Ali məktəblərə yüksək balla qəbul olan füzulili gənclər mükafatlandırılıb
Tarix: 10.09.2018 | Saat: 12:24:00 | E-mail | Çapa göndər


Bu il Füzuli rayonunun orta ümumtəhsil məktəblərini bitirən məzunlardan 502 nəfəri respublikanın müxtəlif ali məktəblərinə qəbul olub. Gənclərdən 94 nəfəri 500-dən yuxarı, o cümlədən 34 nəfəri 600-dən çox bal toplayıb. Bu faktlar Füzuli rayonunda ali məktəblərə qəbul olmuş gənclərlə keçirilən görüşdə səsləndirilib. Tədbir iştirakçıları əvvəlcə ümummilli lider Heydər Əliyevin Horadiz şəhərindəki abidəsini ziyarət edərək, önünə gül dəstələri qoyublar.
Təhsil şöbəsinin müdiri Ramella Məmmədova tədbirdə çıxış edərək, təhsilin inkişafına göstərilən dövlət qayğısından, bu sahədə həyata keçirilən layihələrdən, əldə olunan uğurlardan danışıb. Diqqətə çatdırıb ki, imtahanlarda 54 nömrəli tam orta məktəbin məzunu Əlixan Qarayev 690 bal, 1 nömrəli tam orta məktəbin məzunu Əsnay Hicranlı 680 bal, 47 nömrəli tam orta məktəbin məzunu Fəridə Səfixanlı 677 bal toplayaraq rayon üzrə ən yüksək nəticə göstəriblər. Rayonun ümumtəhsil məktəblərindən ən yüksək nəticəni isə 47, 48 və 1 nömrəli tam orta məktəblər göstərib. 47 nömrəli tam orta məktəbi bitirən 22 məzundan 21-i respublikanın müxtəlif ali məktəblərinə qəbul olub. 48 nömrəli tam orta məktəbi bitirən 20 nəfər, 1 nömrəli tam orta məktəbin isə 20 məzunu tələbə adını qazanıb.
Rayon icra hakimiyyətinin başçısı Alı Alıyev tələbə adını qazanan gəncləri təbrik edərək, onlara təhsildə və gələcək həyatda uğurlar diləyib, ölkəmizdə təhsil sahəsində əldə edilən uğurlardan, qazanılan nailiyyətlərdən danışıb. Bildirib ki, respublikamızın digər bölgələrində olduğu kimi, Füzuli rayonunda da təhsilin inkişafı istiqamətində mühüm işlər görülür. Təhsilə göstərilən xüsusi diqqət və qayğının nəticəsidir ki, rayon üzrə ali məktəblərə daxil olanların, o cümlədən 600-dən yüksək bal toplayanların sayı ildən-ilə artır. Çıxış edən gənclər və onların müəllimləri tədbirin təşkilinə görə minnətdarlıqlarını bildirib, öz sevinclərini bölüşüblər. Sonra ali məktəblərə qəbul olan gənclərə hədiyyələr təqdim edilib. Maraqlı konsert proqramı tədbir iştirakçılarında xoş ovqat yaradıb.




 
Bölməyə aid digər xəbərlər
15.09.2019
İsmayıllı rayonunun İvanovka kəndindəki Mədəniyyət Sarayı əsaslı təmirdən sonra istifadəyə verilib
14.09.2019
Masallıda peşə təmayüllü siniflər yaradılacaq
14.09.2019
Birinci vitse-prezident Mehriban Əliyeva İsmayıllı şəhərində uşaq bağçasının açılışında iştirak edib
14.09.2019
Şamaxıda zəlzələdən qəzalı vəziyyətə düşmüş evin yerində inşa edilən evdə yaradılan şəraitlə tanışlıq
14.09.2019
Şamaxının Muğanlı kəndində zəlzələdən qəzalı vəziyyətə düşmüş evin yerində yeni ev inşa olunub

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10886

1 Tələbələrə Prezident təqaüdünün verilməsi haqqında Sərəncam imzalandı
2 Prezident İlham Əliyev AŞPA-nın prezidentini qəbul edib
3 Müəllimlərin dərs yükü norması artırıldı
4 Daxili İşlər nazirindən yeni təyinat
5 Prezident təqaüdü alacaq tələbələrin yarısı regionların payına düşür


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info