Azərbaycanda qızıl hasilatı artıb
Tarix: 14.08.2018 | Saat: 21:17:00 | E-mail | Çapa göndər


Çovdar Filiz Emalı sahəsində istehsal nəticəsində 2017-ci ilin aprelindən indiyədək "AzerGold" QSC tərəfindən 81 min 100 unsiya qızılın, 120 min 500 unsiya gümüşün satışı nəticəsində 180 milyon manatdan çox gəlir əldə edilib.
AZƏRTAC xəbər verir ki, hazırda Daşkəsəndə Çovdar filiz emalı sahəsində aktiv hasilat işləri aparılır. Bu mədən "AzərGold" QSC-nin təhvil aldığı 6 saziş sahəsindən biridir. Burada fəaliyyət göstərən zavodda qızıl-gümüş tərkibli xəlitələrin tökülməsi üçün ən son texnologiyalar tətbiq olunur. Müxtəlif mərhələlərdən ibarət əməliyyat prosesləri, dünya standartlarına tam uyğun aparılır.
Çovdar yatağının yeraltı sulfid fazasında isə istehsalata hazırlıq işləri görülür. İlkin nəticələrə görə, ən azı 6 il ərzində buradan 400 milyon manatdan çox gəlir əldə etmək mümkün olacaq. Çovdar filiz emalı sahəsinin aktiv hasilat olan hissəsi isə iqtisadi səmərəsi ilə yanaşı, yaxın ərazilərdə yerləşən yaşayış məntəqələrinin infrastrukturuna müsbət təsir göstərib. Yeni yollar çəkilib, xidmət sahələri yaradılıb, sakinlərin məşğulluğu təmin olunub.
Çovdar filiz emalı sahəsindən əldə olunan gəlirlərin hesabına ASC yeni yataqların inkişafı üçün kapital qoyuluşu həyata keçirir. Bu da dövlət büdcəsindən əlavə vəsait almadan fəaliyyətə imkan verir. Hazırda bir neçə yataqda tədqiqat işləri aparılır. Bunlardan biri, Balakəndə yerləşən Filizçay yatağı nəinki regionda, hətta Avropada strateji əhəmiyyətə malikdir. Bu polimetal yataq gümüş, sink, qızıl, mis, qurğuşun kimi metallarla zəngindir. Filizçay mədəni təkcə sink ehtiyatlarına görə Avropada ilk onluğa daxildir. İlkin hesablamalara görə, istismar müddəti 12 il olan yataq ölkə iqtisadiyyatına 3 milyard manatdan çox gəlir qazandıracaq. Bu istehsal sahəsinin işə düşməsi ilə 2000-dən çox iş yerinin açılmasına imkan yaranacaq.
Naxçıvan Muxtar Respublikası və Göygöl rayonundakı perspektivli qızıl yataqlarında da tədqiqat işləri aparılır. Ölkənin əlvan metal hasilatına dair yol xəritəsi sənədinin hazırlanmasına da başlanılıb. Sənəd sovet hakimiyyəti dövründən arxivlərdə mövcud məlumatların müasir standartlara uyğunlaşdırılmasını, o cümlədən rəqəmsal formata salınmasını, mineral ehtiyatların beynəlxalq normalar əsasında yenidən hesablanmasını, mədənlər üçün istismar mərhələləri üzrə fəaliyyət planının hazırlanmasını əhatə edəcək. Rəqəmsallaşdırma, yataqların iqtisadi və ekoloji cəhətdən daha dayanıqlı və səmərəli idarəçiliyinə töhfə verəcək. Həyata keçirilən və perspektivdə olan bütün layihələr ölkədə qeyri-neft sektorunun dinamik inkişafının təminatına hesablanıb.




 
Bölməyə aid digər xəbərlər
24.09.2018
Göyçayda xurma bağlarından yığılan məhsul Rusiya bazarlarına göndərilir
24.09.2018
Bakıda ilk Beynəlxalq Elektron Ticarət Forumu keçirilir
24.09.2018
“AzerTelecom” “Türkmentel 2018” sərgisində iştirak edəcək
24.09.2018
“Ölkəniz möhtəşəm inkişaf edir”- YENİLƏNİB
24.09.2018
“Bloomberg”: “Azərbaycan sürətlə populyarlaşan turizm istiqamətləri arasındadır”

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10137

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 Yalnızlıq qorxusu
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info