“Bakı-Tbilisi-Qars, TAP və TANAP kimi iri layihələr ölkəmizin beynəlxalq arenada nüfuzunu xeyli artırıb”
Tarix: 24.07.2018 | Saat: 17:32:00 | E-mail | Çapa göndər


“Azərbaycan Prezidenti İlham Əliyevin Fransaya səfəri və keçirilən çoxsaylı görüşlər iki ölkə arasında əməkdaşlığın yeni mərhələyə qədəm qoyduğunu göstərir”. Bunu Milli Məclisin İqtisadi siyasət, sənaye və sahibkarlıq komitəsinin üzvü Aydın Hüseynov deyib. A.Hüseynov bildirib ki, xüsusən səfər çərçivəsində Fransanın qeyri-neft sektorunda çalışan iri şirkət rəhbərlərinin Prezident İlham Əliyevlə görüşdə fəallıq göstərmələri Azərbaycanın qeyri-neft sekoruna böyük marağın olmasının göstəricisidir: “Eyni zamanda bu onu göstərir ki, Azərbaycan beynəlxalq aləmdə etibarlı tərəfdaş və investisiya qoyuluşu üçün sabit və güvənli ölkə kimi qəbul olunur. Səfər çərçivəsində həmin şirkətlərlə imzalanmış dəyəri iki milyard dollardan artıq olan razılaşmalar, əlbəttə ki, Azərbaycana investisiyaların cəlb edilməsi, qeyri-neft sektorunun inkişafı baxımından mühüm əhəmiyyət kəsb edir. Bu sazişlər Azərbaycanda yeni iş yerlərinin açılmasına, ümumdaxili məhsulun artmasına, əhalinin rifahının yaxşılaşmasına xidmət edəcək”.
Deputat vurğulayıb ki, Fransa şirkətlərinin Azərbaycana bu qədər maraq göstərməsi Prezident İlham Əliyevin apardığı düşünülmüş siyasətin nəticəsidir: “Birincisi, bu gün Azərbaycanda siyasi sabitlik hökm sürür, əlverişli biznes mühiti yaradılıb. Eyni zamanda, Azərbaycanın dünya üçün mühüm əhəmiyyət kəsb edən Bakı-Tbilisi-Qars dəmir yolu xətti, TAP və TANAP qaz boru kəmərləri kimi iri layihələr həyata keçirməsi ölkəmizin beynəlxalq arenada nüfuzunu xeyli artırıb. Bunun nəticəsi olaraq qeyri-neft sektorunda çalışan şirkətlər də Azərbaycana investisiya qoymağa maraq göstərirlər”.
Onun fikrincə, iqtisadi sahədə əməkdaşlığın genişlənməsi, əlbəttə ki, Azərbaycanla Fransa arasında mədəni, sosial və digər sahələrdə də münasibətlərin dərinləşməsinə öz töhfəsini verəcək.
Qeyd edək ki, Prezident İlham Əliyevin 19-20 iyul tarixlərində Parisə səfəri çərçivəsində Fransanın 11 şirkətinin nümayəndələri ilə səmərəli görüşlər aparılıb, Azərbaycanla Fransa şirkətləri arasında 2 milyard dollardan çox dəyərində müqavilələr imzalanıb.

Nigar




 
Bölməyə aid digər xəbərlər
21.08.2019
Ermənilər Ağdamın Güllücə kəndində yanğın törədib
20.08.2019
Gürcüstanda cinayətkarlıq halları artıb
20.08.2019
Prezidentin Fərmanı ilə ölkədə 2020-ci ildən yeni aqrar sığorta mexanizminin tətbiqinə başlanılır
20.08.2019
Altı ayın uğurları: Azərbaycan liderliyini saxlayır
20.08.2019
Azərbaycandan Həcc ziyarətinə gedən zəvvarların ilk qrupu sabah Vətənə dönür

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10867

1 750 mindən çox vətəndaşın pensiyasında artım olacaq
2 Sabahdan Türkiyə ilə Naxçıvan arasında birbaşa hava dəhlizi açılır
3 Azərbaycana qarşı casusluq edən 128 nəfər aşkar edilib
4 “Məqsədimiz elm xadimləri və tələbələri bir araya toplayaraq “düşünən beyin” komandası qurmaqdır”
5 “Dövlət dəstəyi olmadan Belarusda Azərbaycan turizminin təbliği ilə bağlı istənilən nəticə əldə olunmaz”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info