Türkiyəli alim Tarix İnstitutunda dissertasiya müdafiə edib
Tarix: 18.09.2018 | Saat: 16:07:00 | E-mail | Çapa göndər


Azərbaycan Milli Elmlər Akademiyasının (AMEA) Tarix İnstitutunda “Türk orta məktəblərində tarixin öyrənilməsi məsələləri (Azərbaycan və Türkiyə nümunəsi üzrə)” mövzusunda dissertasiya müdafiəsi keçirilib.
Tarix İnstitutundan verilən məlumata görə, dissertasiya işinin müəllifi Türkiyə Respublikasının Atatürk Araşdırma Mərkəzinin (ATAM) sədr müavini Nihat Büyükbaşdır. N.Büyükbaşın elmi rəhbəri isə Tarix İnstitutunun direktoru, akademik Yaqub Mahmudovdur.
N.Büyükbaş dissertasiyasında türk dünyasında tarixin yazılması, Azərbaycan və Türkiyədə tarix fənninin öyrədilməsi ilə bağlı tədqiqat aparıb. Dissertasiya işində Azərbaycanın orta məktəb dərsliklərində Türkiyə və digər türkdilli respublikalardan fərqli olaraq türk dövlətlərinin tarixinin kompleks şəkildə, qərəzsiz və obyektiv əks olunduğu göstərilib.
Tədqiqat işinin əsas məqsədi türkdilli ölkələrdə ümumtəhsil məktəblərində tarix dərslərinin tədrisi, bunun gənclərdə milli şüurun formalaşdırılmasına təsiri, eyni zamanda Azərbaycan və Türkiyədə ortaq türk tarixinin öyrənilməsi, yazılması, tədrisi və şagirdlərə çatdırılması yollarını araşdırmaqdan ibarətdir.
İclasda təklif olunub ki, tarix fənninin tədrisi üzrə Azərbaycanın qabaqcıl təcrübəsi qardaş Türkiyədə və digər türkdilli respublikalarda da tətbiq olunmalıdır.
Dissertasiyada türklərin öz tarixlərini yazmaqda gecikmələri qeyd olunmuş və Osmanlı dövründə tarixşünaslığa fransız tarixçilərinin təsiri sübut edilmişdir.
Yaqub Mahmudov bildirib ki, ortaq türk tarixinin yazılması olduqca aktual və əhəmiyyətlidir. O deyib: “Bu dissertasiya işi “Ortaq türk tarixi” layihəsi çərçivəsində tarix elminə dəyərli töhfədir”. Qeyd edək ki, Tarix İnstitutu ilə ATAM arasında imzalanan birgə əməkdaşlıq protokoluna (2013) əsasən “Ortaq türk tarixi” yazılır.
Nihat Büyükbaşdan başqa, Tarix İnstitutunun Dissertasiya Şurasında “Azərbaycan mədəniyyəti tarixində Tiflis şəhəri (XIX-XX əsrin əvvəlləri)” adlı dissertasiyanın müdafiəsi də olub. Dissertasiya işinin müəllifi Rəhim Məcnunov, elmi rəhbər tarix üzrə elmlər doktoru İradə Bağırova, elmi məsləhətçi isə tarix üzrə fəlsəfə doktoru Hacı Həsənovdur. Tədqiqatın başlıca mənbə bazasını Azərbaycan və Gürcüstan respublikalarının arxivlərindən əldə olunmuş sənədlər təşkil edir.




 
Bölməyə aid digər xəbərlər
15.02.2019
“Acer” Azərbaycanda “Sabahın alimləri” Respublika müsabiqəsinin qaliblərini mükafatlandırdı
15.02.2019
“Pedaqoji təcrübə tələbələrin həyatında mühüm mərhələdir”
15.02.2019
Paytaxt məktəblisi respublika müsabiqəsinin qızıl medalçısı olub
15.02.2019
Bakı Ali Neft Məktəbində “Mühəndislər üçün biznes təhsili”nin növbəti dərsləri başlayıb
15.02.2019
Tarix İnstitutu Polşada Xocalı soyqırımı ilə bağlı konfrans keçirəcək

Şərh əlavə olunmayıb

    ,    
Namiq Əliyev
Fuad HÜSEYNZADƏ
Tural Tağıyev
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10598

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 “Vzqlyad.ru”: “Nazarbayev və Əliyev türk-islam dünyasının lideri roluna ən aktiv iddiaçılardır”
3 Prezident İlham Əliyevin Real televiziyasına müsahibəsi (Yenilənib)
4 “Əsas oxucu kütləsi sayılan gənclər bu gün internet mediaya daha çox üstünlük verirlər”
5 Qabaqcıl texnologiyalar dövründə ənənəvi və internet medianın inkişafı


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info