Yaponiyanın Baş naziri Şinzo Abe Çinə səfər edəcək
Tarix: 13.10.2018 | Saat: 09:42:00 | E-mail | Çapa göndər



Yaponiyanın Baş naziri Şinzo Abe oktyabrın 25-27-də Çin Xalq Respublikasında (ÇXR) rəsmi səfərdə olacaq.

AZƏRTAC Çin Xarici İşlər Nazirliyinə istinadla xəbər verir ki, Dövlət Şurasının sədri (Baş nazir) Li Keçyanın dəvəti əsasında baş tutacaq səfər 2011-ci ildən sonra Yaponiya Baş nazirinin Çinə ilk səfəridir. Səfər zamanı Çin rəsmiləri ilə keçiriləcək görüşlərdə iki ölkə arasında münasibətlərin inkişafına, habelə regional və beynəlxalq məsələlərə dair fikir mübadiləsi aparılacaq. Bundan başqa, Çin-Yaponiya sülh və dostluq sazişinin 40-cı ildönümü münasibətilə qəbul təşkil olunacaq.
Şinzo Abenin səfəri Çin Dövlət Şurası sədrinin 5 ay əvvəl Tokioya səfərindən sonraya təsadüf edir. Dünyanın ən böyük ikinci (Çin) və üçüncü (Yaponiya) iqtisadiyyatlarına sahib olan ölkələr arasında son illər dəfələrlə tarixi məsələlərdən qaynaqlanan siyasi gərginlik yaşanıb.
Qeyd edək ki, Çində ötən əsrdə yapon istilası dövründə yaşanmış hadisələrə tərəflərin fərqli yanaşma nümayiş etdirməsi iki ölkə arasında siyasi, bəzən də iqtisadi gərginliyə səbəb olur. Yaponiya ilə İkinci Dünya müharibəsindən sonra qurulan Çin Xalq Respublikası arasında münasibətlər uzun müddət normal olmayıb. Yalnız 1972-ci ildə imzalanmış birgə bəyannamə ilə ÇXR ilə Yaponiya arasında diplomatik əlaqələrin təməli qoyulub. Bundan 6 il sonra isə tərəflər arasında sülh və dostluq sazişi imzalanıb.




 
Bölməyə aid digər xəbərlər
21.01.2019
“WhatsApp” mesaj göndərişlərini məhdudlaşdırıb
21.01.2019
Ukrayna və İsrail azad iqtisadi zona yaradır
20.01.2019
Terrorçular Malidə BMT-nin düşərgəsinə hücum edərək 8 sülhməramlını öldürüblər
20.01.2019
Ötən il Ukraynada əhalinin sayı 200 min nəfərdən çox azalıb
19.01.2019
Fransada “Sarı jiletlər”in növbəti aksiyası keçirilir

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Ukraynada oxucuların rəğbətini qazanan azərbaycanlı yazıçı
2 Dərslər təxirə salındı
3 Nikola Sarkozi: “Bakıda böyük quruculuq işlərinin şahidi oldum”
4 Yalçın Topçu: “Türkiyə və Azərbaycan arasında ticarət daha da artacaq”
5 Mədəniyyət Nazirliyinin tabeliyindəki kitabxanalar ləğv edilib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info