Avropalı qonaqlar Naxçıvan Dövlət Universitetində
Tarix: 24.09.2018 | Saat: 16:35:00 | E-mail | Çapa göndər


Naxçıvanda “Avropa Günləri”nin keçirilməsi ilə əlaqədar muxtar respublikamıza gələn qonaqların bir qrupunun iştirakı ilə Naxçıvan Dövlət Universitetində görüş keçirilib. Tədbiri giriş sözü ilə açan universitetin rektoru, AMEA-nın müxbir üzvü Saleh Məhərrəmov tədbirin əhəmiyyətindən bəhs edib. Qeyd edilib ki, Naxçıvan Dövlət Universiteti xarici ölkələrin ali təhsil müəssisələri ilə əməkdaşlıq edir, müəllim və tələbə mobilliyi həyata keçirir.
Erasmus+ Milli ofisinin rəhbəri Pərviz Bağırov bildirib ki, müasir dövrdə Avropa ölkələri təhsil sistemlərinin inteqrasiyası və Avropa təhsil sisteminin formalaşdırılması xüsusi aktuallıq kəsb edir. Bu istiqamətdə həyata keçirilən tədbirlər sırasında Avropa təhsil sistemini özündə əks etdirən Erasmus+ proqramlarının mühüm əhəmiyyəti var. Qeyd edilib ki, Erasmus proqramları Avropada ali təhsilin keyfiyyətini artırmaq məqsədi daşıyan, universitetlər arasında ölkələrarası işbirliyini formalaşdırmağa çalışan ən böyük Avropa İttifaqı proqramıdır. 1987-ci ildə yaranmış, Avropa birliyinin layihəsi olan proqram 2014-cü ilin yanvar ayında başlanmış təhsil, təlim, gənclik və idman üçün bütün Avropa Birliyinin hazırkı sxemlərini birləşdirir. Vurğulanıb ki, Avropa Birliyi tərəfindən maliyyələşdirilən Erasmus+proqramları Azərbaycan da daxil olmaqla 33 ölkəni əhatə edir. Yarandığı dövrdən bu günədək 1,5 milyondan artıq ali təhsil alan insan bu proqram vasitəsilə müxtəlif ölkələrə getmə şansı qazanıb. Diqqətə çatdırılıb ki, qısamüddətli (3aydan 12 aya), uzunmüddətli (2 il ərzində) olmaqla, hər il 800-ə yaxın tələbə müxtəlif Avropa ölkələrində təhsillərini davam etdirirlər. Sonra tələbə və müəllimlərin sualları cavablandırılıb. Avropa birliyinin Azərbaycandakı gənc səfirləri tələbələrə oxuduqları xarici ölkə universitetləri, gənc səfir olmaq üçün müəyyənləşdirilmiş yaş həddi haqda məlumat verib. Bildirilib ki, gənc səfir üçün yaş həddi 15 yaşdan 28 yaşa qədər müəyyənləşdirilib.
Qeyd edək ki, universitetin Beynəlxalq münasibətlər və xarici dillər fakültəsinin tələbələri üçün dil kursları da təşkil olunub. Kurslarda tələbələrə alman, ispan, italyan, yunan, ingilis dillərində dərslər keçirilib, tələbələrin bilikləri yoxlanılıb. Kursda dilin spesifikası, tələffüzü, xarici dillərdə istifadə olunan sözlər, həmçinin xarici ölkələrin mədəniyyəti, adət-ənənələri barədə məlumatlar verilib.
Universitetin İncəsənət fakültəsində keçirilən növbəti görüş xarici ölkə səfirləri və diplomatlarının iştirakı ilə baş tutub. Tədbiri giriş sözü ilə açan universitetin rektoru, AMEA-nın müxbir üzvü Saleh Məhərrəmov qonaqları salamlayaraq onları universitetdə görməkdən məmnunluğunu bildirib. Sonra Avropa İttifaqının Azərbaycan Respublikasındakı nümayəndəliyinin rəhbəri Kestutis Yankauskas Avropa Birliyi haqda məlumat verib. Bildirilib ki, 28 dövləti birləşdirən dövlətlərüstü və eyni zamanda dövlətlərarası iqtisadi və siyasi təşkilat ittifaqın təməli 18 aprel 1951-ci ildə Paris müqaviləsinə əsasən Belçika, Almaniya, Fransa, Niderland, Lüksemburq və İtaliya tərəfindən qoyulub. Qeyd edilib ki, təşkilatın mərkəzi qərargahı Brüssel şəhərində yerləşən ABözündə həm beynəlxalq təşkilat, həm də dövlət əlamətləri daşısa da, bəzi məsələlər birliyin ümumi institutları, bəziləri isə üzv dövlətlərin nümayəndələrinin razılaşması ilə qəbul edilir. Sonra Kestutis Yankauskas Bolqarıstan, Litva, Finlandiya, Xorvatiya, Yunanıstan, Çex, İtaliya səfirlik və diplomatik nümayəndələrini kürsüyə dəvət edib. Hər bir səfir və diplomatik nümayəndəlik öz ölkələri haqda maraqlı məlumatları tədbir iştirakçılarının diqqətinə çatdırıb. Sonra tələbələrə “Oskar” mükafatına layiq görülən qısa metrajlı “Mindenki” filmi təqdim edilib.
Səadət Əliyeva
NDU-nun Televiziya, mətbuat və ictimaiyyətlə əlaqələr bölməsinin müdiri




 
Bölməyə aid digər xəbərlər
13.12.2018
Bakı Baş Gömrük İdarəsində könüllü qanvermə aksiyası keçirilib
13.12.2018
“Sağlam məktəbli” layihəsi davam edir
13.12.2018
Nazir Biləsuvar rayonunda vətəndaşlarla görüşəcək
12.12.2018
Atatürk parkında təmir-yenidənqurma işləri aparılır
12.12.2018
Qaradağ rayonunda Ulu Öndəri anma mərasimi keçirilib

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10527

1 “Macarıstandakı Azərbaycan icmasının böyük əksəriyyətini gənclər təşkil edir”
2 Bill Klinton Heydər Əliyevlə görüntülərini paylaşdı
3 “Xəzər hövzəsi və enerji təhlükəsizliyi” - Rufiz Qonaqov yeni kitabını təqdim etdi
4 Əli Həsənov: “Nə qədər Azərbaycan var, Heydər Əliyevin ideyaları yaşayacaqdır...”
5 OPEK-ə üzv ölkələr neft hasilatını azaltmaq barədə razılığa gəliblər


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info