Fərhad Bədəlbəyli Müslüm Maqomayev adına müsabiqənin münsiflər heyətinə daxil edilib
Tarix: 17.10.2018 | Saat: 17:35:00 | E-mail | Çapa göndər


Rusiyanın TASS agentliyində Moskvada vokalçıların M.Maqomayev adına V Beynəlxalq Müsabiqəsinə həsr olunmuş mətbuat konfransı keçirilib. AZƏRTAC xəbər verir ki, oktyabrın 19-20-də keçiriləcək müsabiqənin münsiflər heyətinin sədri Tamara Sinyavskaya və üzvləri “Gelikon-opera” teatrının bədii rəhbəri Dmitri Bertman, Novosibirsk Opera və Balet Teatrının musiqi rəhbəri Dmitri Yurski və “İstedad və uğur” təhsil fondunun rəhbəri Hans Yohim Fray yarışmanın şərtləri, proqramı və iştirakçıları barədə məlumat veriblər. Müsabiqədə 12 ölkədən, o cümlədən Azərbaycan, Türkiyə, Rusiya, İspaniya, Moldova, Koreya Respublikası, Monqolustandan 18 vokalçı iştirak edir. Münsiflər heyətinə SSRİ Xalq artisti, Bakı Musiqi Akademiyasının rektoru Fərhad Bədəlbəyli, “Gelikon-opera” teatrının bədii rəhbəri Dmitri Bertman, Novosibirsk Opera və Balet Teatrının musiqi rəhbəri Dmitri Yurski və “İstedad və uğur” təhsil fondunun rəhbəri Hans-Yohim Fray, İtaliya opera müğənnisi Farina Franko, İtaliyanın opera və estrada müğənnisi Alesandro Safino və başqaları daxildir. Azərbaycanı müsabiqədə Azərbaycan Dövlət Akademik Opera və Balet Teatrının solisti, Əməkdar artist Anton Ferştant təmsil edəcək. O, Müslüm Maqomayevin repertuarından “Karmen” operasından Eskamilyonun kupletlərini, Elvis Preslinin “Love Me Tender” mahnısını, “Otello” operasında Yaqonun monoloqunu və “Ey, əziz anam, Azərbaycan” mahnısını ifa edəcək.
Anton Ferştant 2004-cü ildə Bakı Musiqi Akademiyasını bitirib, 2007-ci ildən Azərbaycan Dövlət Akademik Opera və Balet Teatrının solistidir.
Bu il ilk dəfə müsabiqəyə türkiyəli vokalçısı, gənc soprano Ayşə Şənoğul da qatılıb. Ayşə Şənoğul əslən İzmirdəndir, hazırda İtaliyadakı Cüzeppe Verdi Opera Teatrında çalışır.
Müsabiqədə iştirak edən 18 vokalçıdan yalnız 10 nəfəri birinci turun nəticələrinə görə finala çıxa biləcək və Müslüm Maqomayev adına müsabiqənin laureatı adı uğrunda mübarizə aparacaqdır. Müsabiqədə birinci yerin sahibi 25 min dollar, ikinci yerə layiq görülən vokalçı 15 min dollar, üçüncü yeri tutan iştirakçı isə 10 min dollar məbləğində mükafat alacaq. Müsabiqənin final konserti oktyabrın 20-də “Crocus city hall” konsert zalında təşkil olunacaq. Xatırladaq ki, vokalçıların M.Maqomayev adına Beynəlxalq Müsabiqəsi 2010-cu ildən başlayaraq iki ildən bir keçirilir.




 
Bölməyə aid digər xəbərlər
20.01.2019
Firəngiz Əlizadənin “İntizar” operası nümayiş olunub
17.01.2019
“Bu, “Nəsimi ili” ilinə ən böyük töhfə olar”
17.01.2019
Ankarada “Nazim Hikmət Azərbaycan ədəbiyyatında” mövzusunda tədbir keçirilib
17.01.2019
Xalq rəssamı Fazil Nəcəfov haqqında film çəkilib
17.01.2019
“Kafalar karışıq” türk komediya filminin nümayişi olub

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Hüseyn Babayev AAF-ın vitse-prezidenti təyin edilib
4 Dərslər təxirə salındı
5 Nikola Sarkozi: “Bakıda böyük quruculuq işlərinin şahidi oldum”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info