SOCAR Türkiyənin enerji bazarında fəaliyyət göstərən Almaniyanın “EWE” şirkətinin səhmlərini almağa əsas namizəddir
Tarix: 09.08.2018 | Saat: 23:23:00 | E-mail | Çapa göndər



Azərbaycan Respublikası Dövlət Neft Şirkəti (SOCAR) Türkiyənin enerji bazarını tərk etməyə hazırlaşan Almaniyanın nəhəng “EWE” şirkətinin səhmlərini almaq istəyən əsas namizədlərdən biridir.
AZƏRTAC xəbər verir ki, bu barədə Türkiyənin “haber7.com” saytında dərc olunan məqalədə bildirilib.
Məqalədə qeyd olunub ki, Almaniyanın ən böyük şirkətlərindən olan “EWE AG” 2007-ci ildə daxil olduğu Türkiyənin enerji bazarından çıxmağa hazırlaşır. “EWE AG”in qardaş ölkədə “Bursaqaz”, “Kayseriqaz”, “EWE Enerji”, “Enervis” və “Millenicom” olmaqla beş böyük şirkətə sahib olan törəmə şirkəti “EWE Turkey”nin səhmləri 200-250 milyon dollar məbləğində qiymətləndirilir.
Yazıda vurğulanıb ki, “EWE Turkey”nin səhmlərinin alınması ilə bağlı sərmayədarla aparılan danışıqlar demək olar ki başa çatdırılıb. Səhmləri almaq istəyən əsas namizəd şirkətlərdən biri SOCAR-dır. Bu məsələdə SOCAR-ın əsas rəqibi son dövrlərdə enerji sahəsinə sərmayələr yatıran “Kolin” şirkətidir.
Qeyd edilib ki, TANAP layihəsinin əsas səhmdarı olan SOCAR Türkiyənin enerji sektoruna milyardlarla dollar investisiya yatırıb. SOCAR-ın İzmirdə inşa etdiyi “STAR” neft emalı zavodu sentyabrda istifadəyə veriləcək.
Məqalədə diqqətə çatdırılıb ki, SOCAR-ın almağa çalışdığı “EWE Enerji” şirkəti ildə 2-2,5 milyard kubmetrlik təbii qaz tədarük etməklə Türkiyənin ən böyük topdansatış portfoliosuna sahibdir. SOCAR-ın enerji bazarının tələblərinə görə qiyməti nisbətən uyğun olan bu qazın əksər hissəsini “STAR” neft emalı zavodunda istifadə etməyi nəzərdə tutduğu vurğulanıb.




 
Bölməyə aid digər xəbərlər
20.03.2019
Prezidentin Mətbuat Xidmətinin məlumatı
20.03.2019
Bu gün Azərbaycan islahatların yeni mərhələsinə qədəm qoyub
20.03.2019
Mehriban Əliyeva Azərbaycan xalqını Novruz bayramı münasibətilə təbrik edib
19.03.2019
Novruz bayramına həsr olunmuş poçt markaları dövriyyəyə buraxılıb
19.03.2019
Bob Woodwardın “Fear: Trump in the White House“ kitabında yayılan məlumat yalan və saxtadır

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10699

1 Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
2 Akademik Ramiz Mehdiyev tariximizin xanlıqlar dövrünə sənədlər işığında nəzər salır
3 “Kaspersky Password Manager” proqramının yeni versiyası şifrənin təhlükəsizliyini yoxlayır
4 Lənkəranın ucqar kənd məktəbində Novruz şənliyi keçirilib
5 Yuliya Naçalova vəfat edib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info