Yeni hərracda özəlləşdirməyə 172 dövlət əmlakı çıxarılıb
Tarix: 20.08.2018 | Saat: 20:20:00 | E-mail | Çapa göndər


Əmlak Məsələləri Dövlət Komitəsi (ƏMDK) tərəfindən sentyabrın 18-də növbəti hərrac keçiriləcək. Komitədən bildirilib ki, budəfəki hərraca ümumilikdə 172 dövlət əmlakı çıxarılıb. Onlardan 23-ü səhmdar cəmiyyət, 88-i kiçik dövlət müəssisə və obyekti, 52-si qeyri-yaşayış sahəsi, 9-u isə nəqliyyat vasitəsidir.
Müasir texnologiyanın tətbiqi ilə keçirilən hərraclarda özəlləşdirilən dövlət əmlaklarının fəaliyyəti ölkədə sahibkarlığın inkişafına müsbət təsir göstərir. Hərraca çıxarılan müəssisə və obyektlərin müxtəlifliyi investorlara biznes planlarına uyğun obyekti seçmək imkanı yaradır. Elektron mühitə keçən prosedurlar isə hərracı daha da sadələşdirib. Belə ki, hər bir vətəndaş seçdiyi əmlaka elektron sifariş vermək, hərracın keçirildiyi məkana getmədən onlayn formada prosesdə iştirak etmək kimi üstünlüklərdən istifadə edə bilir.
Yevlax, Şəmkir, İsmayıllı, Biləsuvarda yerləşən səhmdar cəmiyyətlər müxtəlif iqtisadi sahələr üzrə fəaliyyət göstərir. Biləsuvar Broyler, Cəlilabad Məişət, İsmayıllı Təmir-Tikinti kimi səhmdar cəmiyyətlərin 30 faiz ilə 45 faiz intervalında olan səhm paketləri hərraca çıxarılıb.
Hərrac vasitəsilə özəlləşdirilməsi nəzərdə tutulan kiçik dövlət müəssisələri ərazi, qiymət və ümumi faydalı sahə baxımından müxtəlifdir. Bu dövlət əmlaklarının ümumi faydalı sahəsi 4 kvadratmetr ilə 2634 kvadratmetr aralığındadır. Xaçmaz rayonu, Xudat şəhəri, Heydər Əliyev küçəsində yerləşən Əmlak kompleksi investora müxtəlif biznes sahələrində gəlir gətirə bilər. Torpaq sahəsi ilə birgə özəlləşdirməyə çıxarılan bu obyektin ümumi faydalı sahəsi 237 kvadratmetrdir. Ölkənin müxtəlif rayon və şəhərlərində yerləşən qeyri-yaşayış sahələrinin ümumi faydalı sahəsi 12 kvadratmetr ilə 376 kvadratmetr aralığındadır. İnvestor Bakı şəhəri, Nizami rayonu, B.Çobanzadə küçəsindəki qeyri-yaşayış sahəsini gəlirli xidmət obyekti kimi istifadə edə bilər. Həmin obyektin ümumi faydalı sahəsi 36 kvadratmetrdir. Bu dəfə hərraca buraxılış tarixləri 2005-2007 olan “KIA” və “Daewoo” markalı nəqliyyat vasitələri ilə yanaşı, gəmi də çıxarılıb. “Kapitan Rəcəbov” adına buzqıran gəminin buraxılış tarixi 1976-cı ildir. Hərraca çıxarılan dövlət əmlakları haqqında ətraflı məlumat əldə etmək və elektron formada sifariş vermək üçün komitənin rəsmi saytında (emdk.gov.az) və Özəlləşdirmə portalında (privatization.az) müvafiq bölməyə daxil olmaq kifayətdir. Əmlak Məsələləri Dövlət Komitəsi hər kəsi canlı və onlayn formada hərracda iştirak etməyə və ya prosesi ziyarətçi kimi izləməyə dəvət edir.


Fuad




 
Bölməyə aid digər xəbərlər
19.04.2019
Azərbaycan nefti bahalaşır
18.04.2019
Azərbaycandan Qətərə bir sıra məhsulların ixracına dair razılıq əldə olunub
18.04.2019
Buğdanın idxalı və satışı, un ilə çörəyin isə istehsalı və satışı 2020-ci ilədək vergidən azad olunub
18.04.2019
Cəbhə zonasında yerləşən raket bölmələrinin döyüş atışlı məşğələləri keçirilib
18.04.2019
Ankarada Bakı-Tbilisi-Qars dəmir yolu ilə sərnişindaşımaya dair müzakirələr aparılacaq

Şərh əlavə olunmayıb

    ,    
Fuad HÜSEYNZADƏ
Esmira Məmmədova
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10749

1 Erməni yoxsa türk qırğını?
2 Müharibə veteranlarına Prezident təqaüdü təsis edilib
3 Hemilton “Formula-1“ tarixinin 1000-ci yarışının qalibi olub
4 Milli mədəniyyətimizin fədakar tədqiqatçısı və təmsilçisi Babək Qurbanov haqqında
5 Rusiya Prezidenti Krasnoyarskdakı Azərbaycan diaspor rəhbərini təltif edib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info