Krivoy Roqdakı soydaşlarımız festivala hazırlaşırlar
Tarix: 18.09.2018 | Saat: 16:18:00 | E-mail | Çapa göndər


Sentyabrın 17-də Ukrayna Azərbaycanlıları Birləşmiş Diasporunun Krivoy Roq şəhər təşkilatında növbəti toplantı keçirildi. Toplantıda sentyabrın 31-də Krivoy Roqda milli azlıqlar arasında ənənəvi olaraq keçirilən "Ukrayna mənim vətənimdir" adlı festivala hazırlıq məsələləri müzakirə edildi.
Ukrayna Azərbaycanlıları Birləşmiş Diasporunun Krivoy Roq şəhər təşkilatının sədri Nahid Zeynalov festivalda soydaşlarımızın iştirakının önəmindən danışdı: "Belə festivallarda soydaşlarımız birlik nümayiş etdirməlidirlər. Biz ildən-ilə aktivliyimizi artırırıq. İnanıram ki, bu il daha da fəal şəkildə festivalda Azərbaycanı təmsil və təbliğ edəcəyik".
Ukrayna Azərbaycanlıları Birləşmiş Diasporunun Krivoy Roq şəhər təşkilatının sədr mavini Kəmaləddin Ağayev isə qeyd etdi ki, bu il festivalda yeniliklər etmək lazımdır: "Festivalda Azərbaycanın tanıtımı üçün plakatlar hazırlanıb, həmçinin bayraqlar sifariş edilib. Bu il, eyni zamanda festivalda Azərbaycanla bağlı broşürlər də yayacağıq".
Ukrayna Azərbaycanlıları Birləşmiş Diasporunun Krivoy Roq şəhər təşkilatının Ağsaqqallar Şurasının sədri Yusif Nuriyev festivalda Azərbaycan guşəsinin təbliğinin effektiv olması üçün soydaşlarımız arasında vəzifə bölgüsünün edilməsinin vacibliyini vurğuladı.
Ukrayna Azərbaycanlıları Birləşmiş Diasporunun Krivoy Roq şəhər təşkilatının İdarə heyətinin üzvü Sail Quliyev qeyd etdi ki, festivalda milli mətbəximizə aid yeməklərin çeşidlərini artırmaq lazımdır. Yığıncaqda diaspor üzvləri Mustafa Adamov, Yadigar Əhmədov, Orfan Sənanzadə, Nizami Zeynalov, Həbib Hüseynov, Elşən Hacıyev, Faiq Hacıyev, Elşən Əsgərov və digərləri də çıxış edərək festivalda görüləcək işlərlə bağlı fikir və təkliflərini bildirdilər. Bütün çıxışçılar festivalda Azərbaycan guşəsinin maraqlı və baxımlı olması üçün əllərindən gələni əsirgəməyəcəklərini dedilər. Xatırladaq ki, "Ukrayna mənim vətənimdir" festivalı 10 ildən artıqdır ki, Krivoy Roq şəhərinin meri Yuri Qriqoriviç Vilkulun təşəbbüsü ilə keçirilir. Festivalın keçirilməsində məqsəd Krivoy Roq şəhərindəki milli azlıqlar arasında dostluq yaratmaqdır.

Fuad Hüseynzadə
(Krivoy Roq)




 
Bölməyə aid digər xəbərlər
15.02.2019
Yerevanda “Rusiyada necə inqilab etməli?” kursları keçirilib
15.02.2019
«Ermənilər xarici yardım hesabına yaşamağa alışıblar»
15.02.2019
Yerevanda avtobus sürücüləri tətil edirlər
15.02.2019
İslamabadda “İpək yolunun dostları” təşəbbüsünə start verilib
15.02.2019
ABŞ Rusiya ilə Almaniya arasında “Berlin divarı” çəkə biləcəkmi?

Şərh əlavə olunmayıb

    ,    
Namiq Əliyev
Fuad HÜSEYNZADƏ
Tural Tağıyev
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10598

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 “Vzqlyad.ru”: “Nazarbayev və Əliyev türk-islam dünyasının lideri roluna ən aktiv iddiaçılardır”
3 Prezident İlham Əliyevin Real televiziyasına müsahibəsi (Yenilənib)
4 “Əsas oxucu kütləsi sayılan gənclər bu gün internet mediaya daha çox üstünlük verirlər”
5 Qabaqcıl texnologiyalar dövründə ənənəvi və internet medianın inkişafı


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info