə Reabilitasiya Mərkəzinin digər məzunu – mərkəzdə ağac üzərində oyma sənətini öyrənmiş Elvin Ələkbərov (Lənkəran) da “Azərbaycandan və Türkiyədən olan sağlamlıq imkanları məhdud gənclərin mübadilə Proqramı” çərçivəsində Türkiyədə peşə hazırlığı dərnəyində olarkən əl işləri böyük maraq doğurub. Bunun nəticəsində Antalya şəhərində “Əngəlsiz Gülümsə” layihəsi üzrə sağlamlıq imkanları məhdud gənclər üçün daha bir peşə dərnəyinin - ilk dəfə olaraq ağac üzərində oyma sənəti üzrə dərnəyin açılmasına qərar verilib və E.Ələkbərov cari ilin oktyabr ayından həmin dərnəkdə öz peşəsini öyrətməyə dəvət edilib.
Tural




 
Bölməyə aid digər xəbərlər
20.08.2018
Fiziki məhdudiyyəti olanların yaradıcılıq sərgi-müsabiqəsi keçiriləcək
20.08.2018
Milli Qəhrəman Çingiz Qurbanova həsr olunmuş tədbir keçirilib
20.08.2018
UNEC nüfuzlu CFA İnstitutunun akkreditasiyasını qazanıb
18.08.2018
Dövlət qulluğuna qəbul üçün növbəti imtahan keçirilir
18.08.2018
Azərbaycan Sərhəd Mühafizəsinin yaranmasından 99 il ötür

Şərh əlavə olunmayıb



    ,    
Namiq Əliyev
Tural Tağıyev
Ülviyyə Həsənzadə
İsa Həbibbəyli
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 9910

1 “İrəvanın Moskvaya olan borclarını Koçaryanla Sarkisyan qaytarmalıdır”
2 Azərbaycan Xarkov və Odessada ticarət evləri açacaq
3 Prezident İlham Əliyev Rəcəb Tayyib Ərdoğanı təbrik edib
4 Kürşad Zorlu: ”Xəzərin statusuna dair razılaşma Türkiyə üçün də böyük əhəmiyyət daşıyır”
5 Orxan Camal Kazanda anılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info