UNEC yeni tədris ilinə yüksək keyfiyyət göstəriciləri ilə start verib
Tarix: 20.09.2018 | Saat: 13:32:00 | E-mail | Çapa göndər


II ixtisas qrupu üzrə 600-dən yüksək bal toplayanların 63 faizinin seçimi UNEC olub


UNEC-in Zaqatala filialında təhsil alan tələbələrin təkrar imtahanlara görə ödənişlərinin həcmi 25 faizdən 10 faizə endirilib

UNEC-də yeni tədris ilinin ilk Elmi Şurası keçirilib. UNEC-in rektoru, professor Ədalət Muradov yeni tədris ilinin başlaması münasibətilə şura üzvlərini təbrik edərək, onlara işlərində uğurlar arzulayıb. Elmi Şurada Tədrisin keyfiyyətinin qiymətləndirilməsi və idarəedilməsi mərkəzinin direktor müavini, dosent Söhrab İsayev 2017/2018-ci tədris ilinin yay imtahan sessiyasının yekunları barədə hesabatla çıxış edib. S.İsayev imtahan nəticələri ilə bağlı apelyasiya şikayətlərinin nəzərəçarpacaq dərəcədə azaldığını, ümumilikdə isə imtahanların ötən dövrlərlə müqayisədə daha mütəşəkkil təşkil olunduğunu diqqətə çatdırıb. Şurada ilk dəfə olaraq yay semestri ilə bağlı müzakirələr aparılıb. Bildirilib ki, yay semestrinin təşkilində institutlaşmaya ehtiyac var. Tədris və təlim texnologiyaları üzrə prorektor, professor Damət Bağırov UNEC-də, Dərbənd və Zaqatala filiallarında, Maliyyə-İqtisad Kollecində yeni tədris ilinə hazırlıqla bağlı məruzə ilə çıxış edib. Bildirilib ki, yeni tədris ilindən UNEC-in Dərbənd filialında ali təhsil ilə yanaşı, orta ixtisas təhsili üzrə mütəxəssis hazırlığı da həyata keçiriləcək. Beləliklə də UNEC təhsilin hər iki istiqaməti üzrə ölkə xaricində tədris fəaliyyəti göstərən ilk Azərbaycan universiteti olub. Şurada 2018/2019-cu tədris ili üçün qəbul imtahanlarının nəticələri də açıqlanıb. Yeni tədris ilində UNEC-ə bakalavriat səviyyəsi üzrə qəbul planının 92,1%, yerinə yetirildiyi qeyd edilib. Ən yüksək bal toplayanların UNEC-ə qəbul sayında ciddi irəliləyişin olduğuna diqqət çəkilərək, II ixtisas qrupu üzrə 600-dən yüksək bal toplayanların 63 %-nin (I ixtisas qrupu üzrə isə bir nəfər) seçiminin məhz UNEC olduğu bildirilib, bunun isə 2014-cü illə müqayisədə 3,8 dəfə artdığı xüsusi vurğulanıb. Şurada 2018/2019-cu tədris ili üçün Beynəlxalq Magistratura və Doktorantura Mərkəzinə (BMDM) qəbulun nəticələri də açıqlanıb. Bildirilib ki, ölkənin ali təhsil müəssisələrinə magistratura pilləsi üzrə qəbul planı 74.87 % yerinə yetirildiyi halda, UNEC-də BMDM-a qəbul planı 91,4%, Magistratura mərkəzinə 84,1 %, UNEC Biznes Mərkəzində isə 97% yerinə yetirilib. Şura üzvləri UNEC-in Zaqatala filialına daha çox abituriyent cəlb etmək məqsədilə filialda təhsil alan tələbələrin təkrar imtahanlara görə ödənişlərinin həcminin 25%-dən 10%-ə endirilməsi barədə qərar qəbul edib. Rusiya vətəndaşlarının UNEC-in Dərbənd filialında təhsil alması üçün əlçatanlığını artırmaq məqsədilə isə təhsil haqqının 26,000 rubl məbləğində müəyyən edilməsi şurada təsdiq edilib. Elmi Şurada qeyd olunub ki, UNEC missiyasını layiqli şəkildə yerinə yetirmək və müəyyən etdiyi vizyonunu reallığa çevirmək məqsədilə “UNEC dəyərləri” müəyyən olunub. Akademik azadlıq, akademik etika, layiqlilik, şəffaflıq, mükəmməllik, keyfiyyətlilik, iştirakçılıq, fərqliliklərə hörmət, cəmiyyət mənafeyini düşünmək kimi yüksək mənəvi keyfiyyətləri özündə birləşdirən “UNEC dəyərləri” şura üzvləri tərəfindən yekdilliklə qəbul olunub. Şurada “Azərbaycan Dövlət İqtisad Universitetində professor-müəllim heyətinin xidməti fəaliyyətinin qiymətləndirilməsinə əsaslanan differensial əmək haqqı sistemi haqqında qaydalar”a dəyişikliklər də təsdiq edilib. UNEC-in tədqiqat universitetinə çevrilmə istiqamətindəki strateji hədəflərinə uyğun olaraq aparılan dəyişikliklərə əsasən, sistemdə elmi fəaliyyətlərin payı 40%-dən 70%-ə yüksəldilib. “Web of Science” və “Scopus” platformalarına daxil olan nüfuzlu elmi jurnallarda məqalələrin və nüfuzlu beynəlxalq nəşriyyatlarda monoqrafiyaların nəşr edilməsi, istinadlara görə verilən ballar əhəmiyyətli dərəcədə artırılıb və “Scopus” bazasında elmi məruzələrin nəşr edilməsi də nəzərə alınıb. Daha bir dəyişiklik isə 2018-2019-cu tədris ili üçün “Nüfuzlu elmi nəşrlərdə əsərləri çap olunan UNEC əməkdaşlarının mükafatlandırılması haqqında qaydalar”a edilib. Yeni dəyişikliklərə əsasən, çap edilən əsərlərdə müəlliflərin iş yerlərini göstərmələri ilə bağlı müəyyən edilən qaydalar dəqiqləşdirilib. “Scopus” platformasında yerləşən elmi məruzələrə görə birdəfəlik mükafat nəzərdə tutulub və jurnalların kateqoriyalaşdırılmasında “Web of Science” və “Scopus” platformalarının müəyyən etdiyi “Q1,Q2,Q3,Q4” təsnifatı tətbiq edilib.

Anar




 
Bölməyə aid digər xəbərlər
14.12.2018
AMEA Rəyasət Heyətinin növbəti iclası keçirilib
14.12.2018
UNEC ilə BFB təhsil, elm və təlim-tədris sahəsində birgə əməkdaşlığa başlayır
14.12.2018
“Azərbaycan dünyanın ən gözəl, zəngin ölkələrindən biridir”
14.12.2018
Naxçıvan Dövlət Universitetinin tələbələri Araz Elm və İstehsalat Birliyində olublar
14.12.2018
Alimin vəfatından 19 il keçir

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10527

1 “Macarıstandakı Azərbaycan icmasının böyük əksəriyyətini gənclər təşkil edir”
2 Bill Klinton Heydər Əliyevlə görüntülərini paylaşdı
3 “Xəzər hövzəsi və enerji təhlükəsizliyi” - Rufiz Qonaqov yeni kitabını təqdim etdi
4 Əli Həsənov: “Nə qədər Azərbaycan var, Heydər Əliyevin ideyaları yaşayacaqdır...”
5 Azərbaycanlı gənc Misirdə fiziki qüsurlular üçün iki cihaz ixtira edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info