Azərbaycanın Avropa İttifaqı və NATO ilə əlaqələri strateji xarakter daşıyır
Tarix: 21.07.2018 | Saat: 20:31:00 | E-mail | Çapa göndər



İsrailin nüfuzlu ingilisdilli “The Jerusalem Post” qəzetində beynəlxalq münasibətlər sahəsində tanınmış ekspert Arye Qutun “Azərbaycanın Avropa İttifaqı və NATO ilə münasibətləri mühüm əhəmiyyət kəsb edir və strateji xarakter daşıyır” sərlövhəli məqaləsi dərc olunub.

AZƏRTAC xəbər verir ki, müəllif Azərbaycanın Avropanın enerji təhlükəsizliyinə mühüm töhfələr verdiyini vurğulayır. Bildirir ki, Azərbaycan Avropanın enerji təchizatında mühüm rol oynayan marşrutların şaxələndirilməsi ilə yanaşı, enerji mənbələrinin şaxələndirilməsinə də töhfə verir. Avropa İttifaqı və NATO ilə əməkdaşlığın inkişaf etdirilməsi Azərbaycanın xarici siyasətinin prioritetlərindən biridir. Şübhəsiz ki, Avropa İttifaqı (Aİ) və NATO ilə əməkdaşlıq Azərbaycana bir çox məqsədlərə nail olmaqda kömək edə bilər. Buna görə də ölkə həm Avropa İttifaqı, həm də NATO ilə münasibətləri inkişaf etdirmək niyyətindədir. Azərbaycanla Aİ arasındakı əməkdaşlığın səmərəlilik, bərabərhüquqlu tərəfdaşlıq, qarşılıqlı anlaşma və hörmət əsasında qurulması çox vacibdir.
Arye Qut Prezident İlham Əliyevin və Avropa İttifaqı Şurasının prezidenti Donald Tuskun iştirakı ilə Brüsseldə “Tərəfdaşlıq prioritetləri” sənədinin paraflanmasını vurğulayaraq, bu sənədin əməkdaşlığın gücləndirilməsi baxımından mühüm əhəmiyyət kəsb etdiyini vurğulayır.
Müəllif Azərbaycanın enerji sektoru ilə yanaşı, digər sahələrdə də Avropa İttifaqı ilə strateji tərəfdaşlıq qurmağı planlaşdırdığını qeyd edir.
Məqalədə, həmçinin Azərbaycanın “Sülh naminə Tərəfdaşlıq” proqramının prinsiplərinə əsaslanaraq ortaq maraq doğuran mühüm məsələlər üzrə NATO ilə siyasi dialoq apardığı vurğulanır.
O, Azərbaycanla NATO arasında güclü tərəfdaşlıq əlaqələrinin regional təhlükəsizlik və sabitlik məsələlərində mühüm rol oynadığını vurğulayaraq, 2002-ci ildən başlayaraq Azərbaycan sülhməramlılarının NATO hərbçiləri ilə Əfqanıstanda çiyin-çiyinə xidmət etdiyini diqqətə çatdırır. Qeyd edir ki, 2018-ci ilin yanvar ayından Azərbaycan Qətiyyətli Dəstək missiyasındakı hərbçilərinin sayını 30 faiz artıraraq 120 nəfərə çatdırıb. Azərbaycan Qətiyyətli Dəstək missiyasına nəqliyyat və logistik dəstək də göstərir və ötən ilin oktyabr ayında Bakı-Tbilisi-Qars dəmir yolunun istifadəyə verilməsi bu missiyaya tranzit dəstəyi göstərilməsinə böyük dərəcədə kömək edib.

Məqalənin sonunda İsrailli ekspert Azərbaycan Prezidenti İlham Əliyevin NATO-nun Əfqanıstanda həyata keçirdiyi əməliyyata töhfə verən tərəfdaş ölkələrin dövlət və hökumət başçılarının və potensial əməliyyat tərəfdaşlarının iştirakı ilə Qətiyyətli Dəstək missiyası üzrə Şimali Atlantika Şurasının görüşündəki nitqindən sitat gətirərək yazır: “Ermənistanın təcavüzündən əziyyət çəkən və bu təcavüz nəticəsində beynəlxalq səviyyədə tanınmış ərazisinin 20 faizi işğal olunmuş, bir milyon soydaşına qarşı məlum acınacaqlı etnik təmizləmə törədilmiş Azərbaycan işğalın və dağıntının iqtisadi və humanitar nəticələrini yaxşı anlayır. Azərbaycan NATO və bu təşkilatın üzv dövlətləri tərəfindən ölkəmizin siyasi müstəqilliyinə, suverenliyinə, ərazi bütövlüyünə və Ermənistanla münaqişənin bu prinsiplərə əsaslanan həllinə verdiyi davamlı dəstəyi yüksək qiymətləndirir. Azərbaycan Əfqanıstanın üzləşdiyi təhlükəsizlik təhdidlərinin aradan qaldırması, ölkədə sülh və inkişafın əldə edilməsi işinə köməyini bundan sonra da davam etdirəcək”.




 
Bölməyə aid digər xəbərlər
19.01.2019
SOCAR-ın Gürcüstan nümayəndəliyində 20 Yanvar şəhidlərinin xatirəsi anılıb
18.01.2019
20 Yanvar hadisələri milli azadlıq hərəkatının başlanğıcıdır
18.01.2019
Qanlı Yanvar faciəsinin ildönümü ilə əlaqədar Səudiyyə Ərəbistanında anım tədbiri təşkil olunub
18.01.2019
Azərbaycan xalqının iradəsi onun milli azadlıq uğrunda mübarizəsini boğmağa imkan vermədi
18.01.2019
ABŞ Azərbaycanlıları Şəbəkəsi 20 Yanvar faciəsinin 29-cu ildönümü ilə bağlı kampaniya keçirir

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Dərslər təxirə salındı
4 Hüseyn Babayev AAF-ın vitse-prezidenti təyin edilib
5 Nikola Sarkozi: “Bakıda böyük quruculuq işlərinin şahidi oldum”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info