SOCAR-ın nümayəndə heyəti ABŞ-da Cənub Qaz Dəhlizinin strateji əhəmiyyətini müzakirə edib
Tarix: 14.09.2018 | Saat: 16:01:00 | E-mail | Çapa göndər


Sentyabrın 11-dən 13-dək SOCAR-ın nümayəndə heyəti ABŞ-ın paytaxtı Vaşinqtonda işgüzar səfərdə olub. Səfər zamanı nümayəndə heyətinin rəhbəri, şirkətin sərmayələr və marketinq üzrə vitse-prezidentinin müavini Vitali Bəylərbəyov ABŞ-ın müvafiq dövlət rəsmiləri və aparıcı transmilli şirkətlərinin təmsilçiləri ilə ikitərəfli görüşlər keçirib, Atlantik Şurasında “Cənub Qaz Dəhlizi və Avropanın təbii qaz təchizatı” mövzusunda aparılan müzakirələrdə çıxış edib. SOCAR-dan bildirilib ki, Ağ Evin Milli Təhlükəsizlik Şurasında beynəlxalq iqtisadiyyat (enerji və iqlim) üzrə baş direktor Uels Qriffit, ABŞ enerji katibinin köməkçisi D.Vaynberq, ABŞ Dövlət Departamentində dövlət katibinin köməkçisinin və enerji resursları bürosunun rəhbərinin müavini xanım Sandra Oudkirk, Texas ştatından Respublikaçı konqresmen C.Barton ilə görüşlərdə iki ölkə arasında enerji əməkdaşlığının strateji səviyyəsi, SOCAR tərəfindən həyata keçirilən regional və qlobal əhəmiyyətli enerji layihələrinin, o cümlədən Cənub Qaz Dəhlizinin Azərbaycanın və Avropanın enerji təhlükəsizliyinin təmin olunmasında rolu, enerji mənbələrinin və marşrutlarının şaxələndirilməsinə verdiyi töhfədən söhbət açılıb. Cənub Qaz Dəhlizi və onun ayrı-ayrı komponentlərinin icrasına ABŞ tərəfindən göstərilən davamlı siyasi dəstəyin Prezident Donald Tramp tərəfindən Azərbaycan Prezidenti İlham Əliyevə Cənub Qaz Dəhlizinin açılışı və “Xəzər neft-qaz 2018” konfrans və sərgisi münasibətilə göndərilən məktublarda da öz əksini tapdığı qeyd olunub. Sentyabrın 12-də Azərbaycanın ABŞ-dakı səfirliyində “Cənub Qaz Dəhlizi” layihəsinin iştirakçı ölkələrin və ABŞ dövlət qurumlarının nümayəndələrinin iştirakı ilə Cənub Qaz Dəhlizinə həsr olunan “dəyirmi masa” keçirilib. Tədbirdə Cənub Qaz Dəhlizi və onun tərkib hissəsi olan TAP layihəsinin Avropanın, Balkanların enerji təchizatına, eləcə də qitənin dekarbonizasiyasına töhfə verəcəyi xüsusi vurğulanıb. V.Bəylərbəyov qeyd edib ki, TAP, həmçinin gələcəkdə dəhlizin ötürücülük gücünün iki dəfəyədək artırılması hesabına Mərkəzi və Qərbi Avropaya qədər genişləndirilmiş və şaxələndirilmiş enerji təhlükəsizliyi sisteminin formalaşmasında əhəmiyyətli rola malik olacaq.




 
Bölməyə aid digər xəbərlər
21.09.2018
Türkiyə Böyük Millət Məclisinin sədri Azərbaycanda səfərdədir
20.09.2018
Müxalifət yenə ianə yalvarışlarına başladı
20.09.2018
XİN: “Bütün məsuliyyəti Ermənistan rəhbərliyinin üzərinə düşür”
20.09.2018
Birinci vitse-prezident NATO nümayəndə heyəti ilə görüşüb- YENİLƏNİB
20.09.2018
NATO baş katibinin müavini: “Azərbaycan terrorizmə qarşı mübarizədə qətiyyətli mövqe sərgiləyir”

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info